Tuesday, May 03, 2011

八十分鐘環遊世界

剛過去的五天悠長假期,除了慣常的飲飲食食之外,我還做了很多東西。其中,我抽出很寶貴的八十分鐘,環遊了世界一周。


歐洲永遠都是想一去再去的地方,倫敦的塔橋、巴黎的凱旋門、荷蘭的風車,每一處都風光綺麗。五十個歐洲國家之中,我只到過八九個。有生之年,我能夠到訪其餘每個國家之餘,也有可能一一重遊故地嗎?


不管對美國這個國家有什麼意見,始終覺得怎樣都要到美國一遊,算是擴闊自己的眼界也好,給自己的護照多蓋一個印章也好。


澳洲沒有太多看頭,我還是對旁邊的新西蘭興趣濃厚得多。若干年前曾答應過友人有機會探一探他,但一說就是十多廿年了。人生究竟有幾多個十年呢?嗚~~


很多香港人的熱門旅遊勝地泰國我還沒有到過,不是沒有興趣,而是永遠都有些地方的吸引力更大。不過每當想到花十元八塊就換來一大碟 pad thai,我對泰國的興趣又回來了。


中國是我初出茅廬時只懂和只可以負擔的地方,北京上海廈門桂林長沙廣州都有過我的足跡。今年夏天有機會再親身到訪各個名山大川嗎?


日本每一個地方每一樣事物都叫人那麼想念,那管是宅急便的黑貓、車站月台上的看板,還是已經散落得七七八八的櫻花。之前取消了六月出發的機票,現在想起來越是感到後悔。特價機票還會在六月出現嗎?


香港四處都是人,生活的壓力很大。不過細心想想,就是因為自己在這個地方成長,我得以有機會接觸外面這個花花世界,所以即使對這片土地有不少怨言,還是要感謝這個地方帶給我的一切。


只是,舊有的美好東西,不要全部都抹掉去可以嗎?

20 comments:

小彭 said...

好想去睇呀, 我超鐘意樂高積木架... 不過呢3日假實在係太忙太攰喇, 都無時間過海.

naruto said...

去過貓國未吖?我就去過呢(廣告)

小妹 said...

個展覽即是係港島區邊樹呢?

其實每次在機場回來, 在家煲個公仔麵食時我都好感動o架! 有咩好過回家呢?

卡臣 said...

我細個好恨玩Lego

largeheadboy said...

小彭︰唔單只對一個地方說愛你要及時,去一個地方也要及時,個 lego 展好似喺我去當日即係前日已經係最後一日喇~

naruto︰猫国日日都有去架,仲覺得好正添(收返轉介費先)~

小妹︰喺太古城呀!不過好多人超多龍友一支支炮咁喺你面前隊嚟隊去,都唔係幾盞。
我懶費事煮,屋企就常備杯麵,從機場回來就靠佢~

卡臣︰我都係呀,我仲記得細個有個 lego 人,喺街執返嚟。不過到今日我都未擁有過一副 lego。

ROY said...

我5.1果日都有去睇, 買lego仲有9折添呀~

supageti said...

仲以為你去左世界之窗添 ~~~

我細個時係玩積木,好靚嫁 ~~~~

l.minor said...

我知人多,都係廢事去,好怕迫呀!

Anonymous said...

有特價package 至7月初達美機(縱XX)呀!好平呀!

小彭 said...

其實我們專喜愛得不到的。

largeheadboy said...

roy︰有冇帶埋 b 朗去呀?超多人啊呵?乜同場有野賣嘅咩?完全無為意添。

意粉︰我細個都有去圖書館玩積木架!我仲記得係高超道五座樓下嘅小童群益會。你有冇去過呀?早兩個禮拜行過嗰頭,依家油塘/高超道完全唔同晒,仲路過你同 maymay 間母校~

l.minor︰真係好多人好迫,不過想去睇嘛,好彩只係排咗四個字左右就入到去~

無名氏︰謝謝通知呀!的確係好平呀,三晚都係二千頭,不過平啲嗰隻機票得四日期,唔多夠喉。要積極考慮先,不過要快啲幫個護照續期先~

小彭︰你呢句野咁熟口面嘅~

maymay said...

我鍾意砌圖多d

galaxy said...

而家D lego越出越細舊, 我手指粗, 拾不起。

supageti said...

梗係無啦,高超道咁遠!油塘村廿幾座果邊都有一間,我細佬妹日日放左學都去蒲,有人教做功課又有野玩,到黃昏先番屋企。

largeheadboy said...

maymay︰我見你有齊四塊日本迷你砌圖吖~

galaxy︰咁熟悉行程,小撒同小安兩兄弟一定有好多 lego 砌喇~

意粉︰有幾遠呀,我當年都成日去油塘喇~

supageti said...

玩都走上魔鬼山或者走落鯉魚門啦,去高超道把鬼咩?不過我都會千里迢迢咁行去巴士站側邊小食亭買粉果燒賣食,好正嫁!

galaxy said...

間中買小小比佢地,有D真係細到睇唔到咁滯。
油塘間小童群益會在廿四座地下,細個間中去下, 不個佢對出的球場及遊樂場就日日去。

largeheadboy said...

意粉︰巴士站側邊個小食亭?即係郵局對住嗰個呀?嗰度有間粥鋪啲豬腸粉好好味架!

galaxy︰新聞話啲 lego 有升值潛力架,咁多啲買畀佢地玩喇!:p
我都有好迷糊印象油塘都有間小童群益會,不過廿四座係點樣就完全唔記得 lu。有機會下次返嚟重遊一下舊地嗎?

小頭 said...

Lego 展我也有去看,近嘛。不過應該不用八十分鐘,八分鐘都夠環遊世界。

近來千萬不要去美國,殺了拉登驚對方報復,出入境的安全檢查都一定好嚴,而且,萬一真的遇上恐怖襲擊... 大吉利是!

largeheadboy said...

小頭︰好多人喎當期時,淨係由中國轉去日本都大排長龍,八分鐘可能爭啲啲喎 :p
美國仲未排到佢,不過哩,坐美國機去日本會唔會都有一定風險呢?