Tuesday, November 16, 2010

臨別秋波

中學畢業之後,我一直沒有再打過乒乓球,沒想到來到金鐘上班我會再次拾起乒乓球板。這九年來,我們的午間乒乓球隊不斷有新的成員加入,替代一個又一個因為調職或者其他原因退下來的成員。上個星期三,終於輪到我退下來,打過最後一場乒乓球。


除了乒乓球,上星期我也打過最後一場羽毛球。同事知道往後的日子我未必可以經常打球,這晚特別加開一場夜場,大家一口氣打了兩個小時。之後我們一起吃飯,把數百塊的羽毛球基金一次過花光,算是臨別秋波,為我餞行。


明天開始,我會放兩個星期大假。十二月回來,我應該忙於交接工作,然後吃一頓又一頓送別我的午飯,不再有機會拾起球拍了。每個星期兩次在運動場上施展渾身解數的日子,應該從此告一段落。

37 comments:

卡臣 said...

我有去過香港公園運動場打壁球呀

largeheadboy said...

卡臣︰你都好熱愛運動喎!
有一期羽毛球場嗰邊維修冇得打,我地呢班冇波打就身痕嘅都有打埋壁球。諗起以後冇得打波真係有啲愁,打波之餘一齊吹吓水嘅機會都冇埋喇~

ROY said...

我d乒乓球技術都ok架~

naruto said...

放大假有乜節目?出唔出埠?定一次過寫哂D未寫嘅遊記?

ayclui said...

無得在運動場上施展渾身解數...咁大頭咪會愈來愈....

supageti said...

咪搵藉口啦 ~ 灣仔番金鐘好近啫 ~~~ @@

largeheadboy said...

roy︰我以前係滴滴仔,呢幾年 keep 住打進步神速呀,有機會同你打吖!不過我地依家連羽毛球都停埋喇。>_<

naruto︰食吓飯出吓街執吓野咁囉,好耐未試過放咁長假而又唔利用晒嚟出埠。不過假期完結前都仲係會出一出埠,忍唔住嘛!至於遊記哩,應該都未必有時間寫啊~

ayclui︰我呢啲啤梨身型嘅人之後連運動都冇埋,實好快變西瓜身型呀!發愁中~

意粉︰乒乓球隊同埋羽毛球隊都已經搵咗人替我喇,我冇得打喇!同埋食飯得嗰一粒鐘,搭得車嚟都夠鐘喇。我已經哀求啲波友加開晚場架喇~

l.minor said...

我之前都成日去香港公園打波,不過係籃球,可能撞過都唔出奇

乒乓球就小打,羽毛球真頭呢兩年都冇打lu,有時book咗場,d腳放飛機,激死!

largeheadboy said...

l.minor︰你都做好多運動喎又!打籃球好嘈架,試過一半場打籃球另一半就打羽毛球,嘈到聽唔到聲咁濟。我多數喺平日食飯鐘數打,未必撞到啊!

galaxy said...

放假,又去邊到旅行 ?

maymay said...

細細聲講:有人都好鍾意放人飛機架

largeheadboy said...

galaxy︰諗過去上海、北京,最後都係去東京(你一定又會話我成日唔喺屋企)~

maymay︰細細聲講我知,邊個咁鍾意放人飛機呀?

小彭 said...

我覺得你去東京擺明係避開我囉!

l.minor said...

題外話:農曆新年好大可能去大阪,咁我記得你之前寫過鐵人28,跟住再睇下原來你之前巳經去過,好利害呀!

另外,你係咪從事文字工作?總係覺得你寫嘅野好唔同(定係特別?總係睇得人好舒服果隻),哈哈!

Ahming said...

嘩,兩個星期大假!
借問聲你果樹重請唔請人?

largeheadboy said...

小彭︰仲要係你離開咗東京我至飛過去喎!上番嚟搵我最多我請你去 Mo Mo Paradise 吖~

l.minor︰睇得人好舒服?唔好咁大聲讚我喇,我臉紅架!係呀,我真係從事文字工作,靠支筆搵食架!
新年去大阪好開心呀,不過會好貴啊!鐵人 28 幾得架,唔爭在去埋睇高達吖~

ah ming︰早排請咗人喇,下次請早喇~ :p

小彭 said...

我呢邊人多d行唔開呀, 你過黎啦, 我最多我請你茶寮都路里啦!

naruto said...

厠所請阿伯要出聲喎

largeheadboy said...

小彭︰茶寮都路里東京都有喇,你過嚟我請你去小頭去過嘅二星鮨かねさか吖~

naruto︰廁所有空缺不過係義工我諗你都肯啊呵~ :p

小彭 said...

