Thursday, January 24, 2013

20121229︰冬華の競演


冬華の競演是日本全國規模最大的燈光匯演,每年在冬季的幾個月舉行,今年的匯演更聲稱用上七百萬個燈泡,氣氛應該很好。一來到名古屋,我們就立即趕去なばなの里湊熱鬧。


從名古屋出發到位於長島的なばなの里,除了可以坐直通巴士,還可先坐近鐵到近鐵長島駅,然後轉乘接駁巴士,時間雖然多了,但車資就便宜了一點點。為了省下那一二百円幫補一下旅費,我們只好犧牲時間。


坐在電車上盤算怎樣善用那一二百円之際,不小心看到車廂內的海報正在宣傳近鐵推出的割引套票。套票2,800円,包含冬華の競演入場券和來回交通,比我們現在什麼也分開買足足省下幾百円。怎麼近鐵的售票處沒有在當眼處張貼這張海報啊?


日本的電車車廂中間通常沒有垂直的柱子,車廂內又有不少扶手。反觀香港,我們的地鐵只懂叫人 keep clear of train doors,但他們有沒有想到車門前方的扶手正正助長乘客阻塞車門?


噢,這篇不是遊記嗎,怎樣會變成抱怨文?哈哈,我實在太不喜歡這家只懂賺錢的公司了。


這天恰巧是周末,還臨近新年,所以我一直預計這晚人潮會很洶湧,不過我們在近鐵長島駅下車時四周非常冷清,搞不清楚還以為去錯了地方。大概這個時候要去冬華の競演的人都已經在園內,不會像我們現在還趕着入場。


如果做足功課買下近鐵那個套票,這程接駁巴士應該不用錢。


冬華の競演入場料金要 2,000円,一點都不便宜,尤其是日本很多類似的燈光騷大多無料入場。幸好入場料金其中有 1,000円是現金券,可以讓你在園內用餐或買物。


話雖如此,我對這種強制式消費沒有好感,況且我們來到時已經七點半,要爭取在十點閉園前看過所有景點之餘還要預留時間消滅那些現金券,實在有些難度。


光の雲海就在入口處旁邊,遊人可以走進用藍色 LED 燈泡砌成的夢幻世界,不過在暗黑中藍色的 LED 燈泡令人看得有點眼花,即使現在翻看照片也有這一種感覺。


水上イルミネーション的燈泡放置在湖面上,在後面的塔樓襯托下營造出很不錯的氣氛,難怪大家都忙着捕捉最好的拍攝位置。


要是趕及早一兩個鐘頭太陽剛下山時來到,應該可以在 magic hour 下欣賞到另一番美景。


這個類似 UFO 的物體可以把你帶到離地 45 米的高空飽覽整個園區的風光,不過排隊的人很多,時間緊迫的我們就沒有跟着排,何況這要另外付 500円。


到了這一刻,我們都覺得這裏的燈飾雖然不是不好看,但又不至於要花上 2,000 円入場。不過當來到這裏的人氣景點光の回廊「華回廊」,就立即覺得那入場費總算沒有白花了。


「華回廊」全長 200 米,是冬華の競演的重頭戲。從暗黑的環境走進用上 120 萬個小燈泡砌成的隧道,就彷如去到另一個國度。


眼前的就只有數不盡的燈泡和人頭。


細心看,原來每個燈泡都是花朵的形狀。華即是花,難怪這光の回廊叫做「華回廊」了。


要配合靚景,當然要有靚人,呵呵~


這條隧道真的很漂亮很夢幻,可是什麼東西都會有個盡頭,「華回廊」當然也不例外。


冬華の競演另一個比較值回票價的景點,就是這個喚作大自然的大型燈光舞台。


有富士山、有日出、有彩虹、有鯨魚、有流星,可謂包羅萬有一網打盡。


噢,連天空也變色了。


這裏還有另一條光の回廊,就是長 100 米的河津櫻,整條隧道是粉紅色的一片。


可能是珠玉在前,相比之下河津櫻沒有「華回廊」那麼震撼,除了比較短之外,燈光也比較暗,不過這個粉紅色的世界還是足以令大家拍過不停。


這個鏡池的水真的動也不動,水中的倒影非常清楚。


時間不早了,我們得在園內的餐廳打烊前找家合適的吃晚飯,要不然那 2,000 円現金券就會變成廢紙。


這家意大利餐廳最便宜的套餐要 1,300 円,每人還要補上 300 円。如果不是要花掉那些現金券,這個晚上的 quota 我們大概會留給手羽先、鰻魚飯,又或者味噌豬扒。


趕上這天最後一班臨時停靠近鐵長島駅的急行電車,回到名古屋幾乎已經是要看最後新聞的時間,不過還未是時候回旅館休息。


離旅館不遠處有一家 24 小時營業的 Aeon 超市,正好讓我們補充物資。


看到減價的新鮮食物,我們完全沒有考慮自己的胃納就即時放進購物籃,結果這晚吃過宵夜後要接近凌晨一點鐘才睡覺。

25 comments:

the inner space said...

永旺 Aeon 即是香港叫:吉之島,在本土的超市好處就是營業到 12:00 AM,這間卻是 vingt-quatre heures sur vingt-quatre 仲正呀!

