Monday, December 13, 2010

20101127︰上野、汐留、Tokyo Midtown

從上野回到新宿,然後又由新宿到上野,彷彿整天的時間就花在電車上,幸好每程電車都是我們補眠的好時機,讓我們有精力去完一站又一站。

趁二木の菓子關門之前買了些東西,然後再次跟着《おとなの週末》的介紹,來到位於阿美橫丁旁的喫茶店丘。


從滿是行人叫囂聲不絕的阿美橫丁走進藏身於地牢的丘,感覺就像到了一個截然不同的世界。


丘在昭和 39 年東京舉辦奧林匹克運動會的那一年(1964 年)開業,所以裝修和布置都是徹徹底底六十年代的模樣,也就是現在大家都會說的“花樣年華 feel”。《おとなの週末》就給了丘三粒星,說它是極具昭和風味的喫茶店。


日本的喫茶店大多沒有抽煙的限制,而日本人抽煙的話可以抽得很兇,一支接着一支,不分男女。幸好我們坐在一角,吸了不算太多二手煙。


我們點了這裏的人氣食品拿破崙意粉和送到來才知道解作炒飯的ピラフ。老實說,食物沒有什麼特別,但在瞬息萬變的東京,這類有點歷史的喫茶店已經越來越少,可以的話就趁它們消失之前來光顧一下。


拿來雜誌或漫畫書看它一兩個小時,應該是很不錯消磨時間的方法,可是我們還有別的地方趕着要去。下一站,我們轉戰汐留。


聖誕節不是日本假期,但總是覺得日本的聖誕氣氛比我們的濃厚得多,除了是因為很多地方都有應節的燈飾之外,氣溫也比我們低得多,跟聖誕的感覺尤其配合。在冷風中,我們來到汐留的 Caretta。


Caretta 的聖誕燈飾名為 Blue Ocean,今年已是第五年舉行,是全東京甚至全日本最人氣的聖誕燈飾之一。根據日本網站的票選,Caretta OCEAN Xmas 2010 更是現時排行第一全國人氣最高的聖誕燈飾。


我們來到會場的時候,每半小時一次的匯演剛剛開始。現場 300,000 個 LED 燈泡製造出海浪的模樣,還會隨着音樂變出不同的顏色,再加上激光效果,確是令人很難忘的體驗。


其實我覺得只要布置得有心思,簡簡單單的燈泡已經很有節日氣氛。


一場來到汐留,當然不會看過燈飾就走。快有一年沒有到京都,就走到茶寮都路里,回憶一下京都的味道。


又一次鑽進地下鐵,這次的目的地是 Tokyo Midtown。


Tokyo Midtown 每年的聖誕燈飾都很吸引,今年的 Midtown Christmas 就用了250,000 個 LED 燈泡鋪滿整個芝生廣場,製造出一個好像看不到邊際的浩瀚宇宙來。


整個會場最令人着迷的地方,就是有些燈光會很快速的走動,驟眼看就像劃破夜空的流星或在黑夜中行走的高速列車。


看着眼前的景象,實在不用多說話,只有用心欣賞就可以了。


出發前在電視看過松嶋菜菜子和宋承憲替 Midtown Christmas 主持點燈式,一併宣傳電影《人鬼情未了》的日本版。這天,我們在他們也站過的地方,看着同一棵樹齡已有 60 歲的奇跡の木。


幾個鐘頭前才看過 Tokyo Sky Tree,現在在這裏連東京鐵塔也看到了!


除了芝生廣場,Tokyo Midtown 其他每個角落都有不同的聖誕裝飾,要細心看絕對可以花上一整個晚上。


鳥倦知還,是時候結束這一天的行程回旅館休息了。這張一天乘車券,也完成了極其艱辛的任務。


這晚的睡前果物,是愛媛県產的蜜柑。

20 comments:

jokelib said...

你第一日都已經好充實, 真係漫長的一天.

naruto said...

好靚呀夜景,睇相都興奮呀

間餐廳擺明你年代啦,你應該有番屋企感覺

卡臣 said...

