Wednesday, January 02, 2008

不歸路

有些東西,會令你感覺走上一條不歸路,開始了就回不了頭。

昨晚在飛機上,重溫了我很喜歡的 Pretty Woman 。電影中,Julia Roberts 跟 Richard Gere 六日五夜的交易,令她體驗了她以前未曾擁有過的滋味。她知道,往後的日子不會再一樣。

對我,日本就是一條不歸路。自從十年前第一次到日本,我便愛上這個地方,我的特區護照,就只有日本的出入境記錄。這次同樣是六日五夜的日本之旅,我也得到一些新的體驗。

首次以駕車方式旅遊,感受到日本公路的先進和衛星導航系統的偉大。沿途我們不斷到訪令人樂而忘返的道の駅,也停留在沒有車就不可能有機會到的地方。還有的是,一面在公路上飛馳一面聽着八九十年代的 j-pop ,感覺真的很日本。



在寒冷天氣下緊握溫暖的飲品,彷彿幸福就在手中。



來回兩程飛機都乘坐商務客位,對於平時要屈膝坐在狹窄經濟客艙的我,除了可以伸直雙腿一面看電影一面吃過不停之外,也叫膚淺的我享受了幾小時的虛榮。



謝謝司機,讓我們每次都可以平安到達目的地。謝謝領隊,讓我們食得好住得好。謝謝 kitty ,讓我有機會鍛鍊臂力,燃燒吸收過量的脂肪和膽固醇。

回不了頭回不了頭,這條不歸路真的回不了頭。

40 comments:

lau2tang said...

我都中了降!
我估你在商務機艙時的神態,一定比Julia Roberts在酒店penthouse內食草苺看歌劇時更雀躍!

Ellen老師 said...

點解見到我呀~~~

Anonymous said...

上次日遊紅葉見頃,今次有車、有商務客位坐,難怪真是條不歸路。商務客位膳食又真係幾豪喎 !

Anonymous said...

既然歸不得就繼續直去啦!
新年快樂!

supageti said...

Welcome Home ! ^_^

噢 ~ 天橋立無雪喎 ~

maymay said...

兩程都坐商務客位,幸福得你丫~~
邊張相係天橋立?

Anonymous said...

真係咁不歸o架?本來對於自駕遊興趣不大,睇完你咁講又挑起條根添...

supageti said...

師妹:某“商務旅客”揸住罐 Choco Latte 果度咪天橋立囉,如果我無老眼昏花既話,嘻嘻 ~

lau2tang said...

意粉真眼利!
我地全程比雪追呀!

Anonymous said...

大頭, 做商務旅客都係一條不歸路喎! 當見到件行李係頭幾件趺出黎時, 我都有一刻虛榮過架(我係好膚淺)! ^^

Anonymous said...

來回兩程都upgrade上商務!!

Anonymous said...

得咁少相、我唔制呀﹏

正如王wyman話齋:商務客位真係一條不歸路,比的心機儲錢喇!

largeheadboy said...

劉鄧︰咁你定好咗下次嘅路線咪?得閒就刨熟呢個網站喇︰http://www.mlit.go.jp/road/station/road-station.html
我在商務客艙表現得好得體好鎮定呀,唔可以畀人知道我大鄉里啊!

ellen︰有你咩有你咩?真係唔好意思!我今朝早是但執幾張相,沒有細看啊!駛唔駛加塊 kitty 臉畀你呀?^t^

tmc︰沿途還不斷有好嘢食添呀!商務客艙的飛機餐令我最感動的,是那兩片外脆內軟很香兼且還是溫暖的蒜蓉包。

joeyee︰我會繼續向前架喇!呢個亦係我嘅新年願望之一,相信也是你的願望!大家都要努力啊!

意粉︰全程沒有下雪真令人有點失望,幸好整個旅程很順利,不可以再抱怨什麼了!

maymay︰意粉真係好厲害,幾株樹就認出是天橋立!那朝很冷,手也僵硬了,就在路上買罐東西取暖。
這次行程又真係好幸福架!^u^

largeheadboy said...

小妹︰揸車真係好好多呀!去邊就邊話停就停,當然司機大佬就辛苦啲。最緊要係每個道の駅都令人唔捨得走。去喇就!

劉鄧︰尋日朝在大阪 jr 站看到天橋立的雪景照廣告,真係靚到吖。真是早了兩天!

小彭︰我真係好鍾意呢種虛榮呀!不過我始終是平民,下次又要跟大家一齊等行李 lu !

roy︰兩程都商務實在太令人感動了,或者我要將我嘅其中一個新年願望改為次次有 upgrade 先!^t^

ah ming︰我仲有啲香檳相呀伸直雙腳相呀大電視相呀,不過我怕 post 晒出嚟會畀人打喎!
呢條路話就話不歸,但始終要面對現實啊!>_<

lau2tang said...

唔緊要啦!﹝我發現呢句變了我的口頭禪添﹞
下年再去過囉!
橫掂你鍾意到八坂神社過年。

Anonymous said...

睇完 ... 我 ... 又想去 ... 小彭 ......

largeheadboy said...

劉鄧︰乜你嘅口頭禪唔係岐阜和歌山北海道咩?^t^
唔通下年,噢,應該是今年,都要去日本過年?京都的過年氣氛始終濃些啊!

lala︰你自己也可以來次自駕啊!小彭好似仲未有計劃喎!

Ellen老師 said...

