Thursday, September 18, 2008

あいうえお

說了幾年到了現在終於立下決心報讀的日文課終於開課了,隨後的四十個星期,除了間中躲懶,又或者為了提升自己的日語能力自費參加日本遊學團之外,我想我都會準時出席。

上課前,先跟書友仔到學校附近的一家日式烏冬店醫肚,順便測試店員說いらっさいませ的發音是否準確。



我們的老師是日本華僑,一踏進課室就不停跟我們說日文,我們都來不及反應之際,竟然有同學可以跟他對答如流,還自動自覺用日文由一數到十,嚇得我和書友仔目瞪口呆。搞什麼呢?我們報讀的是日語入門,究竟什麼時候變成了深造班呢?



聞名不如見面的五十音原來只有四十六個,以我的資質,應該可以一個禮拜一個,四十六個禮拜後就全部記入腦裏。



三個小時的課,原來可以教授那麼多的東西,由あいうえお到いちばん,再由あかさたな到ふくおか。下星期,還要唸熟和背默五十音。或者,真的要問叮噹從牠的百寶袋借來記憶麵包,才能把這天學過的一一記下。

31 comments:

意粉 said...

寫得幾靚吖 ~ ^^

小彭 said...

弊, 咩係あかさたな? 睇黎我都要讀番入門班. 其實大頭見到有同學咁對答如流唔使吃驚, 我都有個同學仔走去報你呢個班呀.

rempei said...

我聽日都要俾錢報中班喇~~但五+音都未記得哂~~點搞???
大家齊齊努力丫!がんばれ!

largeheadboy said...

意粉︰そゆぬれわね呢幾個字超難寫呀,寫得好醜怪~~

小彭︰由上面讀返落嚟就係あかさたな,仲有はまやらわ添呀!好煩呀!
咦,唔會係同一班呀?唔係就做壞市,映得我地好弱~~

largeheadboy said...

rempei︰嘩,原來你中班咁強架!失覺失覺!五十音真係好難記,記得點讀但又唔記得點寫,灰呀~~
不過我都好強,竟然睇得明がんばれ喎!哈哈哈!

rempei said...

但我返工聯會那些班屬平、快、靚、正!課程好短咋嘛~~~
p.s. 你好似返了一堂就識哂我成個初班D野咁!你確係好強!

歐巴桑 said...

我覺得そ同ぬ最難寫
慢慢來啦!
我上了差不多一半先開始知知地先生講甚麼呀
話時話基礎二快開課了
大家一起努力吧^^

lala said...

二三些應該係いらっしゃいませ.

意粉 said...

日文唔難寫,一定難唔過寫中文 ~ ^o^

maymay said...

呢位同學幾勤力喎,獎個牛牛印俾你啦~~

roy said...

以大頭既資質無難度啦~ 幾時要學埋KATAKANA?

largeheadboy said...

rempei︰工聯會平、快、靚、正咁多優點?駛唔駛轉校呢我?
唔好咁讚好喇,雖則我又的確幾聰明伶俐點一反三精乖活潑~~(死,停唔到!)^y^

歐巴桑︰係喎,歐巴桑好似同大叔一齊讀喎!
個そ開頭兩筆好難寫,之後直頭唔知點寫下去!

lala︰你咁樣先啱呀原來,等我改返先!arigato!(公司未舞得掂個羅馬輸入~~)

意粉︰細個學就好囉,依家幾廿歲好難習慣寫日文呀。一定要買本 copy book 至得呀~~

maymay︰加多張金牛添吖唔該!^e^

roy︰katakana 係乜呢?深造班嘅嘢我唔掂個喎!

意粉 said...

少壯不努力,老大 …,哈哈。

仲話自己聰明伶俐點一反三精乖活潑添,katakana 都係初班野咋 ~

意粉 said...

咦 ~ 你啲同學仔都幾成熟喎 ~ ^o^

largeheadboy said...

意粉︰原來 katakana 係片仮名かたかな呀,冇 google 佢添之前!唉,真係幾煩啊呵~~
通常呢,成熟而又好勤力嘅會坐晒喺第一行,後排好多好似無心向學一模一樣嘅妹妹仔呀!^t^

小頭 said...

