Tuesday, December 18, 2007

第四章︰曼殊院、円光寺、詩仙堂

曼殊院、円光寺和詩仙堂在出發前兩三天,我還沒有聽過,或完全沒有留意過。從網上知道京都的紅葉還是火紅,便決定放棄其他地方,多花時間留在京都。這三所位於左京區的寺院相距不遠,可以一次過造訪。



曼殊院,可以在出町柳轉乘叡山電車,在修學院下車再走大約二十分鐘。路雖然長,而且又是斜坡,但沿途風景卻叫人忘記了疲累。



曼殊院存放了不少國寶級文物,不少皇室成員也曾到來,但今天來的人應該都只有同一個目的。脫了鞋,走在木造的長廊上看紅葉,感覺又截然不同。



對着取景器,任何人也會不期然咪上眼嘴角微微向上。



離開曼殊院,穿插於民居的小路走大約十分鐘,便到達円光寺。



我很喜歡円光寺,尤其是當你靜靜坐在堂內欣賞外面橙紅色的世界。



円光寺地方比較大,紅葉也比較好看。走上後山,你更可以從高處看給紅葉點綴了的京都市。




走出円光寺,拐個彎就是詩仙堂。詩仙堂的庭園設計很美,坐在堂內看着外面的景色發呆,時光就不知不覺慢慢地溜走。



兩個小時內走訪了三所寺院,密集得像頭頂的紅葉。

18 comments:

Anonymous said...

紅葉期就梗係要留多d時間晌京都~

Anonymous said...

想問除左円光寺之外, 其它兩個係唔係唔落得地架, 即係只能夠在室內望向外的庭園景色呢.

maymay said...

話咁快就寫到第四章,勁喎!

紅葉~教我怎能不愛它!

supageti said...

精彩!

依次應該唔會爛尾喇啩,呵呵 ~

lau2tang said...

正~~
睇嚟呢面的紅葉仲靚過嵐山。
連我都要唱番句:「紅葉我愛你~」

Anonymous said...

紅葉很美啊!可以坐在電腦前欣賞,實在省時省力。
我從新西蘭回來了,天天駕車跑百多二百公里,也只轉了個不大的圈而已。世界真的太大了!
祝你和家人都聖誕快樂!
蘭子

Ellen老師 said...

紅葉~~~還是跟我沒緣份

Anonymous said...

第四張相, 你好似係影那位美女多於影境喎 !

largeheadboy said...

roy︰京都的紅葉吸引力實在太大了!也興幸行程由最初五天加到七天,否則我一定很後悔。

wendy︰詩仙堂都可以落地,右上角那張相有幾個細人仔,咪就係囉。其實他們站着的地方不用付拜觀費都可以前去的。我們步出詩仙堂後,有個人指我地行嗰邊,就去到外面個庭園。早知就慳返幾百円!畀幾百円,就可以看些國家級珍藏和在堂內看外面的風景。

maymay︰今次連載唔知可以捱到幾多集呢?^t^

意粉︰唔一定架!舊年北海道遊記我都冇諗過會爛尾架!^i^

largeheadboy said...

劉鄧︰嵐山那邊的紅葉都唔弱呀!看了整天紅葉後,常寂光寺(某人的網頁寫了“常寇光寺”,見字請改 ^t^ )的紅葉仍叫我嘆為觀止!

蘭子︰你在新西蘭看的風光也一定很美了!聖誕前有興趣一聚嗎?

ellen︰日本城都有好靚的塑膠紅葉賣,我都有諗過買嚟裝飾一下頂吓癮。

galaxy︰傻喇傻喇,我都唔知點解呀美女突然在鏡頭正中出現架!

Anonymous said...

嗯......多謝提醒某人 :p

Anonymous said...

我同D紅葉黃葉都係欠一點緣份.

光.軍 said...

第六張個感覺幾正.個畫面似睇緊電影。睇住張令我想起中島美雪o既聲音。

Anonymous said...

聖誕前那個周末要上班,一聚的話要在晚上才行,不然就要再過一個星期了。
蘭子

Ellen老師 said...

塑膠紅葉~~~唔係化

largeheadboy said...

roy︰^_^

小彭︰你地去南啲嘅地方可能會看到紅葉嗎?下一轉喇咁就!

光.軍︰我都覺得呢張相不錯,我地要等咗好耐才“偷拍”到他們,因為堂內的人太多了。

蘭子︰我地仲研究緊星期日那天會唔會食埋晚飯,如果會就找你啊!^o^

ellen︰塑膠紅葉其實都好有 feel 架!^i^

supageti said...

你咁寫法,爛左都無人知啦 …

largeheadboy said...

意粉︰hehe ,呢招高呀!^t^