午飯時間原本要赴乒乓球約,但這天實在太忙,又或者是沒有心情,便暫停一個星期。不知道腰圍會否因而暴漲 0.3 公分?
沒有什麼胃口,午飯時只買了一件心愛的杏仁牛角包,希望能令提不起勁的我回復丁點兒生氣,但不知何故這天覺得這牛角包太甜太膩。
![](http://photos1.blogger.com/blogger/7025/853/400/IMG_3607.jpg)
午後的陽光實在太好,不應白白浪費,便向香港公園走,想好好吸收一下紫外光,也要為自己充充電。
![](http://photos1.blogger.com/blogger/7025/853/400/IMG_3602.jpg)
時近中秋,公園內張掛了很多燈籠,節日氣氛蠻濃烈。
![](http://photos1.blogger.com/blogger/7025/853/400/IMG_3591.jpg)
短短十多分鐘,便碰上兩對拍婚紗照的新人。很明顯,這天是他們的大好日子,心裡也暗暗為他們祝福。可是不知何故,這天對我來說是很糟透的一天。
![](http://photos1.blogger.com/blogger/7025/853/400/IMG_3586.jpg)
站在瀑布前,大風將水珠吹到我臉上,感覺很好,也盼望能一併洗去我莫名的憂愁。
![](http://photos1.blogger.com/blogger/7025/853/400/IMG_3604.jpg)
黃昏下班時間車水馬龍,人們都匆忙回家去。這天竟然不太想回家。
![](http://photos1.blogger.com/blogger/7025/853/400/IMG_3612.jpg)
明天,可會是今天的重演?
51 comments:
0.3 公分誰會察覺得到?那個牛角包也不只 0.3 公分呢,兄台。
怎麼了,壓力大,所以心情麻麻?快睡吧!
對,午休應該出去走走,整天孵在辦公室,會發瘋的!
大頭仔也傷春悲秋起來了...
好好睡一覺,明天又是新的一天。
wordy︰弊傢伙,加上牛角包,相信腰圍再胖多 0.5 公分!其實壓力不大,只是感到有些累。
意粉︰對,是悲秋啊!大頭也是凡人,可有喜惡哀樂。今日也要再去晒晒太陽。
一直以為你是個快樂的凡人呢。
天氣再涼一點,午休就會到等鰂魚涌公園走走,還有爬 18 層樓梯(每次才四五分鐘,我懶怕熱,很久沒走,肚腩大大)。
是工作上遇上難題吧?所以才情緒低落?
真羡慕你午餐可以食這麼少!我起碼要食一碗粉加一碟菜!
劉鄧︰其實昨日早上吃了一條蕉和一個蘋果!
也不是太跟工作有關吧,可能呢幾日超級大糧尾!
wordy︰多出去走走人也健康些。鰂魚涌公園環境很好啊,可以望海!話時話,唔覺你有大肚腩喎,你都掩飾得很好啊!
但牛角包都幾肥wor, 午餐我還是喜愛吃米粉加1碟菜, 不過下午就好快肚餓...
大頭,番埋聽日就係十一黃金周,趁此好好休息,义足電,下周再博過啦。你咁鍾意去旅行,去轉澳門或大陸,又大把題材可以寫 blog 了。
「唔覺你有大肚腩喎,你都掩飾得很好啊」
咁既野你都講得出口,估唔到你咁口花花。
貝拉︰我依家都食緊米粉,不過係好肥既星洲炒米。
小胖熊︰有人歡喜有人愁,還在擔心黎緊的假期有冇得放。
wordy︰喂,大叔,呢 d 都叫口花花?呢 d 擺到明係“寸”啦,仲要係“明寸”!^p^
呵呵,大頭仔恢復狀態喇!
我今日lunch食左碗冬菇菜米,希望可以捱到今晚食飯....
超級大糧尾?過了今天便見曙光啦!明天你銀行戶口便滿瀉!
