七年來，偶然我也會因為看過別人漂亮的照片，又或者看到令人熱血沸騰的優惠機票廣告，有一絲衝動重拾舊愛，跑一轉歐洲。然而沒過多久，我的心又會重投新歡的懷抱裏去。
近這一兩個星期，我又看到排山倒海的倫敦機票優惠廣告，彷彿倫敦又一次向我招手，希望再次得到我的寵幸。
七年了，這七年之癢是否需要正視一下呢？
the boring, routine but sometimes funny bits and pieces from the world of largeheadboy
Tuesday, January 15, 2008
七年之癢
到了今年夏天，我就已經整整七年沒有到過倫敦。倫敦，又或者是歐洲，在我未迷上日本之前曾是我的旅遊首選目的地。不過隨着年事漸高，開始發覺自己不能再忍受十多小時的長途飛行，也不能再每天跑到超市買燒雞麵包罐頭茄汁豆做晚飯。試問在歐洲，哪裏可以花數十塊錢就有一碗熱騰騰的拉麵充饑呢？再加上近年英鎊歐羅屢創新高，交通住宿也變成一個惱人的問題。就這樣，近年我離棄了歐洲，曾是我最愛的倫敦也被我狠狠的打入冷宮。
七年來，偶然我也會因為看過別人漂亮的照片，又或者看到令人熱血沸騰的優惠機票廣告，有一絲衝動重拾舊愛，跑一轉歐洲。然而沒過多久，我的心又會重投新歡的懷抱裏去。
近這一兩個星期，我又看到排山倒海的倫敦機票優惠廣告，彷彿倫敦又一次向我招手，希望再次得到我的寵幸。
七年了，這七年之癢是否需要正視一下呢？
七年來，偶然我也會因為看過別人漂亮的照片，又或者看到令人熱血沸騰的優惠機票廣告，有一絲衝動重拾舊愛，跑一轉歐洲。然而沒過多久，我的心又會重投新歡的懷抱裏去。
近這一兩個星期，我又看到排山倒海的倫敦機票優惠廣告，彷彿倫敦又一次向我招手，希望再次得到我的寵幸。
七年了，這七年之癢是否需要正視一下呢？
Subscribe to:
Post Comments (Atom)
26 comments:
我都認真考慮過秋天走一轉 …
呢位司主, 我看你已心有所屬, 又可必多作無謂掙扎呢...? 都係早訂早計劃啦.!
意粉︰秋天天氣好，那個時候又正值淡季，應該很值得去。的確要認真考慮一下啊！
小妹︰麻煩的就是呢輪優惠大都要你今個月尾之前出票，我又唔係咁想咁快做決定，想睇多一兩個月出埋啲連酒店套票先！
瀟灑D啦~~唔該~~ ^O^
你又有假，又有盤川，仲搞乜鬼七年之癢唧！
係囉，唔好咁刁僑扭擰啦 ~
你竟然鍾意倫敦????!!!!
一個要捱13個鐘至到, 到左又無啖好食ge鬼地方!!!
我淨係鍾意個"賊竇博物館".
如果你淨係去倫敦ge話, 我比支止痕劑過你喇!
7年前我們也在英法兩國渡過了人生中最快樂的假期^^
不過現在英鎊貴了很多,再去的話有點捨不得呢
有,有麵食,倫敦唐人街有得食。
去睇下佢地的時裝都好丫,機票三千幾真係好低, 不過秋天去就成日濕濕泣泣, 灰灰沉沉......天蒼蒼, 夜芒芒。
ellen︰去歐洲唔同日本呀，冇得話去就去，要慢慢研究格價啊！^t^
劉鄧︰假係有大把，盤川唔係好多架咋，有都轉晒 yen 紙喇！^i^
意粉︰我想等到下個月出埋夏天的 package 才決定，現在的 package 只去到三月底啊！
joeyee︰話時話，雖然我大大話話去過四次倫敦，都仲未去過賊竇博物館，真係好唔掂！^o^
去英國真係冇啖好食，所以應該會去多一兩個國家，不過你支止痕劑應該都啱用架！
歐巴桑︰唔通你地今年又“七年之癢”？我記得七年前英鎊仲係 11 定 12 ，依家升值了成三成咁濟，真係好誇張。
galaxy︰我當年在唐人街食碗叉燒飯都要成四五十蚊港紙，又唔係咁好食，唔敢想像依家要幾多錢喇！
我又唔會只去英國，不過飛多一程應該要成五千幾，仲有二千蚊稅，張機票都好犀利。去的話應該會是美好的夏天。^t^
有yen仲好，將佢換英鎊咪得囉！
橫掂的yen都升到我想喊！
d鎊兌到16算好溶，之前去時兌14都已覺好貴！
去乜鬼倫敦唧，我淨係鐘意日本手信嫁咋~
我係睇左「細說名城」+ CX 既 promotion 又好吸引先開始考慮咋。
原來秋天英國咁O架？但我唔鍾意夏天／冬天去旅行喎。
七年之癢... 七年前呢d時間就係我第一次計劃去日本旅行喎! 唔知點解我係好少向西飛嘅.
劉鄧︰呢兩日啲 yen 係咪升到好恐怖呀？好彩我都仲有啲好低入的英鎊啫！^t^
roy︰唔單只英鎊，呢兩年歐羅都由 9.x 升到依家 11.x ，去一次歐洲真係元氣大傷呀！
maymay︰你咁講我放心喇，唔駛諗買什麼手信給你啊！^b^
意粉︰我試過九月去英國，都可以架，不過係涼啲啫，你應該冇問題喇！你又駛唔駛月尾前出定飛呀？
小彭︰向住個落日飛幾好 feel 架！^t^
同埋第一日會過得好長好長！
我想去，但 husband 唔想去，所以無再諗 ~
意粉︰咁就疊埋心水繼續向東飛喇！^t^
今年可能會多 d 向北飛。
昨晚才和Winnie說起你這篇「七年之癢」，她說經過三個星期的遊學生活後，她喜歡到英國，但不會是倫敦！就算有人包食宿都咁話。
有冇平yen唱呀))))))))
想死! >.<
有冇平yen唱呀))))))))
想死! >.<
去英國可以食炸魚薯條，他們的 tarter sauce 更勝 kewpie mayonnaise。
意粉︰希望是東北而不是“齋北”啊！^t^
劉鄧︰我細個聽開歐西流行曲，對英國樂壇比較留意，自自然然就對英國很有感情。所以當年第一次遠行就是去英國朝聖。去到英國，一切都是那麼很親切。倫敦作為首府，也是真正的 world city ，一定要去見識一下，體驗大都會的感覺。英國咁大，所以除咗倫敦，我每次都會去吓其他行下，威爾斯同蘇格蘭都好值得去啊！
如果有人包食包住，我仆到去呀！
joeyee︰要不是早排以 6.8 優惠價“唱”咗大拿拿 20 萬 yen 畀人，或者我都幫到你手啊！希望新年前啲 yen 跌返啲喇！
tmc︰對啊，加上些醋更加正啊！很喜歡他們用報紙包住啲炸魚薯條，吸減啲油之餘也好好 feel！我仲記得唔同魚肉唔同價錢啊！
要唔要介紹個女導遊你識呀? 佢識功夫嫁,去過少林寺, 仲時時參加比賽忝, 可以保你平安, 但唔識中文。
galaxy︰嘩，咁厲害？有地膽帶路梗係好好多喇！不過或者唔會留太耐英國了，鎊紙太高了！
Post a Comment