Monday, August 08, 2011

老了

二姐的貓 miu miu 老了。


早兩個禮拜,二姐發覺 miu miu 的貓糧完全沒有動過,見牠就像海綿一樣軟弱無力攤在地上,心知不妙,連忙帶牠去看醫生。經診斷後,相信 miu miu 患了胰狀炎,在診所吊了幾天鹽水,然後又吃了幾天藥,miu miu 總算回復從前的模樣。不知不覺, miu miu 已經十四歲,是名副其實老貓一隻。

老了,什麼都會變差,不管是貓還是人。

爸爸八十多歲了,除了兩年前輕微中風,住過幾天醫院之外,這些年來身體尚算過得去,不過近來確確實實感覺到他衰老了很多。最近幾個月,他經常流鼻血、又投訴說手腳時常麻痺,行動有點不方便。可能是由於這些種種問題,他整個人意志消沉了很多,胃口也轉差,一下子就瘦了十多磅。

這幾天,我就跟他進進出出醫院看醫生做檢查,幸好得出的結果並不是想像的差。不過始終他年紀不小,很多東西也要多注意一點。

老了,什麼都會變差,但願爸爸也像 miu miu 一樣,看過醫生後很快就精神過來。

16 comments:

supageti said...

感同身受,祝福 Uncle 早日康復。

小妹 said...

祝世伯好快又龍精虎猛!
你也一切安好, 進進出出醫院真的不好受呢, 幸苦了.

欣宜 said...

miu miu個樣好可憐

naruto said...

祝兩個/隻都龍精虎猛

ps:隻鬆弛熊佔半張相做乜?

卡臣 said...

真心祝福各人/貓福壽康齡
龍精虎猛

largeheadboy said...

意粉︰謝謝~
年紀大機器壞,大家都要健健康康啊!

小妹︰謝謝~
成日出入醫院唔單只感覺唔好,個荷包都好傷啊~ :p

欣宜︰你好!
miu miu 無晒精神攤咗喺度,目光呆滯,平時邊會係咁~

naruto︰有心啊!
鬆弛熊係個 iphone 套嚟架,咁有反射嘛。

卡臣︰謝謝啊!健康的確係無價呀~

瘋膏 said...

世伯加油, 意志力好緊要, 保持鬥心!
miu 的樣子好無奈, 老喵加油。

l.minor said...

健康最緊要,祝世伯身體健康
miu都一樣~

小頭 said...

身體健康最緊要,祝世伯和貓貓快快康復精神抖擻。

lau2tang said...

所以要趁自己仲未老到行唔郁之前,盡量去多啲旅行。我成日都係咁同自己講架。

galaxy said...

唉~歲月不留人....我都老了, 周身骨痛, 要定時睇骨醫......

largeheadboy said...

瘋膏︰謝謝!
我自己都要加油呀,呢排好攰好攰(又想放假添)~

l.minor︰謝謝!
家姐話依家 miu miu 一見到罐頭就發晒顛喇!:p

小頭︰謝謝!
係喇,錢財身外物,有乜野緊要過健康呢?所以呢兩日出面跌到 ba ba 聲我都好少理~

劉鄧︰我地上一代冇呢個思想,只顧工作和賺錢。我地睇佢地覺得好似欠缺了某些,不過喺佢地眼中可能覺得已經過得很好~

galaxy︰唔講得笑,我都老喇,睇嚟都要 check 下啲機件。

小彭 said...

老喇老喇, 我成日都周身骨痛, 上個星期去吉之島買1個蜜瓜3個橙4個布冧1磅車厘子, 第2日散晒... 同意劉鄧咁講, 要趁行得就去多d地方, 仲要拿拿聲做晒想做又能力做得到嘅事...

largeheadboy said...

小彭︰我好啲喎,早幾日買咗 5 個布冧 3 磅車厘子都好 ok 喎~
係呀,的確要趁行得走得出去睇下呢個世界,香港太細喇。

ayclui said...

祝世伯身體健康, 貓貓生生猛猛~
同意要趁後生多d出去行下, 老咗有錢都無體力呀~

largeheadboy said...

ayclui︰謝謝~
我點樣講都唔後生架喇,不過我都要多啲出去行下 :p