我係大叔,你咪老 _(配詞完句)?
咁我個肚腩同人比又確係細左少少既
好尖銳啊!
意粉︰我食咗好多餐麵包喇呢幾日!
貝拉︰你下晝定是餓到打鼓了。哈哈!
劉鄧︰其實今晚十二點後就過數,我 check 住架!
wordy︰麻煩比幾個選擇我丫,點解我諗親嘅都好似粗話來的?那個比你肚腩還大的是誰?講!
大頭仔,
基本上我們的糧期和你的睇齊,同事中如有等錢用的,我也會著他踏正午夜十二時到提款機提款!
意粉提供:
A. 伯
B. 餅
C. 野
D. 柴
E. 以上全部
哈哈哈哈哈哈哈哈 )))))))))))
我要柴丫唔該
曾幾何時,真有想過午夜落街!噢,對下六合彩先!
係咪咁手緊呀?
大頭:
何解你會想到粗話?意粉提供的幾個選擇比我原來所想的更刁鑽呢。
我本來想說「老爺」「老闆」「老師」「老輩」「老大」「老爹」「老兄」「老總」(無氣喇……)總之,就是好東西。不然,怎麼配得上你宇宙大王的身分?
大頭仔,出左糧可以去 wet 啦。我就真係 "長期糧美",雖然出左糧,但一大缺已用黎供樓,今個月卡數又洗大左 (其實都無乜邊個月唔洗大),所以雖然剛出糧,就已經同29, 30日的日子差不多。
報告: 我尋日中午食咁少野,結果下午吃了4片餅乾, 之後做運動, 哈哈頂得住....
意粉︰曾經何時我要借貸度日啊!幸好那時沒有邦民。
wordy︰請怪我詞藻有限,來來去去只想到粗話。“坑”都唔錯!
小胖熊︰我都有一大份糧去左層樓度,不過這幾年已沒有瘋狂刷卡了。
貝拉︰都估到你一定捱不到晚飯。
都怪我形象太差,不然你怎麼只會聯想到那些字呢?
看你的樣子不可能瘋狂刷卡吧……?
也許大頭仔看中了一些東西,心思思想買,便覺得手頭緊吧﹗其實看上了也不一定要買,藉故走去看一番,樂趣更大﹗
大頭當然不用再刷卡啦,以他今時今日薪高糧準,現兜兜俾 cash 啦梗係。
wordy︰不要少看我,我曾經簽到無錢找卡數,差啲要著草。
二月魚魚︰確是有很多東西想買,但奈何人工有限!
小胖熊︰講真,有時比現金仲方便(又唔係無 ^j^)
我自從出了張Cathay 信用卡後就狂刷卡,一係就用八達通,銀包的現金好似洗來洗去都仲喺到!
今日都見大古廣場做緊 cx 卡推廣
也申請好嗎?
劉劉鄧:
你那張 Cathay 卡是哪一間聯營的?可以儲 Asia Miles 吧?我現在 AM 戶口連信用卡積分加起來有 42000 多了,但還想再多儲一點,希望在 2008 年飛遠一點。
大頭:
你最後都冇著草,不過 d 頭髮變左草?我明白供樓辛苦,但你有一個屬於自己的巢穴嘛,一失換一得。
擁有自己的地方確是一大得著,至少沒有人會話我唔執屋,但也少吃了家庭飯菜
明天有時間看看張 cx 卡有乜贈品先。這個是 citibank ,乜仲有另外的聯營銀行嗎?
Wordy,
我那張是CitiBank,免首年年費,批卡後送5000 asiamiles. 一年簽滿十萬則次年免年費。
飛遠一點?想去哪兒呢?
