Monday, January 07, 2008

第九章︰夜遊清水寺

雨後的京都明顯轉冷,但人潮沒有絲毫減少。在四条河原町輪候公車的人實在太多,為免誤了時間,我們決定步行前往清水寺。



清水寺每年都會在櫻花盛放的春天和紅葉斑斕的秋天安排特別夜間拜觀。每次看到一道藍光飛越清水舞台射向京都市的相片,我都渴望有天可以親身欣賞到這美景。這天,總算如願以償了。



前來夜間拜觀的人很多,要在理想的地點取景就要耐心等候。



在成就院前的池塘,我們都被紅葉在水裏的倒影攝住了。眼前的究竟是幻覺,還是水底裏的另一個國度?



找到堅固的圍牆或告示牌,調校好曝光時間,拍出來的相片還可以啊!




但在什麼也沒有的情況下,團友的頭頂就充當為我的人肉腳架。



雖然大多數寺院都明文規定不可以使用腳架,但在清水寺,沒聽指示的大有人在。在奧の院望向清水舞台這個最搶手的位置,一大群台灣遊客就用腳架一字排開,站在人潮最前面拍過不停,擾攘了足足二十分鐘才肯離開。然後,我才得以把相機擱在傾斜的告示牌上,拍下一些比較像樣的相片。



回來後,跟也在同一時間到京都觀光的同事談起,她說對在夜間賞紅葉沒有興趣,所以沒有前去這類夜間拜觀。我覺得,她錯過了紅葉的另一種美態了。

25 comments:

lau2tang said...

加油!
不過張張都是紅葉,我真喺有點膩!

largeheadboy said...

劉鄧︰仲要紅多兩日啊,之後去姫路神戶就冇乜紅葉 lu !不過我仲未覺得膩啊!:p

supageti said...

不如俾 d 美食相睇下先啦 ~~~~

tmc said...

終於等到清水寺了 !

清水大舞台不過不失,反而紅葉倒影那張很不得了呀 !

roy said...

我都有你同事既諗法,所以上次無安排夜賞紅葉~

貝拉 said...

我都覺得夜間參拜是值得的,上次想影夜櫻,的確要費很多時,不過值的.

小妹 said...

哈~ 團友的頭頂看來不錯, 幾穩陣咁喎! ^^

光.軍 said...

燈光下的烈光紅紅跟自然光下的艷紅相比.別有一翻風味。

maymay said...

在燈光照射的紅葉,如火燄般,紅爆~~

Ellen said...

悶啦~~ ^^

Ellen said...

不過都要加油~~

lau2tang said...

P記的夜拍照片真喺唔喺好掂!
難道又要買機乎?

LaLa said...

即係 ... o個道藍光 ... 同京都好唔夾o番 ......

rempei said...

我以為清水寺夜遊只限於夏天添!

largeheadboy said...

意粉︰今次行程沒有什麼特別美食(其實次次都冇咁濟!),不過下一章輪到晚飯,都會有啲食物相,密切留意啊!^t^

tmc︰紅葉倒影嗰張鬆郁朦都話得?現場睇就真係好得!

roy︰你上次冇時間啫,夜晚睇紅葉都好正架,會有另一番感受。遲吓你睇埋我個高台寺夜遊(仲係紅葉!)可能你都會改觀呀!

貝拉︰講講吓我都想親身睇吓夜櫻是怎樣漂亮。其實夜間拜觀都算幾花時間,再加埋食吓飯,往往要很晚才可以回旅館休息。

小妹︰有頭頂好過乜都冇呀!其實團友做人肉腳架都好慘,好大壓力架!^o^

光.軍︰係呀,用燈照同埋在太陽下睇紅葉完全是兩回事,尤其係夜晚一片漆黑,紅葉就更突出。

largeheadboy said...

maymay︰咁你今年的旅遊大計落實了沒有?

ellen︰我唔會畀你打沉嘅!我會努力繼續紅葉下去!^t^

劉鄧︰可能我用慣 canon ,始終覺得 panasonic 冇咁靚。算喇,部 panasonic 都叫做幫我拍過不少令我滿意的作品。

lala︰唔夾咩?我覺得好型仔喎!
呀,唔知平時道藍光係咪都開住嘅呢?

rempei︰唔係,應該係春天同埋秋天,夏天反而夜晚唔開。有錯請更正。

小彭 said...

我試過晌東京夜間賞櫻, 就唔靚喇, 青bb嘅!

um... 咁你要早日完成呢個遊記喇!

歐巴桑 said...

咁先至似樣^_^
大叔剛啱重在死撐自己玩「另類」...呵呵!

largeheadboy said...

小彭︰係咪嗰陣時未見頃咋?
呢個遊記我會努力完成埋佢,至於年末年始……

歐巴桑︰咁最後你地有夜賞紅葉嗎?大叔的口味又的確好另類喎!^t^

supageti said...

我還是喜歡在自然光下賞櫻/紅葉。^^

lau2tang said...

對!我也認為是這樣!

小彭 said...

個次d櫻花係滿開架!

夜晚都係去食野同再食野啦, 再去下便利店(24小時店), 再去夾下擰下, 同埋返酒店睇電視好d!

maymay said...

裝修都攪到頭大啦,仲邊有時間諗旅行d野喎~>_<

歐巴桑 said...

後來幾晚掛住吃最終都無時間再去啦^^
下次一定要找對地方囉

largeheadboy said...

意粉、劉鄧︰夜晚睇紅葉又有另一番味道啊!當然,在藍天下紅葉會更艷紅。

小彭︰我真係覺得去日本仲辛苦過返工,日日早出晚歸,節目實在太多太多了!

maymay︰新年前可以搞掂吧!咁之後大把時間同埋心情諗喇!^t^

歐巴桑︰我就反而連氣去了三晚,之後才食飯,然後再搭成個鐘頭車返大阪。
有今次教訓,下次就唔好聽晒大叔話喇!^p^