Wednesday, July 26, 2006

放假回來後,突然覺得每日 24 小時很不夠用!除了公司有做不完的工作外,下班後也要忙着上載相片和寫遊記,希望趁記憶還新鮮時記下一點一滴。

各位友好,很高興告訴大家我已成功在 travellereyes 上載了兩本相簿,行開行埋可以過去睇睇,係會員嘅話麻煩替我加分,因 quota 所限已忍痛刪了很多舊照片。聽晚活動係寫遊記,時間表已填得密密麻麻。為了盡用時間,今晚晚飯是麵包!

15 comments:

supageti said...

That's why 我寧願在途上做遊記,免得回家後太辛苦!

largeheadboy said...

嘩,去到邊都見到你!
唉,睇黎 notebook 唔少得了!

supageti said...

哈哈 ~ 要巡視業務嘛!

你o既 dinner 都好正吖!

largeheadboy said...

是上環 casa patisserie 麵包店的芝士法包,回家後用焗爐番熱再加上牛油。可惜沒有湯!

巡視業務之餘要幫人加分呀!

貝拉 said...

原來已寫了遊記,等我去睇下先..

lau2tang said...

我都很喜歡麵包當一餐,尤其是旅日期間,有幾日的午餐,我們都是食麵包,日本的麵包真的好好味!

小彭 said...

等你的遊記分享呀!

largeheadboy said...

遊記才寫了半天
希望聽日可以喺公司偷吓雞!hehe

劉鄧,我地係名古屋高島屋樓下買咗巴黎名店 fauchon 嘅麵包,好得!

lau2tang said...

我都未去過名古屋,唔好引我啦?要儲錢給亞囡讀書吖!

largeheadboy said...

劉鄧,咁仲去咁多 trip!

supageti said...

大頭仔,前日已一次過幫你主頁相簿遊記全加了滿分,依你家陣o既排名,仲要努力 d 投入 d 至升到四星啊!

小妹 said...

大頭仔,
嘻嘻~我都在TE加晒你十分了!借問聲名古屋高島屋樓下的Fauchon有茶葉賣嗎?THX!

lau2tang said...

你唔係講過"Work hard, play hard"咩,做得咁辛苦,一定要放鬆吓!所以錢照搵,旅行要照去!

largeheadboy said...

劉鄧,
我開始替你囡囡未來三年大學學費擔心!

sugapeti,
好感動呀!多謝你呀!不過我都知上四星好難,但係又唔想再刪相啦!

小妹,
真係萬二分感謝!高島屋的 Fauchon 唔覺眼有茶葉。買兩個麵包都比一個高級靚紙袋我地抽,好上等人!

另外,遊記正式登記啦!

lau2tang said...

唔洗擔心喎!最多向有牌大耳窿借錢!話時話,現在學生資助辦事處的專上學生免入息審查貸款計劃的利率是7.359%,都幾貴!拍得住銀行的私人貸款。