唔駛加塊 kitty 臉畀我,收下代言人費啦!

Anonymous said...

大頭, 我尋日先比有d人拒絕左咋! 家下又叫人... 唔...

做個green card member都唔錯, 可以去business counter check in同有得優先登機, 後者都好緊要, 特別係回程好多handcarry的時候.

Kuri Lung said...

呵呵,你就只管日本,我就只管韓國... 我月尾又會去韓國了,也是六日五夜。真的很期待!

Anonymous said...

真係好一句不歸路, 我也羨慕起來喎! 商務客位....... 駕車遊的確好正....我上二個星期也陪重看petty women, 真係百看不厭.....

Anonymous said...

我要相、多多益善!

Anonymous said...

好鬼羨慕你地,好期待你們的遊記!

Anonymous said...

話時話~~點解來回都係商務客位?用分換?

largeheadboy said...

ellen︰我仲未叫你畀運載 kitty 的額外附加費啊!

小彭︰我張 cx 信用卡送埋馬可勃羅 green card 會藉,但係我沒有申請,諗住冇乜着數,原來咁 so 架!
唔好靠人,靠自己喇!^t^

巴貝兒︰人各有志啊!韓國始終提不起我的興趣。或者你送啲好正嘅韓國手信過我我就會愛上韓國啊!^o^
噢!你沒有給我 fancl 的購物清單啊!:p

貝拉︰最近呢兩次旅行我都好滿意,自己揸車又是另一種玩法。有機會我也想再來一次自駕遊。又或者,係咪真係要自己考個車牌呢?
要我選自己最喜歡的電影,pretty woman 一定是十大之一,每次電視重播我也可以再看一次。

ah ming (唔係 ah ning 啊呵?)︰我都有 UA 的商務位相片喎,要唔要埋吖?^O^

rempei︰遊記相信要拜託劉鄧了!她對這次行程瞭若指掌,也投入最多,應該最能勝任今次遊記的寫手。我依家仲努力埋緊個紅葉之旅嘅尾啊!
隨團司機是 cx 常客,所以我才有幸一併 upgrade 到商務咋!

lau2tang said...

嘩!寫遊記咁辛苦你都要我啃?
知道你咁對我,我就唔會分隻炸蠔畀你喇!

largeheadboy said...

劉鄧︰諗返起件炸蠔真係好好味!我都畀咗一舊仔入唔到三甲但係熱辣辣的明太子麵包你啊!^t^
寫喇,你資料最整全呀!

Anonymous said...

明太子麵包?! 嘩... 遲D最好介紹一下啦, 唔該!

lau2tang said...

明太子麵包,我無影到相呀!
大頭你有無呢?

Ellen老師 said...

佢乜都影,應該有~~~

Anonymous said...

I want to thank the excellent navigator who helped me with very clear instructions. Without all the unmatched planning work of our leader, this trip would not have been possible. Last but not least, Kitty has been our indispensable weight controller. I just found out in the gym this morning that I gained ONLY 1.5 kg, not bad with all the stuff that has gone in!

The driver is eagerly looking forward to another great journey.

Ricky

Kuri Lung said...

我去得韓國就唔會買 Fancl 架喇,我係都買 Laneige 啦,仲有 Skin Food、The Face Shop、Missha,嘩,真係多到數唔哂,我唔帶護膚品去架喇,去到即買即拆即用。我仲諗住買番罐正官庄返來補下身添。我今次要賣左我的旅行基金喇...

largeheadboy said...

小彭︰我地去到某個道の駅,見到在香港唔捨得買的 little mermaid ,便每人掃了幾個。明太子包剛剛出爐,我就即刻買了一個。真係超好吃呀!你遲吓留意劉鄧報道吖!

劉鄧︰除咗最後一餐烏冬沒有拍照,我吃過什麼都有留底啊!^t^

ellen︰呢位團友好了解我咁喎!^e^

ricky︰今日有人話我肥咗,塊臉圓咗咁,睇怕好難瘦得返 lu !^o^
1.5 kg ,好快減得返啊!
領隊,聽見司機的表示嗎?

巴貝兒︰去到嗰邊攞 sample 用咪得囉,駛乜買呀?見柚子蜜平的話順便幫我抬一樽回來吖唔該!^t^
嗯,有入有出嘛!

Ellen老師 said...

都話kitty重要啦~~

largeheadboy said...

ellen︰不過如果 kitty 冇咁大隻,可能會好啲…… ^t^

Ellen老師 said...

kitty冇咁大隻,你地點消耗脂肪呀!
得~~下次帶kitty妹妹去呀!

lau2tang said...

Ricky,
好開心識到好食的你!同你們周圍搵食嗰過程真喺好開心。
謝謝你照顧咗我們六日,有時間嘅話,嚟我屋企坐吓啦。
http://lau2tang.blogspot.com/

largeheadboy said...

ellen︰我都要跟你講句︰唔係化?

劉鄧︰我都已經畀咗你地屋企個地埗 ricky ,我諗佢都好想睇吓你地對呢次旅程嘅感受。^t^
嗯,餐 burger king 早餐就當你嘅廣告費喇!

lau2tang said...

多謝你收得我咁平噃!
不過話時話,我是第一個客人登廣告,唔喺有紀念品收o架咩?

largeheadboy said...

劉鄧︰我呢度收視率低,廣告費固然也低喇!
紀念品?就畀你落多一次廣告喇,哈哈!