Thursday, July 10, 2008

我的悲慘世界

這次出發往歐洲之前,有想過在倫敦看音樂劇 Les Misérables 《悲慘世界》,但可以撥出來的晚上就只有星期日,也就是在 West End 上演的音樂劇每星期的例休日。《悲慘世界》最後當然看不到,怎料到我的悲慘世界卻由此開始。

6 月 21 日倫敦,夏至當日訂了當地旅行團到 Stonehenge ,希望在日照最長的這天去看這充滿神秘色彩的石柱群。上了旅遊車,導遊小姐才說 Stonehenge 聚集了大批信奉神秘力量的人士在慶祝,警方因此封鎖了附近一帶的道路,車輛無法駕近,所以這天要改去別的地方。其實每年夏至 Stonehenge 都會有很多人從四面八方湧過來,通常下午路道就可以重開,可惜今年因為閏年關係人潮特別多,據報直到下午路道還是封閉。我們只好嘆選錯日子吧!最後我們改去 Avebury 參觀另一個石柱群,當然規模和知名度都低得多,搞不清楚還以為是堆填區。



6 月 26 日馬德里,晨早起來赫然發現已經是 7 點 25 分,距離預訂了的火車開出時間只有 25 分鐘,嚇得我像個瘋子四處亂跑,因為趕不上這班車不但賠上金錢,整天的行程更要泡湯。為什麼我會這樣大意呢?原來由於倫敦和馬德里之間有一小時時差,我忘記了把鬧鐘撥快,原本計劃在六時多就起床,現在就足足遲了一個小時。忽忙梳洗過後,我們就奔跑到街上截的士。最後總算吉人自有天相,在最後一分鐘我們還是趕上了火車,才可以遊覽唐吉訶德風車村 Consuegra 和歷史古城 Toledo ,不過那 25 分鐘實在令人驚心。




7 月 2 日阿維儂,早上看過薰衣草和太陽花後,下午到了 Arles 這個因梵谷而聞名的小鎮。




每年夏天逢星期三在 Arles 的鬥獸場內,更會有鬥牛表演,我們適逢其會,看了四五個回合才捨得離去。八時多回到車站準備乘火車回阿維儂,才知道路軌發生火警,列車暫停行駛,就這樣我們被迫滯留在車站。雖然阿維儂和 Arles 相距只有廿分鐘車程,但難道我們要走路回阿維儂嗎?在月台看着天色慢慢轉暗,我們開始擔心這晚要在月台度過。一個小時後,不知從哪裏駛來一輛列車,目的地正正就是阿維儂,我們總算獲救了。



以上那些都算是碎料嗎?最悲慘的,可是由 7 月 6 日由佛羅倫斯出發往羅馬開始。這天早上準時到達火車站,才發覺預訂了的火車要延遲開出。我們在羅馬的時間已經不多了,現在還要因為交通問題而縮短,心情難免有點不快。令人氣憤的,還是下一班開往羅馬的火車都出發了,我們還站在大堂內呆看着頭頂的列車看板,等待着我們的列車在什麼時候才到站。最後,我們的羅馬假期縮短了一個小時。



這天下午還發生了一樁非常倒楣的事,害我們要到警局去,差點兒還要上中國領事館求助。也因為這件事,我們都很討厭羅馬這個地方和意大利的警察。

晚上吃過飯後已經接近十一時,走到地鐵站竟然發現列車服務已經終止,我們不得不花百多塊錢乘的士回到旅館。這個究竟是什麼樣的城市?地鐵在十一時就收工?還是那一句︰都是香港好、都是日本好!

7 月 7 日,繼續是羅馬。早上打算到梵諦岡參觀,但走到地鐵站,又發現重門深鎖。向途人一問,原來這天意大利大罷工,不單是地鐵,連巴士和火車都全部停駛。我們投降了!既然沒有地鐵去不到梵諦岡,再加上我們都對這個地方沒有好感,倒不如早點到機場等待傍晚回倫敦的航班吧!就這樣,我們唯有拖着重重的行李,在烈日當空下走了三個地鐵站。幸好這天機場列車沒有停駛,否則真不知道怎樣逃離這個鬼地方。



滿以為只要離開意大利一切衰運就會過去,上了飛機怎料機長又說倫敦天氣惡劣,飛機暫時不可以起飛,要停留在跑道上。這回可急壞我們了,因為我們要乘坐緊接回香港的飛機,稍有差池,我們就會滯留倫敦。最後,我們在飛機上乾等了足足兩個小時才起飛,而當我們到達倫敦時,回香港的飛機已經開出了。

機場替旅客訂位的櫃檯準時在十一時關閉,我們這一大批趕不上飛機的旅客即時起哄。地勤人員就向我們說可以上網、打電話或在早上五時櫃檯開放時再次訂位,又着我們到車站等候巴士接載我們到酒店去。在別無他法下,我們唯有再次進入英國國境。死臉的關員問我們打算留在英國多久,我就回答說越短越好。



