Thursday, December 12, 2013

20131204︰香港~台北~東京

從日本回來不到兩個月,我又出發了。我想我的老闆一定在背後不停地念我,但我實在理不了那麼多,想飛就飛吧!



想過買國泰的 fanfares,但出發日子跟老闆的檔期相撞;也想過坐香港快運,但卻苦惱凌晨過後怎樣出市區。最後,我選擇了長榮,在台北轉機,然後頭尾兩天基本上不停地坐飛機。


出發那天,嘗試以很久沒有刷過的信用卡進入候機室,怎料出了岔子,差點兒令我吃不到這碗魚蛋粉。


飛台北的航班沒有機上娛樂設備,唯一可以做的就是吃。


中午前來到台北桃園國際機場,距離飛東京的航班有兩個多鐘頭空檔,可以做的又是吃。


期間我不斷從電話查看航班的最新資訊,生怕飛機突然提早飛走把我留下。


飛東京的飛機應該是之前從香港過來的那一架,所以繼續沒有電影看,我又只好繼續吃。噢,這塊排骨超軟超好吃!


飛機準時七點鐘降落東京成田空港,通關的過程也非常順利,結果不用半個鐘頭我就已經坐上京成電鐵。


Hotel Mystays 淺草橋是近年在東京留宿的不二之選,高層的房間還有機會遠眺 Tokyo Sky Tree


雖然一整天吃過不停,但到了九點幾一切安頓好後,肚子又餓了,於是走到旅館附近的餃子の王將,吃了頓豐富的晚餐。


飯後在附近散步,順道到不遠處的たいこ茶屋視察環境,準備過兩天來大吃一頓。這家抵食夾大件的食堂近來因曾現身電視劇《半沢直樹》而紅上加紅,還推出了半沢套餐作為招徠。可是不知忙什麼的我,最後竟然忘了過來光顧


都說人在異地總會比較失控,睡前來了期間限定的 opera 雪糕,簡直放縱到極點。


明天行程超級緊湊,還要一早出動,因為我擔心銀杏等不到我都掉光了。


21 comments:

Ah ming said...

又飛~~真羨慕!

the inner space said...

長榮睇來好過中華!



早上九時多的班機,飛台北中正桃園機場,駁機去日本成田,即是早上七時多開始出門,到七時許到成田入到東京酒店,再去王將吃宵夜,一天冇嗮!

l.minor said...

你出發日就係我返黎之前一日,銀杏正呀~

今次你去Gate 4定Gate40?聽聞Gate 40果度裝潢完,大咗又靚咗

largeheadboy said...

ah ming︰通常我堆埋年尾飛,搞到好似成日都飛咁,其實錯覺嚟架咋 :p

space︰好似話中華飛台北早排改提供三文治冇熱食,畀人投訴,結果要轉返提供熱食,不過其實飛個零鐘,唔一定熱食吖。話時話,長榮啲位感覺闊啲,啱我呀。
第一日的確乜都做唔到,最後一日都一樣,朝六晚六,不過中間就叫做有四日 full day 囉。

minor︰你去京阪睇紅葉呵,期待靚相呀!
我呢個係 gate 40,應該就係新開嗰個,好光猛開揚仲有飛機睇,最緊要係可能新開所以無乜人,好過 gate 1 嗰個多多聲。

lau2tang said...

機票平,時間差少少都無所謂啦!
點解可以食咁多餐!?
點解唔寫埋之前的遊記先??
咁多個開咗頭遊記,搞到我呢個忠實讀者都亂晒龍、頭暈呀!

jokelib said...

同上, 不過我自己都唔好得幾多.... >_<

韻味熊貓 said...

飛東京都要轉機,未諗過喎!

the inner space said...

哈哈哈!佛爺講起我至記得 。。。。

滯留台北桃園機場我試過怕怕囉 。。。。個次仲喺搭 CX添,點知架飛機出煙逼降台北,要另派一架飛機來。

等足七個鐘行勻 transit area,在中正機場餐廳,吃了兩餐 CX 派的飯票,到半夜才入到東京。

好在日本仔酒店,有check客人的班機,知道delay,留返間房畀我咋!

the inner space said...

哈哈哈!!!閒來放大你碗魚蛋粉細看,原來也是米粉嚟,兄台是愛吃米粉,還是當天又沒有送河粉嚟呢?

largeheadboy said...

劉鄧︰其實依家有四個 full day 玩,我都好滿意架,仲可以去埋台灣,抵到爛呀!
肚餓咪食囉:p
我成日好想去完趁記憶仲好新鮮即刻寫好啲遊記,可惜每次都事與願違。

jackson︰遊記爛尾至有缺憾美吖嘛,不過我會努力架喇!

佛爺︰有架,亦都可以揀大陸架,通常機票都平啲添。

space︰七個鐘困喺機場都好慘喎,不過呢啲情況就真係無得好講,有餐券已經好好添呀。
你住啲五星級緊係有咁好 service,我住開 cheap cheap 嗰啲我諗一定當我 no show。
好似都有河粉,不過我確係鐘意食米粉,所以淨係會叫米粉。


the inner space said...

哦! 個次喺出 JOB 去東京,公司的 admin asst 經旅行社辦妥一條龍服務,所以他們會跟進個 case,由屋企接送去機場,有貴賓室候機,Up 上 Business Class etc etc。

不過,我都好心慌架飛機,怕修理翻原機飛成田,後來說飛另一隻機嚟 pickup,成九點幾至到 Narita,好彩夜晚搭 limousine bus 去 TCAT,一啲都唔塞車喎,再由 TCAT 打的的去酒店也是公數,所以之後就頂好多嘞!

Cat said...

飛東京果張(第七張)右上角,係咪用隻杯裝住個包呀?

largeheadboy said...

space︰有人照顧晒就最好啊!我今次七點至落機,其實都擔心過如果 delay 就好麻煩,所以就揀十一點至 check in,安心啲。

cat︰係呀,個包本來放喺個餐個錫紙上面,不過我覺得撞頭撞勢咪放佢喺個杯度,下面仲有舊牛油架~

naruto said...

離譜呀,都唔係返工嘅

largeheadboy said...

naruto︰咁我有假放架嘛~

小彭 said...

你呢D根本唔可以叫做爛尾遊記, 根本係好有意識地只係開個頭就走咗去囉!

the inner space said...

咁回程六點要出成田咪好多時間可以去貴賓廳食返個早餐?睇網頁有六個貴賓廳可供選擇播!


哈哈哈我驚你今次又爛尾所以問咗先!

largeheadboy said...

小彭︰你講得好應棍,的確係開個頭就走咗去,呢啲行為真係好唔要得,不過我自己都控制唔到~

space︰醒目呀 :p
我十點機飛台北,無乜時間,無入成田個 lounge ,況且成田個 lounge 無野食得野飲,所以都係留返喺桃園至入。成田有咁多個 lounge 架?我剩係去過 T2 landside 嗰個。
仲有冇關於之後幾日嘅野問埋呀?

Anonymous said...

希望等您繼續寫才問嚕 。。。。。唔好爛尾喇!



sPace

l.minor said...

Gate40附近果個未去過,下次要幫襯下先得

largeheadboy said...

space︰有喇有喇,終於嘔到啲出嚟喇~

minor︰咁你就快啲又飛過喇!