Thursday, August 11, 2011

第六章︰五能線途中下車

終於來到這趟旅行的重頭戲,一連兩天的五能線電車之旅。


五能線是指秋田県的東能代至青森県的川部之間的一段鐵路,全長大約 147 公里,由於有很大段路走在日本海旁,同時前去在 1993 年已登錄成為世界自然遺產的白神山地也很方便,所以五能線一直是條很熱門的觀光路線。


在五能線上上落落,帶着笨重的行李怎樣都不太方便。在 Dormy Inn 退房時,請職員替我們把行李連同笨重的手提電腦一併宅急便到東京。有可以上網的 iPhone,下次來日本就不用帶電腦了。


在秋田站旁邊的 Lotteria 吃過早餐,才發覺隔壁 vie de france 的早餐更吸引更超值。


節電中~


日本不同地方的吉祥物都來支援東北,你認得哪幾個?


行走在五能線上的觀光列車叫 Resort 白神號,共有三款不同列車,分別是青池、橅和くまげら。兩天下來,這三款列車都給我們坐上了。


Resort 白神號每部列車都是由四卡車組成,只有百多個座位,所以在旅遊旺季經常爆滿。幸好我們出發得比較早,從網上看之後一個星期的班次都已經全部爆滿。


我們從秋田出發,坐上由青池編成的 Resort 白神號 1 號。


早幾天在綠色窗口劃位時跟職員說希望坐到海側的 A、B 號座位,但發車後發覺我們的座位好像是山側。其實我們對職員太沒有信心了,列車在東能代會倒轉方向行駛,我們的 A、B 號座位正正就是海側。


Resort 白神號在某些車站會稍作停留,讓乘客下車拍照留念。在東能代我們就停留了十多分鐘,時間除了足夠讓我們把座椅倒轉方向,還可以走到另一邊月台不停拍照有餘。


不過可千萬別忘記了發車的時間,之後在弘前就有一位大叔在月台上拼命地追趕着剛剛開動的列車,幸好及時給發覺列車才即時停下來。


東能代是五能線的起點,也就是說來到這裏五能線之旅才正正式式開始。


東能代的下一站能代也有些搞作,就是在月台上裝有籃球架讓乘客投籃,成功入樽的都會得到小禮物一份。


為什麼能代會跟籃球扯上關係?那就是因為能代工業高校已經拿了 58 次全日本高中籃球賽冠軍,足以令是這個東北小鎮聞名全國。


想不到甚少打籃球的我竟然一擊即中!看,我多麼神氣!


離開能代沒多久,廣闊的日本海就出現在車廂之外,全車乘客即時興奮過來。


Resort 白神號的車窗超大超廣闊,置身車廂之中就好像被外面的藍天大海包圍着。


列車的頭和尾還設有觀光席,讓你飽覽窗外的風光。


101 號國道基本上跟五能線平排貼着日本海一起走,一面開車一面吹着海風感覺一定很爽。


到了十二湖我們又下車了,不過之後再坐上五能線是兩個多小時後的事。

17 comments:

紅米奇 said...

點解我去果次無得玩投藍架, 蝕呀! 雖然我未必投中, 其實冬天唔打藍球咩 ^^, 沿途真是很舒服呢

largeheadboy said...

紅米奇︰好似係逢 resort 白神號埋站至有得玩架,你搭普通車嘛(我有參考你個遊記架)~
有機會冬天再嚟呢度,又有另一番風景。

Jackson said...

都話好鬼正架啦~ 夏天坐真係超嘆~

小彭 said...

我記得千奇百趣有介紹過架!

lau2tang said...

出年我去呢度的話,自駕好吖,定買JR Pass好呢 ?

Jackson said...

100% JR East Pass

largeheadboy said...

jackson︰開頭呢程車幾爆淨係坐喺個位冇四圍走,之後再坐人唔多就周圍巡,睇住咁好嘅風景,真係好 relax。

小彭︰千奇百趣唔會介紹過我啊呵?:p
介紹過能代站呢個射籃呀,miss 咗添~

劉鄧︰坐五能線幾好玩架,不過揸車就自由啲,話去邊就去邊。佢地有隻五能線嘅 2 day pass,都可以考慮架~

卡臣 said...

有無高倉健般的鐵道員?

lau2tang said...

依家就諗出年暑假個行程,好似好誇張啫!

ayclui said...

請問"把行李連同笨重的手提電腦一併宅急便到東京" 貴唔貴呢?

largeheadboy said...

卡臣︰有架有架,不過背後個嘅故事應該唔同~

劉鄧︰仲有聖誕同復活喎,諗咗呢啲先喇~

ayclui︰好似千六定千七円,其實都好抵,唔駛自己抬囉。

maymay said...

辭左份工去搭五能線都好喎~^o^

largeheadboy said...

maymay︰咁又唔駛專登辭咗份工嘅,幾時去得架喇。唔通......

ROY said...

maymay你下定主意喇?

月台有得玩射籃球真係日本仔至諗到~

ROY said...

劉鄧,做司機既要專心睇路,有幾好風景都無暇欣賞喎~

ayclui said...

千六定千七円宅急便好抵喎, 下次又試下先~

largeheadboy said...

roy︰日本仔的確有好多野我地諗都諗唔到呀,我見過有人話架 resort 白神號埋站有居民送上當地小吃添呀!
我諗 maymay 應該就快有得去日本架喇~

ayclui︰其實放 locker 都要四五百円,依家幫你運埋喼都只係畀多一千,真係好划算啊,尤其係唔駛拖住個喼周圍走~