Saturday, February 19, 2005

六呎風雲

九點幾起後,到了樓下吃個早餐,然後回家繼續大被同睡直到兩點。難得難得!

晚上跟從前兒周的同事到銅鑼灣火鍋,雖然相識了十多年,但跟他們的距離越來越遠。除了是各有各忙和喜好不同之外,很大的原因相信是自己越來越自閉吧。逗了 rita 近八年利是,今年首次給她的女兒送上紅封包,感覺非常快樂,或者與自己的年紀一日比一日大有關吧!

回到家中,S 正在看電視,洗澡後一起看 Six Feet Under。也許應翻煲第一季了!

.

Thursday, February 17, 2005

十年

.

作曲:陳小霞
填詞:林夕

如果那兩面個字沒有顫抖
我不會發現 我難受
怎麼說出口 也不過是分手

如果對於明天沒有要求
牽牽手就像旅遊
成千上萬個門口 總有一個人要先走

*懷抱既然不能逗留
 何不在離開的時候
 一邊享受 一邊淚流

 十年之前 我不認識你 你不屬於我
 我們還是一樣 陪在一個陌生人左右
 走過漸漸熟悉的街頭

 十年之後 我們是朋友 還可以問候
 只是那種溫柔 再也找不到擁抱的理由
 情人最後難免淪為朋友*

REPEAT*

直到和你做了多年朋友
才明白我的眼淚
不是為你而流 也為別人而流

區樂民醫生手記文章

足以令人雙眼通紅鼻酸酸...

有一位老婆婆 個子唔高 但係好肥 行路既候需要拐杖支持
每隔兩個月老公公都會陪老婆婆到醫院覆診
因為老婆婆患有高血壓

某夜 老婆婆左邊身麻痺入院
經過電腦掃描顯示右腦出血

我如實話比老公公知 佢無出聲 只係無奈咁望住我
淚水已經湧現

第二朝 意料之外 老婆婆既情況唔係想像中咁壞
而且頭腦清醒

入院之後既第五日 老婆婆問我
呢兩日伯爺公點解無黎探我既?
一個實習護士話比我聽 早兩日老公公突然心肌梗塞
住左響對面既男病房 兩老無兒無女 最親既都只係姪仔
今日 姪仔帶左兩樽果汁黎醫院 先去探老公公 再去探老婆婆

過左幾日 老公公既病情剛剛穩定
就嚷住要出院照顧老婆婆
經過一番溝通之後 主治醫生諗左一個折衷辦法

首先老公公換番自己既衫 坐住輪椅 由工友推到女病房門口
而為左安全起見 醫生護士都要跟埋老公公一齊
老公公蹣跚地企起身 手執果汁 走到老婆婆床邊︰買比妳飲嫁

老婆婆嗲起黎︰呢幾日唔見你既伯爺公 咩事呀? 病左咩?
老公公微笑︰唔係呀伯爺婆... 姪孫結婚啦 我要幫佢打點一下嘛

呢一個 係我咁耐以來聽過最動人最感動既一個謊話

人生就好似變幻莫測既天氣 雖然可以預料
但往往都出人意表...

老公公既心臟日復日咁康復 準備出院那天
病情突然惡化 撒手塵寰

姪仔辦理完死亡證明之後就黎搵我 要求暫時唔好話比老婆婆知
因為老公公死前遺言︰照顧伯爺婆
唔好話佢知我既事 唔想佢受剌激

呢個時候 無一個在場既人唔感動唔流下眼淚 包括我...

當日我巡房既時侯老婆婆又問︰伯爺公D果汁喝晒啦
點解佢又不見人?
護士強忍眼淚︰妳唔記得左咩? 姪孫過兩日結婚啦! 老公公要幫手嘛

第二朝清早 我發覺老婆婆床頭多左樽瓶果汁 聽到護士同老婆婆話︰
老公公剛黎過 佢見妳訓得咁甜
唔捨得叫醒妳 放低果汁就走左啦

當護士一轉身發覺我企響度既時候 立刻雙頰通紅
我微微一笑 拍左佢膊頭一下 慶幸佢果顆愛心 不為歲月冷卻

當日下晝 護士長察覺坐響梳發對住窗望風景既老婆婆無左呼吸
我迅速跑去一手抱起老婆婆 再聯同護士將婆婆放上病床急救...

搶救二十分鐘之後 我宣布失敗...
我一邊寫報告記錄 一邊諗起「陪著你走」既一句歌詞︰
如果 走到這世界邊端 我倆已是無力前行 跟我一起飛去...

護士長走過黎同我講︰估唔到妳咁大力 一手就可以抱起老婆婆
我只係報上微笑 因為我已經唔想講任何野 我怕我忍唔住眼淚...

老婆婆的確好肥 但係好輕
因為佢既靈魂已經跟老公公飛走左啦...

愛 -- 雖然只係一個字
但係無人亦都無野可以具體咁解釋呢個字...
正如糖好甜 花好香...
根本無得解釋 要用心同親身體會先可以感受
真正既愛~~應該係埋藏響心裡面 去體會 去感受 去領悟...
即使天會變~~月會圓 花會枯 人會老...

有生之年
請珍惜你所愛以及愛你既人

Wednesday, February 16, 2005

吉祥寺麻布茶房

今天上班時的交通還算暢通,沒有了趕上學的學生和初九初十才開始上班的人,八點半便到了中環。今天的早餐是公司琴姐的奶茶和蛋治。

整天都很潮濕,午飯後走回公司的一程足以令我身體發臭。才二月,氣溫已高達廿四五度,或者幾年後香港的冬天只會剩下一頭半個月。不過算吧,那時會怎樣真是天曉得。

下班後趕往佐敦替大家姐取藥,再乘 2C 到她的家。臨走時奶奶才記得要給我利是,嚇得我!之便趕忙往尖沙咀。約了 carol、bonnie 和阿清七點半,原來時間相當充裕。

到了 ruby tuesday,很多人,坐在後面的一竟然是一群舊同事,真巧合!選擇 ruby tuesday 全因為有主菜買一送一,要不然我們便到了 fat angelo's。為了多謝她們的款待,之後去了麻布茶房,我請。這兒的麻布茶房好唔得,還是吉祥寺那間好吃和令人懷念得多......



最後有房車接送回家。開心。

Tuesday, February 15, 2005

中環黃昏

本來約了 G 午飯,但原來今日公司要食開年飯,早上便給她發個短訊。誰知她出了門才收到我的短訊,結果被她怨言相對。但始終我也是不對的!

午飯到了 cafe too,有人請,吃得特別暢快。但可能年紀大了,肚子不爭氣,一碟魚生一碟沙拉一碟點心一碟水果和兩碟甜品已令肚子脹卜卜,只好放棄。很想找天放假再慢慢吃過痛快。

來了中環上班剛剛兩個星期,今天終於要加班了。加班了一個小時,相信這樣的日子陸續有來。記得去年凌晨四點幾才收工,然後九點半又繼續工作的場面,今年不知會否重演?

黃昏有一點霧氣。中環在昏黃的街燈下原來可以是如此美麗。

Monday, February 14, 2005

情人節

今日是情人節。放工後約了 S 到尖沙咀,滿街都是一對對的情侶,不少也手持鮮花,但總覺得他們在賣弄多於一切,為過節而過節。看着他們,我和 S 都感到很可笑。

最後我們到了近期至愛的大快活晚飯,甜品是佐敦松記。下次一定要那個 SUMMER 或哈囉!



坐巴士回家,竟然被下一班車趕過。也許情人節並不是屬於我們的節日。