雖然送 5000 里蠻吸引,但十萬唔易簽。
未決定,就給自己一個夢吧。
今天下午又開會,幾乎肯定 2007 年不能放長假去旅行,甚至 2008 年上半年也很勉強,除非轉工吧。我認真的。
不可以放長假,收買人命乎?換了是我一定轉工。
wordy, 以你的寫作才華,做作家都得啦,無謂再待在那裏一星期返足七日,每日十一小時,咁同做7-11都無乜分別。
意粉:
不是不可以放長假,只是我太認真,似乎我已經慣壞了那班壞人(上司、老闆)。
要轉工不難,但有很多考慮,我的處境正是「塞在瓶頸中一顆大肉丸」。
小胖熊:
我寫的東西賣不了錢,有人看或喜歡看已經很滿足了。
我想我現在每週平均工作 70 小時吧。
我覺得在不同時期自己的生活總有一兩個地方是反社會潮流的。例如:以前在電視台工作,薪水總是比恆指低;現在香港倡行「五天工作」,我就「七天加班」。這可以叫做「命途多舛」嗎?(哈哈哈)
工作認真是當然,但我的態度是:work hard and play harder。
工作幾乎佔據了所有時間,難怪你咁憂慮。
70 小時?好似o係我生命中還未試過!依家大概係你o既一半左右。
Wordy,
張卡我都未必簽到十萬,到時覺得有用我會繳付年費,否則便剪了它!
五年半前剛進這公司,一週工作不過 40 小時,現在已經增加了 75%,薪水當然拍馬追不上了。以前在電視台,工作時數更長,大概 90 小時。我的工作生涯聽來有點可怕吧?以前常常怨不公平。現在氣都快斷,怨什麼怨 :)
劉劉鄧:
也想過你這方案,積分是一元一分?
一元一分,八分免費換一里。
白金卡送 7,500 里呀!本身都有張 citibank 卡,都有三萬幾分,靚女小姐說可以 12 分換 1 里,都唔錯丫,反正啲積分唔係換百 x 券都唔知點用。
我都返 70 個鐘啦....................呢個禮拜 ^c^
以後唔敢食肉丸!
果然薪高糧準!白金卡有兩款,送7,500里那一張要年薪$350,000!
大多數的信用卡都是12分換1里,有些銀行還要額外收手續費,所以要留意有關條款,做個精明的消費者。
怎麼網主不回應了?(笑笑笑)你昨天不是已經吃了肉丸了嗎?
我簽 AE 一元有三分,即可四元換一里,但換里數有手續費,最多不超過 180 元。
送 5000 其實也頗吸引,買 CX package 去北海道也只有不足 5300 里。但是這卡一申請就送里數,還是須於某時限內簽滿若干數額才行?
劉鄧︰我無呀,我呢啲活在貧困線邊緣嘅只係搏大霧睇吓批唔批咋。我有問手續費,靚女小姐話遲啲覆我喎。
wordy︰昨日下午在不知情下吃了肉丸,難怪這天早上________ (請自行填上)
尋日申請又忘了問要簽多少錢喎,會唔會唔駛簽都有咁 so ?
申請一經批核,飛行里數會在四至六個星期內存入戶口。而簽賬換里數是費用全免的!
劉劉鄧:
聽來確實吸引,但我又不想分散簽賬,逛街時有機會看到推廣才去問。
大頭:
你平日會跟朋友、同事說這些嗎?(俾你激死的苦笑)
劉鄧︰咁即係唔駛簽都有幾千里呀?
wordy︰那天放假回公司上班,老細話唔該晒我,我就笑住話我諗住返嚟上網吧架咋!
冇黎正經。
講起老細,前排佢同個女同事番上海開會,我托女同事買一本書,但買不到。天曉得老闆一回來就把書送到我手上。對住某 d 人,我唔識搞氣氛,冷冷地說:「唔刻哂。」死,呢個星期要用佢食晏添。
你的老細對你也不錯啊!他留鬍子就可能是想跟你 get back to friendly terms 哩!
希望呢餐飯順順利利啦!
隨緣喇。
Post a Comment