在車站等了將近一個小時,巴士還沒有來,然後我們在想,即使這刻巴士來了,到達酒店也已經是凌晨兩三點,而且回程機票還沒有辦妥,怎可以放心休息。於是我們就決定不去酒店,留在機場等到早上五時就馬上到櫃檯訂位。我們像其他人一樣,找來機場提供的膠地毯和毛巾,躺在冰冷的客運大樓內睡了兩個小時。



是幸運吧?我們在早上六時終於訂到中午經北京回香港的機票;在北京時,更碰上 ANA 的熊貓飛機。




現在終於回到香港了,回想這幾天的遭遇,我仍然有想哭的衝動。那時候,我不時在想更壞的事情可能陸續有來,說不定飛機中途出了意外,我們永遠都回不了來。



總結近三個星期的行程,雖然也有很多很難忘很快樂的回憶,但我相信我下一次至下四十次旅行的目的地,都只會有一個。

34 comments:

lau2tang said...

可憐的大頭~~
你現在明白我的「堅持」了吧~~

naruto said...

D相好靚喎,都係收獲呀

supageti said...

OK 悲慘啦,過去左唔好咁愁。^^

冬冬 said...

係意大利發生左咩事﹖ 唉o也﹐你真係唔好彩﹐居然會撞上罷工﹐我好鍾意羅馬呢。。。

旅行時交通延誤的確好掃興﹐我上次去意大利時都係咁﹐趕唔切轉機﹐最後係德國機場浪費左好多個鐘頭。。。跟住回程時班機更被取消!唉~~~~

小菜心 said...

大頭仔叔叔:
辛苦你了!你番到黎香港總算係萬幸呀!

roy said...

最重要係平安返到黎~

一年去四次都要十年先去到四十次喎......

largeheadboy said...

劉鄧︰一樽可樂要 3 歐羅,小一小便又 0.5 歐羅(好彩佢信我當時身上一毫子都冇),我諗我知道邊度最啱我~~

naruto︰相靚有乜用吖?心情唔靚事大啊!今次拍咗成 10 G 相,好彩有帶電腦,唔係實唔夠卡用。

意粉︰我都想過咗佢就算,但依家又要搞保險,同埋我諗住嘈下 ba 呀!有排煩呀!

冬冬︰羅馬實在太得人驚喇,之後覺得個城市好唔安全,連警察都好似賊咁。不過 florence 同你冇去嘅 siena 好得!
我覺得 ba 係因為 overbooked 得太緊要而特登唔起飛等我地趕唔到機返香港,因為 heathrow 有大把人從不同地方過嚟都一樣趕唔到,理由仲個個唔同。我地去到 heathrow 好天到吖!

小菜心︰咁早起身照顧妹妹呀?^_^
原本回程時諗住冇時間在 heathrow 行 harrods 買嘢,依家有大把時間呀!

roy︰我都咁樣安慰自己,破財擋災,自己冇事平平安安就最緊要!
一定要勁去日本呀,我要彌補返我嘅創傷呀!

小彭 said...

總算平安回來啦! 過左去便算... 我講就容易...
唔知點解, 如果以上種種事情發生晌日本, 我會看成為一些刺激又有挑戰性的經歷, 但換了另一個地方, 又是另一回事.

小妹 said...

我相信你的黑運一次過在歐洲過晒o架啦, 以後就大把好日子你過, 好好enjoy啦. ^^

lau2tang said...

嘈下 ba ?
咁我祝你好運啦!

galaxy said...

這些就係自助旅行的經歷,就當係體驗喇, 相信如果唔使趕住回港返工,可能心情會好過些。

Ellen said...

大頭叔~~
暑假要跟老師去日遊嗎?

小頭 said...

最緊要平安,衰野過晒去啦,快快計劃下次日遊會開心番。

小菜心 said...

咁你一定幫媽媽買到 D 野啦!

Ah ming said...

只可以講:如你座的是頭等,以上事情就不會發生…早話座英航唔好喇、你又唔信!

歐巴桑 said...

好慘呀!不過最緊要係人無事!
咁辛苦都過到以後去旅行無嘢可以難到你架啦^_^

largeheadboy said...

小彭︰我都想過咗去就算,但係點都有啲嘢“銀”住“銀”住,仲未可以釋懷。
意大利,尤其係羅馬,我應該唔會再去。

小妹︰承你貴言喇!其實真正的衰運是在最後兩三天才出現,也幸好係最後兩三天,如果一開始就出現,我諗我真係捱唔到之後嗰三個禮拜。正面睇,可能是件好事。始終,你不可以奢求好運永遠在你身邊。

劉鄧︰就算冇用我都要嘈下,佢地實在太過分喇,當係發洩下都好!我仲有諗過寫信去西報度嘈架!

galaxy︰真係呀,如果第二日唔係即刻要返工,心情又可能有啲唔同。北京,我十四年冇去過,也算是舊地重遊吧!

ellen︰我今日 check 過 ,暑假最後一個禮拜機票就唔再係旺季,咁啱呢個禮拜係十月前我唯一可以放假嘅機會,真係好想走一轉呀!你地飛嗰期,畀我老細霸咗喇!

largeheadboy said...

