Tuesday, August 02, 2011

第五章︰沿日本海前進

匆匆看過在電影《禮儀師》出現過的NKエージェント事務所,回到さかた海鮮市場的海鮮どんや とびしま已經是兩點過外。這個時間人龍的確比之前短了不少,但我們還是排了十多分鐘,多款熱賣的定食也一早賣光了。


我們點了刺身定食和特上海鮮丼,合計還不用二千円。要是日圓還在六算七算的日子,我們應該會每人多吃一份。


為了趕上一個小時後開出的電車,這頓飯吃得有點狼吞虎嚥(或者只是我吧)。


走路回酒田站的時候,滿以為會經過相馬樓,但最後卻沒有遇上,後來才發現原來相馬樓並不在大街之上。沒遇上就沒遇上吧,反正我們對藝伎的興趣都不太濃厚。


我們倒在酒田站巧遇只在夏天行走的觀光列車きらきらうえつ號。一會兒它就要帶着旅客沿日本海南下前去新潟。


之前坐過來的陸羽西線列車,就停在0號月台。


出發了,我們又繼續向另一個地方前進。


開往秋田的普通電車,窗外面也是一望無際的日本海。


如果等待下一班電車,除了會是快一點的特急之外,還可以一面欣賞日本海的夕陽。不過,為了不想去到秋田的時候什麼都已經關門,還是趕上這一班實際一點。


如果日本只用上風力或太陽能等可再生能源就好了。


如果可以去逛逛 Aeon Mall 就好了。如果、如果……


秋田在七年前來過,那時候行程鬆散(現在也相差無幾),看過已經沒有櫻花的角館,想不到有什麼東西好做,就臨時決定把秋田新幹線完全制霸,一路坐到秋田來,還在車站旁邊的 Baskin Robbins 吃雪糕。


七年後,秋田還是我腦海中的模樣,站內依舊擺放了代表秋田的燈竿,Baskin Robbins 也是那麼誘人,只是百貨店 Ito Yokado 已經結業了。


首次住進評價幾乎一致讚好的 Dormy Inn,不過可能是期望太高,跟我的預期有點落差。房間確是很大很整潔,但就給我空洞了一點的感覺。


原先計劃到七代佐藤養助吃稲庭うどん,但之前吃過的海鮮丼還沒有完全消化,也不想吃得太飽放棄 Dormy Inn 九點半後提供的無料拉麵,就趁超市關門前買了些特價的東西,順便補充一下糧餉。


Dormy Inn 的無料拉麵當然沒有叉燒或半熟玉子,只有一些紫菜和筍絲,不過我們的竟然有天婦羅(暗喜)。


是夜餘興節目,是洗衣服、到旅館頂樓泡溫泉,以及幹掉這個青肉蜜瓜。

32 comments:

naruto said...

趕去秋田,最後只係喺酒店等無料拉麵。。。唉!

largeheadboy said...

naruto︰真係架,佢地九點半至有麵食,我地喺房度呆坐咗成個鐘一夠鐘就標落去食......

小彭 said...

嘩, 咁醜樣嘅呢間dormy inn d房!

第7張個位姐姐, 唔知點解我好似feel到佢係無眼耳口鼻咁嘅... 可能夜喇家下...

lau2tang said...

你呢個蜜瓜好明顯係未熟透。
擺多一兩日會好味好多。

卡臣 said...

我想乗那些曰本小火車呀

largeheadboy said...

小彭︰係喇,我覺得呢間白 lai lai 感覺好虛,大早就唔住佢喇。
嗰位姐姐好 cute 架,個袋扣住個コリラックマ,第九張相左下角就見到喇~

劉鄧︰依家你變咗蜜瓜專家喇~ :p
好似 ok 架食嗰陣,不過就算未熟都要食咗佢架喇,唔通拖住佢周圍行咩第二日。

卡臣︰香港都有得坐架,去冒險樂園喇~ :p

瘋膏 said...

大頭兄, 等你更新等咗好耐~
你喺秋田有冇影犬?
最like hea 遊, 好舒服。

你話等到9:30標去食無料拉麵, 好攪笑, 2個人好似山窮水盡咁, 但實情又相反。咁多唔多人食呢?

喵~

ayclui said...

趕去秋田,最後只係喺酒店等無料拉麵。。。唉! X2
唔去七代佐藤養助吃稲庭うどん--> 哎呀, 好嘥喎~
Dormy Inn 我通常唔會揀, comfort hotel 先係我首選, 租平早餐又掂囉~

largeheadboy said...