以為love hotel添

小妹 said...

我差點落左去"丘"吃早餐呀.
你將tokyo midtown的聖誕燈飾描述得好好呀!
我...就獻醜不如藏拙啦. :P

largeheadboy said...

jackson︰呢日的確好長兼做咗好多野又去咗好多地方。無計,去得五日,不得不將乜野都放晒入去~

naruto︰都係嗰句,現場睇仲靚仲震撼啊!
係呀,間喫茶店好屋企 feel 到有啲唔想走,又啱我 style 喎~

卡臣︰我未去過 love hotel,唔知裏面乜野格局喎~ :p

小妹︰咁啱!點解又冇去到呢最後?
我都係呢度抄一句嗰度抄一句之嘛!唔得唔得,你點都要放啲相出嚟引下我!

TY said...

我都好掛住"都路里"呀!!
原來midtown christmas咁靚架?! 等我下次都去先!!

maymay said...

透光嘅銀杏樹實在太正,不過我去到應該落晒葉lu~~

貝拉 said...

好強勁的燈飾, 無你介紹, 真不知原來咁利害....由於工作關係, 很少在聖誕攞長假期........聖誕總要去日本一次....
真係好靚....

小頭 said...

Tokyo Midtown 的燈飾好靚啊!令我也心思思想某年聖誕去一次東京 ^^

maymay said...

都路里果個黃金乜乜係乜味來架?好唔好吃?

lau2tang said...

帥哥,
啲燈飾相係用大機定細機影架?

largeheadboy said...

TY︰咪講話你,我啱啱去完都已經好掛住茶寮都路里~
下次?

maymay︰你細心啲睇,嗰棵其實唔係銀杏嚟架,我當時都畀佢呃咗。所以照去喇,可能仲有葉架!
嗰杯野有玄米茶 jelly、黑糖 jelly、番薯、芋頭 cream,巧巧吃,不過期間限定終了~

貝拉︰tokyo midtown 嘅燈飾超靚,我鐘意佢多過汐留嗰個。
好難講架機緣呢家野,話唔定好快你都可以喺聖誕飛一轉~

小頭︰咁就快手換定下年機票喇~ :p

劉鄧︰兩部都有用。汐留嗰啲就全部都係細機,tokyo midtown 嗰啲 50、51、55 用大機,53、54 就用細機。你覺得有冇分別吖?

ayclui said...

聖誕燈飾真係好靚呀~

小彭 said...

我晌名古屋都去咗一間"花樣年華"feel嘅街坊食肆呀~

東京, 真係玩極都仲有, 好多舊地方想去都未去, 仲未計d新的/時間限定個d.

最衰都係你, 我結果都係食唔到茶寮都路里!

largeheadboy said...

ayclui︰香港十年如一日嗰啲真係爭好遠啊!

小彭︰咁記住介紹嗰間街坊食肆我知呀,我最鐘意啲懷舊野~
係呀,東京太大太多地方想去未去,同時又有好多故地想一去再去。今次睇電視介紹咗東京 banana 嘅發祥地杉並區阿佐谷,我都好想去行吓~
我叫咗你上嚟東京架喇,你唔睬我之嘛!不過喺宇治食中村藤吉應該開心好多喎~

supageti said...

日本既聖誕燈飾真係超靚 ~~~ :)

largeheadboy said...

意粉︰咁舊年你喺日本有冇睇過靚燈飾呀?

l.minor said...

燈飾相真係好靚!

香港d燈飾曼我覺得係2009年新世界外邊都算ok,可惜巳經變了勞力大士大型廣告了

越睇越想去...

supageti said...

你去我度搵下囉 ~~ 呵呵 ~~~

largeheadboy said...

l.minor︰尖東嗰啲外牆燈飾十年如一日,都咪話唔悶。以前新世界嘅燈飾感覺好啲,最記得係有好大嘅聖誕樹~

意粉︰搵到喇,広島吖嘛~ ^t^