Monday, June 13, 2011

嘗新

我是悶蛋一名,日常生活中不喜歡有太多改變,習慣了一個人一樣東西一個地方,我會照單全收,鮮會積極再去接觸新的。對於食店,情況也是一樣,要是碰上合心意的,我會來來回回不停只會光顧那幾家。不過這幾天,我還是突破了自己的框框,連氣光顧了幾家從未有到過的店子。

以這樣的價錢,我當然不可能期望十勝豚丼可以帶給我任何北海道的回憶,但把肚子填得滿滿的任務,它絕對稱職。


Hipot 的午市火鍋定食一人一鍋很有趣,份量也比想像的多,只是這天即使空位處處,服務員還是硬要把我們擠在兩組客人中間。


金船長餐廳的名物黑松露菌醬意式馬斯卡普芝士夾心比薩感覺有點膩,沒有預期的好。不過整體而言,這裏怎樣也比某些一式一樣的西餐廳多一點 heart。


BO-LO'GNE名氣挺大的丹麥麵包我覺得跟便宜了一大截的 Panash 差不多,而且也偏甜了一點。另外,消費滿 $100 才可以坐到面向維港的座位也未免顯得太小家了。


這些食店有些應該不會再去,有些假以時日或會再次得到我的寵幸。

這天我又嘗新了,不過這次是逼不得已,因為我的午飯鐵竇突然轉了班底,餐牌和食物都變得面目全非,不再是我的那杯茶。新發現的食店午餐含例湯、小菜、白飯和汽水才賣 $35,味道也算不錯,看來這店很快就會成為我的新鐵竇了。

27 comments:

Wendy said...

嘩, $35包咁多嘢, 喺邊㗎?

Coffee said...

我外出食嘢都有舖影食物相癮,但極少貼。

largeheadboy said...

wendy︰係灣仔謝斐道喜記避風塘炒蟹,估唔到個 lunch 咁抵食,又唔駛加一~

coffee︰貼出嚟得閒睇返好開心架,原來某年某月某日我嘅生活係咁樣嘅。

卡臣 said...

今次啲相無平時咁靚嘅?

naruto said...

我都係食嚟食去都係果幾間喎

ps:抵死,有人踩你D相,哈哈

l.minor said...

金船長之前幫襯過,味道幾好,可惜要趕人交枱,而且價錢在那區絕對不便宜,不喜歡他們的服務態度

我吃過Ocean的BO-LO'GNE,也吃過總店的,總店好味好多,我對自己說過,以後也不幫襯Ocean的那間,又係服務很差,而且味道也只是一般;下次你試試總店,一定就唔同感受

joeyee said...

いま どこですか。

Rempei said...

有例湯仲有埋汽水? 飲到賴都底呀~~

largeheadboy said...

卡臣︰乜我平時啲相好靚嘅咩?我依家都係用手機影相,無帶相機出街好耐 lu~

naruto︰年紀大呀,唔敢試新野喇~
我個卜唔講相講文字架,你唔覺得我寫嘅野好有深度好有內涵嘅咩 ^t^

l.minor︰金船長依家係咪無以前咁爆喇?嗰日我又無畀人趕,而且都坐唔滿。BO-LO'GNE 嘅服務我都唔係咁鐘意,有位部長成日大大聲同啲客吹水,感覺好似茶餐廳,但又唔係茶餐廳價錢喎。中環店都未必有興趣去,因為啲包我真係覺得甜過頭。

joeyee︰いま 鑽石山です。

rempei︰賴乜先?:p
汽水係樽裝嚟架,不過一日飲一支都幾肥架~

Wendy said...

請問呢間喜記係咪近住盧押道? 點解我係開飯度括住已結業既?

largeheadboy said...

wendy︰近馬師道啊,即係呢間~
http://www.openrice.com/restaurant/sr2.htm?shopid=1181
你都喺附近出沒架?

歐巴桑 said...

BO-LO'GNE個丹麥包感覺很滯,所以自己覺得普通但大叔就好像幾喜歡~~

supageti said...

いま 鑽石山にいます。

小彭 said...

沒有為嘗新而嘗新的動力, 經過路過就去試下, 好吃不好吃也沒有壓力... 喜歡的店會食到執笠為止, 已經累積到兩間...

maymay said...

十勝豚丼仲未試添,味道你俾幾多分呀?

ayclui said...

我係大角咀街坊會會員, 但住咗咁耐都無去幫襯過金船長, 因為佢D 伙計"on" 烚烚 - 話說N年前我晚上6:30 左右walk in 入去, 成間餐廳無人, 佢都唔比枱我, 話booking full哂喎...

大頭, 下次去行前少少嘅三洋湯飯皇試下丫, D湯飯好得~

largeheadboy said...

歐巴桑︰BO-LO'GNE 啲包嘅甜味我唔係太鐘意,我都係鐘意 panash 嗰啲,烤一烤仲好味,呢一刻有得食就好 lu~

意粉︰呢啲咪就係舊四級唔合格嘅人同埋勇闖 N4 嘅人嘅分別囉!

小彭︰美好的東西總是不長久,你以為一生一世的,轉過頭就離你而去,好苦啊!我講緊我之前間鐵竇呀~

maymay︰十勝豚丼都 ok 架,不過薄切會好味過厚切囉。環境你未必鐘意,坐得好迫之餘,張枱仲好唔穩陣上重下輕之類,上次去有一枱人“枕冧”咗張枱,啲野跌晒落地,坐隔離對腳嘅濕晒~

ayclui︰我果次去啲伙計好好招呼喎,又介紹點樣食果份黑松露薄餅,印象反而唔錯。
湯飯我麻麻地,不過大角咀真係幾多好野食,之前去過點好味,佢地啲雪影杏汁包熱辣辣,好好味啊!

joeyee said...

ええ、いつJapanへいきますか。

largeheadboy said...

joeyee︰あした、日本へいきます~

ROY said...

搵到同事同你0也飯喇~

間松本火鍋店出左乜事?

ROY said...

あした飛喇~
amazon度有間野預定22-29/6送呀......

largeheadboy said...

roy︰松本之前有刺身定食呀鯖魚定食呀,依家無晒,變咗四寶丸河呀魚香茄子飯呀。阿姐話轉晒廚房喎~
22-29/6?牙煙啲喎~

supageti said...

十勝豚丼味道我畀俾 6 分。

largeheadboy said...

意粉︰6 分都好中肯喎~

Wendy said...

我好少去到馬師道咁遠食lunch, 搵日同飯友試吓先.. 不過, 兩三個人去, 駛唔駛訂枱嫁?

睇咗你嗰篇辦公室奇趣錄, 認出嗰啲廁所磁磚.. hehe.. 我估我地都係喺嗰幾棟辦公大樓工作.

largeheadboy said...

弊傢伙,你會唔會就坐喺我隔離架?

唔駛訂位架,我都未見過坐滿,可能嗰度隔涉咗啲喇~

Wendy said...

應該唔會喇, 我嗰層應該俾你辦公室乾淨少少, 哈哈哈..

祝你一路順風, 我下星期六都出門, 不過只係去台灣..