小頭︰我今日真係即刻 check 下日本機票嘅行情,我要向東北走一轉沖淡今次咁唔好嘅記憶。

小菜心︰madam 話想下個禮拜探下妹妹咁喎,到時睇下有冇貨收囉!到時你仲要畀金魚叔叔搣下臉仔架!^_^

ah ming︰佢地平吖嘛,我又貪平~~~
我呢啲呢世都唔會有頭等坐嘅人,只可以永遠都唔坐 ba。

歐巴桑︰係,人無事真係最緊要,不過我會繼續覺得自己好慘,直到我爭取返我應該得到嘅。^u^

rempei said...

大頭,welcome back!

看了的的文章,我可以感受到您在這最後幾天旅途的不安及怒憤。
其實我們喜歡自遊行,唔多唔少都係享受一些旅途上的特別經歷,返到來可以與各人分享,最緊要係安全到步!

Ellen said...

1早叫你跟我地去啦!

lala said...

冇穿冇爛,唔好喊喇,乖~

八月尾去走一轉啦!

小彭 said...

我都試過去完日本返黎同自己講以後都唔去啦, 宜家咪... 拿拿聲去日本兜一轉, 包你成個人精靈番晒!

光.軍 said...

HeyHey WELLcome BACK :D 雖然後段行程有失誤.但都完成整個Trip.就在沒有預測之下可感受一下當地文化(警察處事.拖行理坐地鐵)都係一次新體驗呀.當然諗飛機出事就唔好再有下次喇.影響旅遊心情就唔好啦 :) 現場睇鬥牛係咪真係好刺激緊張o既呢?

largeheadboy said...

rempei︰羅馬嗰兩日真係好唔開心,去到鬥獸場都冇心機行,之後知道去唔到梵諦岡都由得佢喇,只想早啲返香港,點知又在機場出事,真係陰公呀!
今次返到嚟,跟平時喺日本返嚟完全唔同,沒有興奮沒有感覺。唔得呀,真係要去轉日本至得呀!

ellen︰八月跟唔到你地喇!睇下十二月得唔得喇~~

lala︰希望今晚返娘家食飯姐姐會帶埋佢隻狗狗嚟逗下我笑喇!
八月尾,希望仲有位喇!搭羽田都好喎!^_^

小彭︰咦,乜你都曾經話唔再去日本架?
係喇,我今日仲吽吓吽吓咁,冇乜精神,當然天氣都有啲關係嘅!
我知道我去完日本返嚟一定精神爽利!^t^

光.軍︰呢啲體驗真係唔要就擺喇!
鬥牛幾好睇架,啲鬥牛勇士徒手去挑釁啲牛,然後畀佢地追,好刺激吓。不過啲牛有時唔想追想返屋企佢地又唔畀佢要佢繼續追,都好慘架~~

Anonymous said...

Does not matter. The most important thing is to come back safely. When is your next trip to the "Holy Place"? I mean the place starting with "J". Ricky

rempei said...

睇黎真係要去返轉日本先至可以彌補返今次歐遊的創傷!
但您有咁多假期咩?

lau2tang said...

Rempei,
大頭哥哥啲假多到滿瀉~~
超羡慕!

largeheadboy said...

ricky︰我真係覺得返到嚟已經好好架喇!最尾嗰晚住的旅館我仲懷疑過係黑店,夜晚瞓覺我直頭攞個喼頂住個房門呀。
我都唔知呀,睇吓夾成點先喇,不過八月尾係其中一個 option。

rempei︰話時話,我啲假又真係幾多架!:p

劉鄧︰我假係多,但係唔可成日放唔係會畀人覺得我可有可無吖嘛(雖則呢個係事實 ^_^)!

supageti said...

第一眼睇,仲以為 "Holy Place" starting with "J" 係 Jerusalem 添,哈哈 ~

naruto said...

心情好D未?
你真係好多假喎

largeheadboy said...

意粉︰要去朝聖,對我來說現在只有嗰個!

naruto︰驟眼睇,以為你話我好假添!^_^
今次創傷無論心靈上物質上都算幾大,諗返起自自然有啲唔開心。要買盒花師奶睇笑返餐至得。

ashlee/ 魚 said...

glad you are back home safe,
in fact, i am quite enjoy reading your interesting post... keke..
from a new comer here :P

Ellen said...

反正D人覺得大頭叔可有可無,再放假有咩問題!

largeheadboy said...

ashlee︰你好!其實我也看你的網誌有一段日子了!順道補祝你們兩周年快樂!^_^
吓,呢篇係慘情作品喎,好有趣嗎?:p

ellen︰話就咁話啫,有啲人都仲以為我好重要架嘛!^r^