叮噹(改不了口叫多啦a夢)多種百寶之中,印象最深就是記憶麵包,每逢考試默書都希望世上真有這寶物!

maymay said...

我d金牛俾晒醫生同眼鏡舖啦,仲邊有得淨呀!

lau2tang said...

返學好好玩ne~
我都驚我的日文唔使幾耐就會俾番哂先生!

roy said...

我d日文都大部份唔記得晒......

學埋katakana會好好玩~

意粉 said...

讀依啲 course 通常都唔會無心向學嫁喎(除左劉鄧果個古怪同學),咁你坐第幾排?

小彭 said...

ありがとう > ARIGATOU
片仮名到家下都係我個死穴, 但又成日出現晌メニュー(MENU)到.
我個同學仔唔係呢班, 使唔使叫佢轉黎帥哥班呢?

rempei, 工聯會D課文其實幾好, 夠生活化, 不過佢教動詞文法唔夠深入, 練習機會又無, 讀完好大可能係唔識講個喎!

意粉 said...

仲有,我讀初班個老師都係通常同我地講日文,而且佢啲廣東話講得左歪黎歪斜,我地成班同學初初成日估佢究竟係咪日本人(佢姓陳,個樣又幾似),後來同佢熟左至 confirm 佢真係中國人,不過係外省人啫。

rempei said...

大頭及小彭,我原都想讀中大校外,但星期三返緊另外一個長期course,所以讀工聯會覺得會較為輕鬆一點囉~~~價錢亦較便宜!
不過呢位老師算教得OK,成日係堂上迫我地講日文,但係就唔肯講D課外野~~~~

Ellen said...

工聯會~~我都玩過,睇邊過老師教啦!我以前個幾好呀!

largeheadboy said...

小頭︰記得大雄一次過食咗好多,之後臨出門口就……哈哈!齋食應該好寡,搽牛油花生醬應該好好多!^t^

maymay︰住少晚貴價酒店,仲要揀唔包早餐嘅,應該慳到一兩張金牛喎~~

劉鄧︰我嗰晚返到屋企已經即刻唔記得晒咁濟。あいうえお還可以,之後かきくけこ已經唔知邊個行先邊個行後!

roy︰唔係喎,見你成日糾正呢個嗰個啲日文喎!^t^

意粉︰我坐第三行亦即係尾二嗰行,唔好咁揚。係呢,先生問我地方邊個去過日本 10 次以上,我想舉手架,不過都係低調啲好~~
我地先生個樣同衣着都唔係好似中國人架。

小彭︰係, ARIGATOU!
係喇,又有片仮名,點記得咁多呀!我連平時去大x樂睇唔見個餐牌都唔記得同收銀姊姊講我想買嘅飯叫乜名!
你個同學仔千祈唔好轉我嗰班呀,佢咁強!

rempei︰嘩,上進青年呀~~
工聯會輕輕鬆鬆應該冇咁大壓力,我都唔知點可以在嚟緊三日之內背熟五十音。

ellen︰老師你前前後後讀咗幾多年日文呀?

小彭 said...

我其實讀緊工聯會, 下一期都係繼續工聯會, 因為個老師幾好.
想都SPACE第三年, 不過今日問左三個人, 都無係肯同我讀, 我家下返學係以玩為主, 所以要有人陪. (佢地話要由第一/二年讀起, 但佢地讀日文時間多過我)

largeheadboy said...

小彭︰你讀工聯會都可以一直跟住個老師嗎?
你就輕鬆喇,返學當去玩,我好認真架,雖則我仲未開始溫書。^g^

Ellen said...

老實講~~我返學都係當去玩!同埋keep住有得聽,有得講,有得睇,有得寫,如果唔係好快唔記得,所以平平地輕輕鬆鬆過下日晨,唔好比自己壓力~~

largeheadboy said...

ellen︰我仲未去到你地呢個階段嘛~~
呀,唔知禮拜三會唔會打風唔駛上堂呢?^^

joeyee said...

打風?! 咁快諗住偷懶?!

largeheadboy said...

joeyee︰睇嚟就算打得成都未必掛足一日囉。要溫書啊~~