卡臣 said...

大頭,你又出鏡啦!讚!

呢個冬華勁好睇過東華!

Cat said...

大頭先生個樣好似嬲嬲地咁......

jokelib said...

總之每次睇你一日, 都感覺係去咗 3日.

largeheadboy said...

space︰仲以為 vingt-quatre heures sur vingt-quatre 係亂碼添,原來係 twenty four hours a day 咁解~
人地啲超市夜咗唔多人,但係都做到 24,點解香港又唔多超市開 24 呢?

卡臣︰係呀,儲夠我 12 張相就可以打電話登記,有機會見到我真人添架 :p
之不過呢個冬華無福祿壽喎。

cat︰我好寬容同平易近人架其實,同埋我真人靚過上鏡好多架 ^^

jackson︰呢啲咪抵睇囉!下次要收三份錢呀~

lau2tang said...

我屋企附近間康康係24小時架!
而且係越夜越多人行~~尤其是年近歲晚嗰時添!
咁趕,點解唔係附近間酒店瞓一晚?

TY said...

真係好厲害...原來呢日仲係第一日到著...我仲以為係第二晚添....

supageti said...

日本唔係要節電咩?

ayclui said...

宵夜駛唔駛食咁多呀???

the inner space said...

多項購物在有半額折扣添宵夜必然很豐富!

naruto said...

個景好靚,靚人,叫佢死開

largeheadboy said...

劉鄧︰你嗰間開 24,會唔會係方便人地掃奶粉?:p
第二朝坐頭班車入高山,而且名古屋間酒店又唔貴,梗係返名古屋喇。

TY︰行程豐富哩,跟住嘅行程仲精彩呀!

意粉︰好似已經唔覺得佢地有節電喇~

ayclui︰hehe,其實食唔晒嘅,啲蜜柑就當然無可能一晚食得晒喇,不過都有刺身同炸雞食囉。

space︰見到佢地半價真係忍唔到手,尤其啲刺身好多都係日本產架~

naruto︰靚人都唔知幾受大家歡迎,搞到呢度瀏覽人數急升呀,下一篇又出場先!

l.minor said...

又係短短嘅一日變咗寫其他人嘅三日遊記XD

個樣洗唔洗咁chok先?

韻味熊貓 said...

我最欣賞UFO連水倒影果張相呀!構圖無得頂呀!

the inner space said...

對對對!largehead 兄,我見到有矮瓜天婦羅,又有勘吧池刺身,又有賀她笛刺身用 。。。。。靜睇你餐宵夜我都心郁郁又想去日本喇!

小彭 said...

真係好靚呀, 上次去唔到真係有小小可惜啊!

其實呢, 12月29日你都唔係做咗好多嘢, 話晒咁晏先到日本, 比起平時個d行程(同埋我嘅12月29日), 都可以叫做幾hea吓播!

Ah ming said...

日本唔係要節電咩?<---咳咳,又是小弟扮專家時間
1)LED燈比較慳電(係人都知)
2)在火力發電同再生能源投入之下,日本目前的供電經已穩定下來
3)用電量最大的其實是工廠,在晚上工廠休息之後,電力供應會有余裕
4)呢度可以睇到全日本的供電情況,夜晚的確有空間可以發揮:
http://www.517japan.com/

largeheadboy said...

minor︰好 chok 咩?我仲以為呢啲係型添~

佛爺︰有構圖咩?其實我好求奇架咋,見個位無乜人就隨便咁影幾張 :p

space︰好眼利喎,不過無矮瓜天婦羅,嗰盒係名古屋名物天むす,係炸蝦飯團。
仲諗乜,go go go!

小彭︰咁你要去買物嘛,呢樣緊要啲。
係喎,呢日係得呢個行程咋喎,可能係我攤長寫,大家以為我做咗好多野~

ah ming︰謝謝你詳細解釋啊!你知喇,新聞成日話啲核電廠停開,電力短缺咁嘛。
題外話,依家興睇工廠夜景,有燈有蒸氣,我都好想去睇下~

l.minor said...

帥哥就算背影都形過人啦~

the inner space said...

》》無矮瓜天婦羅,嗰盒係名古屋名物天むす,係炸蝦飯團。


噢!是我眼細睇錯了天むす當天なす真失禮!

炸蝦飯團沒吃過啊,嚴格來說我有去過Nagoya很多次,但沒有住過Nagoya,因為要慳錢,又兼有 JR Pass,可以上新幹線各站停車的慢車,所以我選在沿線的鎮仔投棧,從沒住過名古屋,也未吃過炸蝦飯團。

largeheadboy said...

minor︰哈哈,tum 得我咁開心,下篇又露露面益下你先 ^_^

space︰炸蝦飯團 ok 好食架,下次有機會就停下名古屋,食下佢啲出名野喇!

the inner space said...

去程有魚蛋粉炒麵吃,回程在中部空港,有冇得休息吓,和吃天むす吃壽司呢?

largeheadboy said...

space︰回程喺中部空港齋行買手信最後沖廁架,都無時間搵野食~

the inner space said...

去得中部空港想去浜名湖吃うなぎ!

largeheadboy said...

space︰浜名湖出名鰻魚架?未去過呢頭喎,有機會要去下至得~ :p