Tuesday, July 20, 2010

男人最痛

在街上想喝點東西,我現在多會到貢茶、pacific coffee 和星巴克,因為貢茶買十杯送一杯的印花卡長做長有;pacific coffee 這個月又出現加一蚊多一杯的感動優惠;星巴克用信用卡付款繼續享有免費升級服務。



想醫肚的話,我會到池記吃水餃麵或者豬軟骨米粉,因為之前儲下來的現金券快要到期。為求把現金券盡快散掉,我和朋友即使同枱也會提醒阿姐我們是分單的,那就可以一次過消滅兩張現金券。可是到了結帳時,阿姐又會送來沒完沒了的現金券。


回家前想吃些甜品,我會到 Haagen Dazs 吃雪糕,因為這兩個月只要出示這個手機短訊,就有買雙球送雙球的優惠。銅鑼灣皇室堡店新開張,付款過後又會送上當店限定的買單球送單球優惠券。這樣下來,究竟是肥了自己,還是肥了店家?


當你事事算盡,以為自己是世界最無敵之際,最痛最痛的,莫過於剛剛在百老匯以正價二千多塊買了一部手機,然後回家把信折開,發現這個動地驚天的大優惠。

20 comments:

小妹 said...

哎呀~ 慳埋都唔夠蝕呀...陰功囉!

光.軍 said...

用張COUPON買多部手機 ~ ~ YEAH!!

匿小名 said...

似係花師奶D劇情

naruto said...

我睇到笑左出嚟呀

largeheadboy said...

小妹︰唉,所以我呢啲人成世無得發達呀,認命呀~~

光.軍︰我真係有諗過架!同埋如果再早啲收到我早排買家電都用到吖嘛!

匿小名(咁古怪的名)︰我係花老爺至啱呀!

naruto︰簡直係晴天 pig pig 呀,早一日收到就唔會好似依家咁蝕大本喇!

supageti said...

好似唔關男唔男人事喎 ~~~

又買手機?(依句我都收得多嘞!哈哈!)

maymay said...

有幾痛,送左俾人啦張Q旁~~

Rempei said...

$100蚊啫~~都未夠您輸......:p

lau2tang said...

薯嘜呢句最應棍。
我都係咁話,呢啲邊關男人事?
應該係大頭最痛先啱。

紅米奇 said...

咁咪去百老匯買多樣野用左佢, 你出雞百老匯出豉油 ^^

largeheadboy said...

意粉︰咁我係男人嘛!
買咗部 se 好細部嘅 smart phone,幾好玩呀~

maymay︰要用指定信用卡至用到張 Q 旁架!

薯嘜︰因小失大呀我呢啲人,有排捱呀!尋晚六合彩又唔中~

劉鄧︰好 hurt 呀真係,大拿拿一百蚊架陰功,可以扭 20 隻蛋架喇!

紅米奇︰要用 $2,000 喎,隻雞一定要好肥好大隻至得喇!:p

小彭 said...

咦, 無記錯的話, 呢張$100coupon有次晌i-square有得送啦~ 師奶最痛呀~

歐巴桑 said...

但係好多時都係為咗張coupon而多花很多無謂錢呢:D

largeheadboy said...

小彭︰有咁嘅事?i-square 即係 hyatt 嗰位嗰個場啊呵?搵日去巡下先~ :p

歐巴桑︰真係呀,有時為咗張 coupon 食咗一餐仲貴嘅又或者唔好食嘅,不過 coupon 啲吸引力實在好大啊!

小頭 said...

對大頭哥來說濕濕碎而已,賣左 d 澳幣都回本有餘啦,最多是癢應該未夠痛的程度。

請問你蓋滿一張貢茶卡未?我仲有一個印才可換第一杯免費飲茶!不過近期兩次喝奶烏都覺得水準下滑...

largeheadboy said...

小頭︰唔好提澳幣喇,都仲未返到家鄉,大早一味入 yen 算喇~
貢茶仲爭兩個印仔呀,同埋依家轉咗用貼紙,印仔好似話今個月到期喎!我剩係飲過一次奶烏咋,覺得好肥好膩咁,呢期最愛係古早味酸梅湯~ :p

lala said...

古早味酸梅湯好飲,但我肯定佢勁多糖,因為本身好酸。

奶烏果pat泡真係好肥,我試過就咁洗個杯對手係肥哂。

寒天愛玉good架。

想飲 ......

呢邊有快可立,成Y300一杯呀!

largeheadboy said...

lala︰古早味酸梅湯話要冇得少甜啊!芒果歐雷都唔錯,不過又係肥仔!
Y300一杯,都好暴利喎!

小頭 said...

古早味酸梅湯呢,其實是深色像茶,抑或透明?有沒有橙/桔皮架?

我懷疑佢俾錯左韓式柚子茶我.... 太甜啦 @@

不過我終於儲了 10 個印花,給同事換了一杯珍珠奶茶。分享一下師奶心得,我睇哂成個價格表,換鮮奶綠茶最抵,剛剛好是 $15 ^^

largeheadboy said...

小頭︰古早味酸梅湯係茶色架,都叫都透透地明,有皮,不過我覺得係檸檬皮。試過另外一隻唔記得乜野名嘅反而仲似酸梅湯,仲酸啲嘅。
尋日換咗贈飲喇我都,換咗蝕 $1 嘅芒果歐雷~