Wednesday, January 09, 2008

我的藍莓夜

一如所料,王家衛進軍荷里活的首部電影《藍莓之夜》仍然很王家衛,不同的可能就只有時間人物地點。


穿梭於紐約市的地鐵令我想到《墮落天使》;被遺棄的鎖匙令我想到《重慶森林》;櫥窗外的街景又令我想到《春光乍洩》,一切都是那麼熟悉那麼親切。還有的,就是王家衛電影例牌出現的定鏡、慢動作、對數字的執迷,以至喜歡別人但又不敢表白的情節,《藍莓之夜》都一一奉上。



事實上,Norah Jones 就是《重慶森林》裏的阿菲,Jude Law 就是警察 663 。兜兜轉轉,Norah Jones 穿州過省,最終回到 Jude Law 的身邊,正如在《重慶森林》裏,王菲走過大半個地球,最後還是回到梁朝偉那裏去。



看王家衛的電影,永遠都有一種很特別的代入感,每個角色都好像在訴說自己的故事。這晚看過電影後,我也來了一件沒有加上雪糕的藍莓批,繼續嘗試搜索自己的影子。

7 comments:

lau2tang said...

我永遠都睇唔明佢想講乜!
所以我唔鍾意佢!尤其是最憎佢夜嫲嫲戴住副黑超!

largeheadboy said...

劉鄧︰呢次好好多呀!其實我都唔明得晒,但就覺得佢啲戲好有 feel 。
不過話時話,我都覺得成日戴住副超真係 over 咗啲。

supageti said...

以前鍾意王家衛,但整整下覺得佢千篇一律,對佢已經無咩興趣 ~

Anonymous said...

新意欠奉,但感覺依然 。

喜歡王家衛的,自然喜歡吃藍莓批,不喜歡他的,也不會因此愛上吃。

但那一球雪糕的確是個驚喜 !

maymay said...

我愛那件真實的藍莓批~
加多杯泡沬咖啡丫唔該!

maymay said...

依家先睇到,原來你個新look係我至愛嘅麵包超人~

largeheadboy said...

意粉︰我都覺得佢早期的作品好啲,得閒攞返出嚟睇都覺得好正。《花樣年華》同埋《2046》就真係有啲悶。

tmc︰《藍莓之夜》彷彿就是西洋版的《重慶森林》,雖然真係無乜新意,但就喚起很多回憶。
藍莓批再加一球雪糕真係發達 lu !^t^

maymay︰搞到我都好想飲番杯 mocha 添!
呢個麵包超人好正呀,是在白川鄉某戶人口門口拍的。