Thursday, March 10, 2011

先洗未來錢

突如其來兼且搞到滿城風雨的 $6,000,不知道什麼時候才到手,當然沒有計劃怎樣利用它。不過沒料到幾日之間,在這 $6,000 的推波助瀾下,做了一些大買賣。

去年家裏裝修過後,一直沒有添置唱機,家裏的唱片就只有塵封着。忍受不了幾個月前買下的唱片到現在還沒有聽過,星期日終於走去買了這部外型纖巧連 iphone 插座的唱機。唯一的缺點,可能就是沒有 usb 插口吧。


$1,150 再加上用 $148 換購的耳筒,多謝盛惠 $1,298。

同場加映陳奕迅在商場內為歌迷簽名。原來 iphone 的相機是有 zoom 的功能,我是在王菲演唱會上才偶然發現這個驚天大秘密。


上星期六友人告知剛花了二千六多買下國泰來回東京的機票,我心想連稅後的機票沒有理由這樣便宜,友人應該不知道上了什麼黑店吧。到了晚上看王菲演唱會,另一個友人告訴我國泰推出超級優惠,日本機票只要 $1,990,連稅後就是二千六百多,原來真的有其事。


之前一個星期已經開始蘊釀來一趟夏天的旅行,買張期間限定的 JR East Pass Special,跳上被譽為日本人最想坐上的五能線,在日本海旁一面浸溫泉一面看日落。沒想到夢想有機會成真。


星期一上班後即時問准上司,然後一擲千金買下飛東京的機票。雖然航班時間不算很好,但撿到便宜貨,就是感到超級高興。


兩張機票連稅,多謝盛惠 $5,372。

$1,298 + $5,372 = $6,670!弊傢伙,剛好超過了 $6,000,看來要快找邦民幫手了!

28 comments:

小妹 said...

$670就要搵邦民?
你想乘機見o下邦民姐姐咋話!

歐巴桑 said...

昨晚有啲驚下個月無糧出呢:-p
國泰個網站down server很久才入到
搞到"fing"不了那$6000啦~~哈哈

supageti said...

係啦,就黎糧都無得出仲亂咁 ding 錢!

supageti said...

係 fing 錢。

largeheadboy said...

小妹︰借 $670 我諗無得見邦民姐姐,會六十萬七或者就得~

歐巴桑︰今日同事之間都出現小恐慌啊!^t^
我嗰幾日都上到呀,仲見到大量早去晚返同埋我最愛嘅凌晨機添,反而頭先就入唔到。努力呀,想 fing 就一定 fing 到架喇~

意粉︰如果因為咁而無糧出我唔介意架,不過唔好搞咁耐就得架喇~ :p

maymay said...

$670等maymay姐借俾你啦,免利息,專人親手送達,祗收友情手續費$88(幾好意頭呀)

l.minor said...

iphone zooom的功能你居然...

國泰個機票真係平,可惜我巳買了機票去北海道...又要等下次...

Jackson said...

五能線係超超超超超得~

naruto said...

又去啦。。。。用哂$6000,過去日本賣唱賺旅費呀?

largeheadboy said...

maymay︰$88 真係友情價呀,抵我要請你去食壽司啊!

l.minor︰之前影相完全唔覺得有條 bar 喺度啊!我仲以為人地裝咗啲乜野 apps 添~
北海道無特價飛啊,所以唔影響你吖!夏天北海道正啊!

jackson︰真係咁得?我怕好多人坐唔到海側嘅位呀!好想快啲去啊~

naruto︰成大半年無去喇到時就~
有人肯畀錢我喺新宿站外面擺檔賣唱都唔拘啊~

ayclui said...

嘩, 執到荀貨真係開心~
我就用唔著啦, 因為d 機票得7晚, 我啱啱用asiamile 換咗2張福岡機票, 留十五晚呀~呵呵呵~

卡臣 said...

$6,000要嚟找咭數

TY said...

我都年頭用左asiamiles換飛同老媽子去睇櫻花,咁岩國泰有平機票,我又幫我妹買左張平機票.. 黎個家族旅行~~ 期待櫻花盛放啊!

不過如果早知有呢個promotion, 我諗我會去屋久島啊!!!!

ayclui said...

To 樓上TY:
我今次就係去屋久島啊~

TY said...

To ayclui,

噢...可以期待你既遊記嗎??
如此同時, 都希望日本無事...唉!

largeheadboy said...

ayclui:嘩,去成兩個禮拜好開心啊!開始計劃行程未呀?舊年去完知床,今年輪到屋久島呢個南部最後秘景啊!

卡臣:睇怕找卡數嗰日都未收到呢 $6,000,睇嚟真係要搵邦民~

TY:家族旅行正啊!最難得一家人夾得到啊!希望今次地震唔會影響到你喇!
係喎,又話有相睇~

ayclui said...

TY:
遊記一定同大家分享~

大頭:
Plan 緊行程啦, 日本黃金週D房爆到暈...

希望日本東北大步檻過...亞門...

laulong said...

大頭哥:

日本地震,希望她能快些恢復過來罷!

TY said...

係...相黎..

酒店房外的天空
http://farm6.static.flickr.com/5258/5517272799_360492a2dd_b.jpg
http://farm6.static.flickr.com/5257/5517863580_f97018653f_b.jpg

由博物館上酒店房要搭的monorail
http://farm6.static.flickr.com/5171/5517863912_719ae36749_b.jpg

monorail內籠
http://farm6.static.flickr.com/5139/5517274401_68af0b1437_b.jpg

酒店房外的露台
http://farm6.static.flickr.com/5054/5517274087_46b9371926_b.jpg

largeheadboy said...

ayclui︰黃金週呀,咪好多人囉!不過依家真係唔知點啊。希望你到時順順利利喇~

laulong︰係喇,希望日本早日度過這個艱難的日子~

TY︰oval 好得啊!你嗰張直頭好似官方照咁呀!呢度環境真係非常好。

Jackson said...

五能線一定要早啲定位, 我到步後訂 7日後的班次, 只剩番幾個位.....

你打算北>南 or 北>南?

紅米奇 said...

果然錢未到手已做好計劃, 係咪去不老不死浸個日落浴? 多疏乎~
日本大地震好恐怖, 願早日回覆正常及安全

Ahming said...

大頭san,
福島核電廠爆炸......

largeheadboy said...

Jackson︰要早咁多訂位架,我斬係去得嗰七八日咋喎。我諗住係由北到南,不過東北似乎仲會好亂咁……

紅米奇︰訂咗不老不死喇,不過都係嗰句,東北可能未咁快復元過來,到近啲出發時至算喇,仲有成三個幾月~
日日睇啲新聞,真係好唔開心,原本寧靜的小鎮瞬間變成煉獄,好 sad~

ah ming︰都唔知可唔可以去福島摘桃呀車厘子呀~

ayclui said...

大頭: 我依家都要睇實個情況呀, 我五月頭出發, 都擔心...唉
最壞打算係改十月去囉~

largeheadboy said...

ayclui︰係呀,的確要睇住事態發展,依家好似越嚟越唔樂觀咁。再加上人地喺度努力拯救展開重建而自己去玩樂,感覺點都唔係咁舒服~

ayclui said...

大頭: 好同意呀...人地喺度努力拯救展開重建而自己去玩樂,感覺好差添呀...
我諗應該好大機會改九/十月先去...

largeheadboy said...

ayclui︰改到就改喇,九月十月天氣可能仲好哩~