瘋膏︰謝謝捧場呀!:p
秋田犬有影呀,我地去咗探一隻叫わさお但係個樣唔係咁似秋田犬嘅秋田犬,過兩日就到佢出場喇!話時話,佢拍咗齣戲,遲下仲會喺香港上添~
嘩,都唔知幾多人等食呢碗麵呀,要派飛仔架~

ayclui︰當其時(六點幾)實在仲好飽,之但係到八點幾人地都收晒鋪就餓到哩~
comfort inn 其實都有諗過架,但係Dormy Inn 未住過嘛,又講到咁好咪試下囉,不過佢地啲職員就真係非常好服務嘅。

maymay said...

我最明白等食呢碗拉麵嘅心情~^^

largeheadboy said...

maymay︰哈哈,住 Dormy Inn 嘅其中一個原因,就係呢碗無料拉麵啊~ :p

Ellen老師 said...

咁醜樣嘅呢間dormy inn d房 X2

唔係間間dormy inn 咁正呀!要揀過先得呀!你跟錯啦!

largeheadboy said...

ellen︰的確係跟錯,下次要住下京都間 dormy inn 至得~

jokelib said...

Water from HK airport lounge?

jokelib@十和田湖

largeheadboy said...

jackson︰哈哈,咁都畀你發現到!之後佢仲連埋個喼運返落東京添呀!
十和田湖依家係咪好清涼好舒服呀?

jokelib said...

十和田湖好鬼曬,奧入瀨一樣熱

lau2tang said...

Jackson,
如果可以,我都想係日本曬吓,熱吓喎~
今年岡花火如何呀?
我打算出年去會吓佢~
過啲料黎啦!

jokelib said...

長岡花火大會極度正,抵比兩夜貴酒店&花時間去等

Esp. 天地人花火
http://www.youtube.com/watch?v=2dJMYBxcF8w

largeheadboy said...

jackson︰仲以為十和田湖同埋奧入瀨會涼少少添。
長岡花火大會真係好正呀!不過一定要好早安排定行程。

劉鄧︰咁下年到你接力,快啲出定下年暑假機票喇~

jokelib said...

即日東京來回都得架,不過會超級辛苦

lau2tang said...

下年機票都仲未出價錢,點出呀!

Jackson,
我見長岡花火可以買有料席,其實有無咁ge需要呢 ?仲有,花火大會係指定2/8同3/8 舉行,我最早都只係可以2/8飛,可能趕唔到第一日個天地人花火嘞~

largeheadboy said...

jackson︰咦,係喎,即日來回都得喎,有新幹線就無問題!不過嗰度有間好大嘅吉之島好好行喎~

劉鄧︰你可以換定飛架嘛~

lau2tang said...

我無咁多里數係手呀!
你有無得賣畀我吖?

largeheadboy said...

劉鄧︰我嗰啲要 $20 一里個喎~ :p

lau2tang said...

同你咁老友,無折頭ge?

largeheadboy said...

劉鄧︰正所謂唔熟唔食吖嘛,$20 一里無價講架喇~ ^^

jokelib said...

有人賣 AsiaMiles, HK$0.13/mile

兩日都有天地人架~

用錢買時間, 買有料席當然最好, 但係好甘....

lau2tang said...

Jackson,
我見下面個網話,買一個有料席都係2500到3000円咁上下,點解你話好甘呢?

http://www.nagaokahanabi.jp/untitled_folder/top/mousikomi.pdf

largeheadboy said...

jackson︰HK$0.13/mile 都 ok 喎,唔駛等我儲得咁辛苦。

劉鄧︰我見有弁當賣添,都唔貴喎~

jokelib said...

要 1/6 開賣時 FAX 去, 又要填日本地址電話, 好鬼煩.

2500yen 有料席都一樣要排隊, 我當日 2pm 去到, 見到有料席要 3pm 先開, 但已經有長長人龍.

去咗兩年睇咗三晚, 唔多唔少有啲心得, 你 confirm 去時再過料比你啦~

lau2tang said...

Jackson,
好吖!到時再問你。唔該晒先!

大頭仔,
你飛親都可以揀淡季,又使乜同我地爭換機票吖?

largeheadboy said...

jackson︰好羨慕你睇咗兩次長岡花火大會,我都好想去見識一下呢個全日本最大規模嘅花火大會啊~

劉鄧︰我都鐘意霸住年末年始呢個旺季架 :p