Saturday, February 03, 2007

煨蕃薯之香

入冬後,某天乘地鐵經過佐敦站,車門一打開,整個車廂突然充斥着一陣濃濃的香味。仔細咀嚼,想一想,原來是久違的煨蕃薯香味。心想車站外應是有一檔賣煨蕃薯的小販攤擋,每日將濃烈的香味由地面傳送到地底,令冰冷的車箱充滿了冬日溫暖的感覺。

現在每天乘地鐵下班,只要聞到煨蕃薯的香味,我便知道已經到了佐敦。

這天傍晚,我在佐敦站下車,跟隨着香味的源頭走,終於給我找到這賣煨蕃薯的攤擋。





看來這攤擋生意不錯,只可惜這天不太餓,否則我也會買它一個一面走一面吃。

21 comments:

lau2tang said...

你專程在佐敦下車,追蹤香味,找到了,但又唔幫襯!真奇怪!

supageti said...

香味由路面傳到入車廂?會唔會誇張o左少少?

大頭仔 said...

劉鄧︰其實那天約了朋友在佐敦,不是特登在佐敦下車找煨番薯啊 ^v^

意粉︰真架,搵日你搭地鐵經過你就知架啦,冇呃你架,仲要香得好緊要!

lau2tang said...

咦?你換了新版面la?
Any comment ?

supageti said...

係呢,大頭都轉左新版喎,呵呵 ~

largeheadboy said...

見佢成日叫我轉
咁今日得閒就轉咗佢囉
都幾好玩喎,字和背景都可以任轉顏色
而且個 template 可以唔駛用 html ,方便好多
不過 load 相仍然經常失敗
劉鄧,你也轉啦!

supageti said...

但你個新版面唔多好睇播,俾少少心思執靚 d 啦!

largeheadboy said...

意粉︰我耐性和資質有限
轉到新版已經係我極限啦
況且依家簡簡單單幾好呀
等我有閒情才慢慢加多啲花臣嘢啦 ^t^

lau2tang said...

我無時間慢慢摸,所以遲啲先至轉!

largeheadboy said...

其實唔駛好多時間架咋
尋晚用了一個鐘左右
今日又用咗半朝揀顏色字型和範本
轉啦 ^d^

supageti said...

咁簡單,駛唔駛攪咁耐呀?

劉鄧:其實如果你唔係改用新版面(template),轉版係咩野都唔駛做嫁,頂多兩三分鐘就攪掂。轉版後如果你唔用新加o既功能,做o野時亦唔會有太大改變,最大分別係無o左 compose 功能。

supageti said...

仲有,轉版後你會發現 upload 照片速度同效率都好明顯好好多,一次過 upload 三十幾張相都無問題。

Wordy said...

補充:
Compose 功能在「控制主頁」中,於「設定」下「基本」的「全球性設定」,有一項叫“顯示你所有 Blog 的〔撰寫〕模式”。選「是」,就能加上 Compose 功能。

大頭仔 said...

意粉︰我轉版面之後有些中文字和日本字變了怪獸,要執返好佢地嘛!點解我上相仲好似好有問題既?

wordy︰其實我都唔知道 compose 功能是怎樣的,要慢慢研究下先 ^f^

supageti said...

尋晚轉版的 blog,已自動加上 compose 功能,不用修改設定。

Wordy said...

為解決/預防怪獸字問題,我轉版前先 copy and paste 原來範本的 html 到 word。轉版後也出事,copy and paste 原來的文字過去就成。

lau2tang said...

講到尾我都喺懶!^.^

貝拉 said...

好喜歡在寒冬之下吃煨蕃薯,最好有埋飄雪仲perfect!

大頭仔 said...

劉鄧︰見意粉同 wordy 比左咁多貼士過你,轉新版應該不會太麻煩的,順便可以改下形象嘛 ^u^

貝拉︰一碗薑汁蕃薯糖水對我都已經好得架啦 ^$^

貝拉 said...

大頭真識嘆...

largeheadboy said...

加多粒湯丸仲好 ^c^