Tuesday, January 15, 2008

七年之癢

到了今年夏天,我就已經整整七年沒有到過倫敦。倫敦,又或者是歐洲,在我未迷上日本之前曾是我的旅遊首選目的地。不過隨着年事漸高,開始發覺自己不能再忍受十多小時的長途飛行,也不能再每天跑到超市買燒雞麵包罐頭茄汁豆做晚飯。試問在歐洲,哪裏可以花數十塊錢就有一碗熱騰騰的拉麵充饑呢?再加上近年英鎊歐羅屢創新高,交通住宿也變成一個惱人的問題。就這樣,近年我離棄了歐洲,曾是我最愛的倫敦也被我狠狠的打入冷宮。

七年來,偶然我也會因為看過別人漂亮的照片,又或者看到令人熱血沸騰的優惠機票廣告,有一絲衝動重拾舊愛,跑一轉歐洲。然而沒過多久,我的心又會重投新歡的懷抱裏去。

近這一兩個星期,我又看到排山倒海的倫敦機票優惠廣告,彷彿倫敦又一次向我招手,希望再次得到我的寵幸。







七年了,這七年之癢是否需要正視一下呢?

26 comments:

supageti said...

我都認真考慮過秋天走一轉 …

Anonymous said...

呢位司主, 我看你已心有所屬, 又可必多作無謂掙扎呢...? 都係早訂早計劃啦.!

largeheadboy said...

意粉︰秋天天氣好,那個時候又正值淡季,應該很值得去。的確要認真考慮一下啊!

小妹︰麻煩的就是呢輪優惠大都要你今個月尾之前出票,我又唔係咁想咁快做決定,想睇多一兩個月出埋啲連酒店套票先!

Ellen老師 said...

瀟灑D啦~~唔該~~ ^O^

lau2tang said...

你又有假,又有盤川,仲搞乜鬼七年之癢唧!

supageti said...

係囉,唔好咁刁僑扭擰啦 ~

Anonymous said...

你竟然鍾意倫敦????!!!!
一個要捱13個鐘至到, 到左又無啖好食ge鬼地方!!!
我淨係鍾意個"賊竇博物館".

如果你淨係去倫敦ge話, 我比支止痕劑過你喇!

Anonymous said...

7年前我們也在英法兩國渡過了人生中最快樂的假期^^
不過現在英鎊貴了很多,再去的話有點捨不得呢

Anonymous said...

有,有麵食,倫敦唐人街有得食。
去睇下佢地的時裝都好丫,機票三千幾真係好低, 不過秋天去就成日濕濕泣泣, 灰灰沉沉......天蒼蒼, 夜芒芒。

largeheadboy said...

ellen︰去歐洲唔同日本呀,冇得話去就去,要慢慢研究格價啊!^t^

劉鄧︰假係有大把,盤川唔係好多架咋,有都轉晒 yen 紙喇!^i^

意粉︰我想等到下個月出埋夏天的 package 才決定,現在的 package 只去到三月底啊!

joeyee︰話時話,雖然我大大話話去過四次倫敦,都仲未去過賊竇博物館,真係好唔掂!^o^
去英國真係冇啖好食,所以應該會去多一兩個國家,不過你支止痕劑應該都啱用架!

歐巴桑︰唔通你地今年又“七年之癢”?我記得七年前英鎊仲係 11 定 12 ,依家升值了成三成咁濟,真係好誇張。

galaxy︰我當年在唐人街食碗叉燒飯都要成四五十蚊港紙,又唔係咁好食,唔敢想像依家要幾多錢喇!
我又唔會只去英國,不過飛多一程應該要成五千幾,仲有二千蚊稅,張機票都好犀利。去的話應該會是美好的夏天。^t^

lau2tang said...

有yen仲好,將佢換英鎊咪得囉!
橫掂的yen都升到我想喊!

Anonymous said...

d鎊兌到16算好溶,之前去時兌14都已覺好貴!

maymay said...

去乜鬼倫敦唧,我淨係鐘意日本手信嫁咋~

supageti said...

我係睇左「細說名城」+ CX 既 promotion 又好吸引先開始考慮咋。

原來秋天英國咁O架?但我唔鍾意夏天/冬天去旅行喎。

Anonymous said...

七年之癢... 七年前呢d時間就係我第一次計劃去日本旅行喎! 唔知點解我係好少向西飛嘅.

largeheadboy said...

劉鄧︰呢兩日啲 yen 係咪升到好恐怖呀?好彩我都仲有啲好低入的英鎊啫!^t^

roy︰唔單只英鎊,呢兩年歐羅都由 9.x 升到依家 11.x ,去一次歐洲真係元氣大傷呀!

maymay︰你咁講我放心喇,唔駛諗買什麼手信給你啊!^b^

意粉︰我試過九月去英國,都可以架,不過係涼啲啫,你應該冇問題喇!你又駛唔駛月尾前出定飛呀?

小彭︰向住個落日飛幾好 feel 架!^t^
同埋第一日會過得好長好長!

supageti said...

我想去,但 husband 唔想去,所以無再諗 ~

largeheadboy said...

意粉︰咁就疊埋心水繼續向東飛喇!^t^

supageti said...

今年可能會多 d 向北飛。

lau2tang said...

昨晚才和Winnie說起你這篇「七年之癢」,她說經過三個星期的遊學生活後,她喜歡到英國,但不會是倫敦!就算有人包食宿都咁話。

Anonymous said...

有冇平yen唱呀))))))))
想死! >.<

Anonymous said...

有冇平yen唱呀))))))))
想死! >.<

Anonymous said...

去英國可以食炸魚薯條,他們的 tarter sauce 更勝 kewpie mayonnaise。

largeheadboy said...

意粉︰希望是東北而不是“齋北”啊!^t^

劉鄧︰我細個聽開歐西流行曲,對英國樂壇比較留意,自自然然就對英國很有感情。所以當年第一次遠行就是去英國朝聖。去到英國,一切都是那麼很親切。倫敦作為首府,也是真正的 world city ,一定要去見識一下,體驗大都會的感覺。英國咁大,所以除咗倫敦,我每次都會去吓其他行下,威爾斯同蘇格蘭都好值得去啊!
如果有人包食包住,我仆到去呀!

joeyee︰要不是早排以 6.8 優惠價“唱”咗大拿拿 20 萬 yen 畀人,或者我都幫到你手啊!希望新年前啲 yen 跌返啲喇!

tmc︰對啊,加上些醋更加正啊!很喜歡他們用報紙包住啲炸魚薯條,吸減啲油之餘也好好 feel!我仲記得唔同魚肉唔同價錢啊!

Anonymous said...

要唔要介紹個女導遊你識呀? 佢識功夫嫁,去過少林寺, 仲時時參加比賽忝, 可以保你平安, 但唔識中文。

largeheadboy said...

galaxy︰嘩,咁厲害?有地膽帶路梗係好好多喇!不過或者唔會留太耐英國了,鎊紙太高了!