不知道我是怪獸還是隱形人，我家早更的保安員平時眼尾也不看我一眼，但每逢大年初一，他總會站在電梯大堂主動跟我打招呼。今年我學乖了，特別給他預留了一封加上記號的紅包。
今天開工大吉，朝早坐上比亡命小巴一樣快的隧道巴士，不用二十分鐘就從彩虹去到灣仔，時間充裕得還可以到茶餐廳吃一份豐富的早餐。雖然很多人都會在過年後多放一兩天假，但我就很享受這個時候上班暢通無阻的路面。
舊的皮鞋穿了好幾年，鞋底已經磨蝕了很多，今天就趁新晶頭換過新皮鞋上班。除了感覺有點緊和有點硬之外，穿上新皮鞋後整個人還高了一點，因為鞋底還是厚厚的。到洗手間照鏡，還要微微把腰縮起來哩！
早上請教不太稔熟的同組同事一些電腦問題，解決好後就在大庭廣眾前跟他說“ok 喇，唔該晒 Peter (假名)！”這個時候我才醒起他其實不是叫 Peter，而是我想了好一會才記起的 Johnny (同樣是假名)。天啊！那一刻我真的想找個地洞躲起來。
一年伊始，我再次恭祝大家財源廣進、路路暢通、步步高陞，當然還要醒醒目目！
10 comments:
典解紅包要加上記號？饀係咪麥當當 Q 旁呀？:P
最尾果段係畀你自己嫁嘛？^^
意粉︰因為畀樓下看更封利是得十蚊，其他就廿蚊。麥當當 Q 旁咁矜貴，緊係自己要喇。
最尾果段大家都啱駛喇~
新春大吉~ 身體健康呀!
比過期大家樂茶餐coupon啦
叫錯人名，老人痴呆喎
我諗(peter)也記不起你乜名
其實除左你之外係咪無人發覺你叫錯名架？
l.minor︰謝謝！我都祝你身體健康，成年都笑口常開！
naruto︰唉，尋日真係發現有張 $50 mrs field 嘅 coupon 過咗期，好肉赤呀！
都唔算老人痴呆，係我跟本唔記得佢個名~
卡臣︰你呢句又真係喎，其實呢度應該好多人講唔出我個名~
cat︰應該有架，瘀爆喇呢次~
點解張照片影佐兩對鞋？咁既構圖，第五張相應該係條底褲，放係中間果度，嘻嘻！
可能當場有另一個PETER話唔洗客氣^^
我樓下管理處就醒目, 平時得一個人, 但初一至初三就3人一組企係到, 見到呢D佈陣實有點反感, 最後我地待初四回覆正常一人一更才比我認識的管理員
開工大吉呀,全年大大小小事件都順順利利
佛爺︰兩對鞋一新一舊，做個對照嘛。至於底底，呢啲係私密野，唔係隨時公開架~
紅米奇︰好彩無咋，真係失禮呀！
我都唔鍾意一大棚人喺度等收利是。早幾日返娘家，樓下有兩個管理員，一個我鐘意一個我唔鐘意，我第一時間沒有畀利是，之後再出街見到唔鐘意嗰個唔喺度就那那聲畀咗我鐘意嗰個。
你同 M 君都笑口常開，萬事如意呀！
Post a Comment