Tuesday, February 06, 2007

相聚一刻

認識金沢,全因為一套二十年前改編自高橋留美子的漫畫《めぞん一刻》(港譯《相聚一刻》)。



《相聚一刻》講述重考生五代裕作為應付大學入學試,遷進一刻館居住,與公寓管理員音無響子和一眾住客所發生的故事。性格優柔寡斷的五代裕作暗地裏喜歡了對亡夫念念不忘的音無響子,其間遇上情敵和其他住客有意無意的破壞,令他們的愛情道路波折重重。

故事有一集便講到音無響子因為誤會了五代,走到金沢散心去,當五代知道後便即時追隨到金沢去。



兼六園是日本三大庭園之一,也是金沢其中一處遊客必到的地方。

當時響子和五代都同在園內參觀,五代在四處找響子,而響子則不時看到五代的身影,但只是以為自己眼花,沒想到五代真的會在這裏出現。



結果一前一後,他們最終沒有在兼六園相遇,要到了晚上他們才在旅館的溫泉遇上。



年紀小小的我那時候在同學介紹下每星期都追看這套長達 96 集的卡通片。五代裕作優柔寡斷的性格的確引起不少人共嗚,因為在年輕的時候,誰不曾悄悄喜歡上別人而又不敢表白呢?

因為《相聚一刻》,我一直以為金沢只是個泡溫泉的鄉下地方,沒想到金沢原來是日本北陸最大的城市,除了兼六園之外,也有很多值得一看的地方。





最近日本朝日電視台便拍了真人版的《相聚一刻》,更找來愛馬仕小姐伊東美咲扮演音無響子。相信到了電視劇開始播映之時,將會再掀起一陣《相聚一刻》甚至金沢的熱潮。

噢,伊東美咲泡溫泉,應該幾有看頭。

順道給大家重溫斉藤由貴主唱的《めぞん一刻》片頭曲《悲しみよこんにちは》。

10 comments:

Anonymous said...

那時覺得套愛情卡通片悶,小時只喜歡打打剎剎的卡通。

Anonymous said...

一 d 都唔悶架,可能當時我情竇初開吧(想嘔!),而且仲好搞笑添!打打殺殺的我只愛龍珠。

supageti said...

我都好鍾意睇相聚一刻,不過好似無睇晒,最正係四谷!

Wordy said...

無記去白川鄉拍劇,日劇又去金沢取景,中部、北陸這條線或牽熱潮。

作為觀眾,很不喜歡裕作。或者我某方面早熟,不愛拖拉。是故兩年也打不完一架的《龍珠》亦不算「賣飛佛」 :P

lau2tang said...

為怕白川鄉成為港人淪陷之地,我得盡快起行了!

大頭仔,
這篇寫得頗感性喎!似有所指呢!
我對《相聚一刻》個故事完全陌生,只記得播出的時間是傍晚五、六時,那段時間一是不在家,否則必然在廚房做飯!

Anonymous said...

大頭仔:想當年我都好鍾意睇呢套卡通,不過最鬼討厭男主角想開口又唔開口既時候! 你寫這篇文章寫得好好, 又有卡通插圖, 令我回憶起童年, 多謝分享....

Anonymous said...

意粉︰四谷先生真係好搞笑,佢既來歷始終是個謎!
不過我又唔係咁鍾意個結局,始終覺得裕作的荳芽夢有些遺憾好一點(很變態!)

wordy︰裕作優柔寡斷的性格當然不太好,但面對著感情事,有時真不能話一就一話二就二。
《龍珠》早期即係悟空和無限仲係細個時好好睇,早排電視重播都忍唔住看了一會。

劉鄧︰我呢篇一 d 都唔感性喎,性感就有 d ^c^
我記得《相聚一刻》在無線首播時是在暑假早上,暑假完後便只在周六早上播,之後重播就沒再看了。
就快暑假架啦,等多陣啦!

貝拉︰《相聚一刻》是我最喜歡的卡通片,我有齊漫畫同埋 vcd 架。
唔知道真人版會唔會跟足原著呢?

Anonymous said...

上次睇touch真人版令我好失望,唔夠卡通片咁好睇,希望今次會好d掛!

largeheadboy said...

touch 反而我冇乜點睇過添。
不過呢次真人版有伊東美咲應該會幾吸引,況且我覺得她很合適啊。

Lawrence said...

相聚一刻係我最喜愛既卡通, 當年自己大約是13, 14歲正直開始想拍拖年紀(依家一輩肯定笑我地, 咁既年紀仲只得個想字?)

印象最深係裕作求婚果集, 響子講左句說話真係好touch,佢只希望裕作比好活得長,不要再令佢孤孤單單, 當時聽完鼻都酸埋 :~~


響子簡直是心中理想女朋友既款 (當然...世事往往同理想有出入,依家老婆都唔係咁. haa.. 但佢都非常好!) 我有儲漫畫, 海報, cassette 帶,無線版動畫都有錄影,可惜後來去左外國讀就停左, 後來搵左好耐都搵唔返無線版全套 :((( 現在留幾隻字吧。希望有同好的朋友, 大家一齊集體回憶一下!!