出到二星喎... 我黎到你又咋肚痛, 仲唔知你d野咩!!!

largeheadboy said...

小彭︰又或者話屋企爆渠囉!:p
飛咗喇呵?一路順風呀!唔好蛋我喇~

瘋膏 said...

Hi, 迎接新開始, 加油呀。
做運動有益, 仲要lunch time打波, 好似中學時代。

小頭 said...

大頭哥又唔返屋企...返鄉下,你個廿幾萬円都應該用哂咯呵?!

今次去左三星店喎,請客要不要升呢?

玩得開心d,返來新開始。

Ahming said...

大頭哥:
你果樹幾時請人冼廁所記得通知聲!
我講真架,唔信睇下我個blog

largeheadboy said...

瘋go︰新職應該比依家忙啲,驚會唔慣啊!
中學嗰陣會一放食飯就跑去霸場,依家由於時間關係,我地都係一放 lunch 就跑去打波~

小頭︰上次嗰廿幾萬円淨返十零萬,早幾日忍痛 9.3X 入咗啲,痴線架貴到~
無所謂架,如果堂主肯上嚟,咪講話三星,超三星都無任歡迎架!
仲有幾日出發,但係到依家仲未落實行程啊!煩惱中~

ah ming︰唔係呀!洗廁所好嫌惡架~

小彭 said...

你到未, 等咗幾日都唔見你, 我走架喇~

"原來早上六點在東京成田空港,要找到最快速到達新宿的路線是件很惱人的事~"... lei晒hea啦我, 又眼瞓, 成9點先到上野呀... 好彩我係用空港宅急便咋, 唔係實發脾4掉咗件行李算架喇~

largeheadboy said...

堂主堂主,幾點鐘落機呀?成九點至去到上野咁恐怖?咁即係趕唔到 6:16 去上野嘅京成本線囉?我諗住搭去押上再轉 metro,仲希望八點半前去到新宿,搞呢程都搞咗成朝!
唔好走住喇,過多幾日我就過嚟架喇!

小彭 said...

6點過小小先land架班機, 仲要行左好耐先泊埋去. 過關好少遊客, 我係7:12幫襯宅急便的.

我望住個時間表發呆, 心諗唔係化, 得local, 想搭skyliner都無啦... 不過loacl都照上, 眼瞓呀嘛, 好彩中途都識轉車.

largeheadboy said...

小彭︰咁大件事?我仲諗住點都會搭到 6:37嘅 access 特急添!我唔曉轉嚟轉去架!
瞓唔到呀你?

小彭 said...

唔等你啦... 今日我架機都晌地面行咗10分鐘以上先起飛. 照睇你應該趕唔到啦, 因為仲要搭列車去入境terminal喎. 當你發覺搭咗成個鐘都未行到三分一路程, 你就曉轉架啦~

我好好瞓, 瞓咗3.5hrs, 連眼尾都無望人食咩餐, 不過4個鐘就到, 點都唔夠瞓啦!

largeheadboy said...

小彭︰咁我最後希望就係 7:12,應該得喇卦~
瞓足全程咁開心呀?我瞓到兩個鐘已經好感恩喇!今次訂咗水果餐,有啲期待。
今日你又搭飛機?落名古屋?

小彭 said...

咁你要落機唔好去洗手間直去搭車忍住喇!
你食野又點瞓呀?! 平時我瞓唔到架, 今次都好感恩呀!
尋日落名古屋, 今日去咗第2度喇!

largeheadboy said...

小彭︰我要去洗手間執返啲眼耳口鼻架!咁算喇,到時有乜車就搭乜車喇!
咦,搭埋 cx 我就三間航空公司嘅凌晨機都搭過囉喎,唔知 cx 幾點派餐呢?我會食埋至瞓架~
好紅喇呵你依家嗰度?齊人喇呵?

lau2tang said...

網主執好行李未呀?
玩得開心的呀~
唔使買嘢畀我架嘞,但如果見到有的新出又好啱我ge旅遊書,就買本返黎啦~

largeheadboy said...

劉鄧︰執咗啲衫出嚟咁囉,不過就仲未 pack 野,其實都冇乜野帶喇。notebook 帶唔帶好呢?一陣仲要去飛髮,然後食少少野就入機場個 lounge 食魚蛋麵~ :p
好呀!搵本北海道定邊樹畀佢吖!

小彭 said...

集合完又解散啦~
今日六點幾起身, 十點幾先返去, 超正!
祝你旅途愉快!

largeheadboy said...

onboard soon~

you enjoy the rest of your trip too! take care!