Sunday, October 31, 2010

超錯

秋風送爽的下午,到了近來不時光顧的茶餐廳,點了兩份下午茶餐。雖說是下午茶餐,但它們都是即叫即炒,份量也很大,叫我們都吃得很滿足。


吃了肥膩的東西,要找些甜品中和一下。這家 Holly Cow 的 froyo 還算不錯,怎樣也比銅鑼灣名字很接近的 Holy Cow 好吃得多,但跟近期大熱的 Crumbs 還是差了一點點。


到了這一刻,一切都是很美好。

走到電影院,最想看的《告白》只剩下最前面的三四行。為了不想重蹈上星期看《父後七日》時仰望大熒幕個半小時的覆徹,退而求其次選了《中坑同學會》,怎料一連串錯誤就從這裏開始了。

西九海旁這個周末有美酒嘉年華,來吃來喝的人很多,氣氛十分好。入口處旁邊有某張信用卡的攤位,說只要出示信用卡和優惠券,就可以換來四張免費的品酒券。這張卡跟了我好幾年,不過因為要我繳交年費,剛剛在早幾天給我剪掉了。


晚飯想吃的餐廳高朋滿座,不想耽誤時間,就到了大快活。現在的快餐店一點都不便宜,兩份晚餐索價幾近一百元,但換來的卻是很不濟的食物。我的那份晚餐就好像浸在肥油之中,怎麼也不能給我吃光。


《中坑同學會》是齣超爛的電影,故事情節很八十年代,就好像我們的《精裝追女仔》或者《奇謀妙計五福星》。笑料是有的,也令我哈哈大笑了幾聲,可是當我這個低層次的人也覺得層次確實是低了一點,那就有問題了。浪費了幾十塊錢事小,浪費了我個半小時生命就事大。


超錯!受了教訓,下次就不要讓自己一錯再錯。

15 comments:

naruto said...

第一碟星洲炒米同貴勺咁肥淋淋,已經係超錯啦

largeheadboy said...

naruto︰咁人地熱辣辣好味好多吖嘛,唔同嘅唔同嘅~ :p

卡臣 said...

睇相都見到十足鑊氣

l.minor said...

又真係好油咁喎!

supageti said...

成日掛住吃喝玩樂夠超錯啦 ~~~ :p

小妹 said...

錯晒啦~真係錯晒啦~
"告白"真係超好睇架!

紅米奇 said...

睇唔到告白可能真係至超錯呢
我上畫第一日就預售睇咗, 掂掂掂

supageti said...

告白我唔會睇,因為唔鍾意個題材 ~~

largeheadboy said...

卡臣︰唔錯架真係!我諗過收工趕過嚟食埋個下午茶至返屋企~

l.minor︰都唔算好油咋,晚飯喺大快活就油浸咁濟,不過就冇影相囉。

意粉︰返咗一個禮拜工,吃喝玩樂半晝都不為過啫,要透下氣架嘛~
《告白》三級架,唔通真係咁意識不良?

小妹︰大早第四行都照睇喇,套《中坑同學會》睇咗一半我直頭想走返屋企睇獎門人好過~

紅米奇︰原來早兩個月喺日本返嚟飛機上面播過《告白》架,但係當其時完全唔知道呢套戲,結果睇咗 Sex and the City,超錯呀真係!下個禮拜一定要睇呀!

小彭 said...

超錯啦你, 唔睇告白.
未睇我都唔多鐘意呢個題材, 睇完又幾鐘意導演個拍攝手法.

largeheadboy said...

小彭︰真係咁好睇?松隆子我大好き架!

maymay said...

唔知十二月飛機上仲有冇'告白'睇呢呵~~

largeheadboy said...

maymay︰到時飛機上應該冇得睇架喇,睇碟吧喇~
我有本鎌倉嘅書仔,下次畀你~

supageti said...

帥哥 ~~ 你究竟知唔知《告白》講乜嫁?

largeheadboy said...

意粉︰係咪話呀松隆子要大報復吖嘛~