Tuesday, January 04, 2011

20101129︰湯田中渋温泉郷

離開小布施,跳上前去湯田中的長野電鐵A特急列車,這次終於佔據了展望席的最前排,只是這裏不是車頭而是車尾。


湯田中是長野県有名的溫泉區,區內有多個溫泉鄉,這晚入住的渋温泉郷算是名氣比較大的一個。宮崎駿電影《千與千尋》裏面的澡堂油屋,據稱就是以這裏有二百多年歷史的金具屋為藍本。住在渋温泉郷還有其他好處,就是可以免費享用這裏的九個外湯,前去地獄谷野猿公苑也十分方便。


從湯田中坐巴士到渋温泉郷只需幾分鐘,印象中年多前網友鳴門是走路過去,路程應該不會太遙遠。正當我們在研究應該向哪裏走,一位義工走來主動給我們幫助。我們按照他的指示,沿着河邊走,十多分鐘就來到渋温泉郷。


春蘭の宿 さかえや是渋温泉郷眾多旅館其中一家人氣之宿,各方面的評分都很不錯,房租也十分合理。


為了省錢,除了夕食的主菜棄信州牛選了信州豚之外,我們還住進房間沒有翻新的東館。在一分錢一分貨的道理下,我們對房間都沒有什麼投訴,只是電視仍舊是厚厚的顯像管型號罷了。


看鬆弛熊跟經常在這裏出沒的猴子相處得這樣融洽,就知道大家對這旅館都很滿意。


這兩三天一直馬不停蹄四處走,到了這刻終於可以稍稍停下來,浸泡在熾熱的溫泉水中盡情放鬆。


沿溫泉街往上走,很快就會來到很有氣勢的歷史之宿金具屋。不過如果外面不是有一半地方給新館阻擋了,這家以木建造的旅館名氣一定更大。


別的地方有熊出沒注意,這裏就有猿出沒注意。


走到溫泉街上面的御利益散步道,就看見有猴子在民居中四處亂闖。這頭原本在天台發呆的猴子發覺給偷拍了!


拿着旅館的百合鎖匙,可以到溫泉街上的九個外湯浸過夠。不過我們覺得每個外湯都很小,也懶得脫脫除除那樣麻煩,最後一個外湯都沒有浸過。


九番湯渋大湯上面的足湯反而就浸了一會,不過水很熱啊!


在溫泉街上看見有無料的康樂室,玩了一會兒卓球才回到旅館準備享用今晚的夕食。


春蘭の宿 さかえや的夕食以創作料理聞名,這晚我們吃的東西都寫在餐牌上。旅館很細心,還給我們預備了英文餐牌。


我的姓氏可沒有“欠”在旁邊,要記住啊!

很多時候溫泉旅館的夕食都是很大堆頭的放滿餐桌,不過事後對吃過什麼往往都不會有太深刻印象。這裏每道菜逐一奉上,讓你可以慢慢品嘗,而且每道菜都很好吃,最後的蕎麥布丁我們更是讚不絕口。


一人一大瓶啤酒,令我們像洩了氣的氣球,回到房間什麼氣力都沒有,沒有精神再泡溫泉再看電視,倒在被鋪上沒多久就睡到不省人事。

30 comments:

naruto said...

浸泡在熾熱的溫泉水中盡情放鬆>>>>睇錯左以為係“浸泡在熾熱的溫泉水中盡情放屁”

小妹 said...

猿出沒注意! 好驚呀~ 呢度我一定唔去得囉...

largeheadboy said...

naruto︰嘿,邊度有咁多屁放喎~

小妹︰呢度啲馬騮好和善架,人唔犯佢佢就唔犯你架喇!

卡臣 said...

電影中都睇得多
點解溫泉要打桌球(ping Pong)?

TY said...

呢度都好似幾舒服喎! 日本真係有太多地方想去啊!

lau2tang said...

年紀大真係有好多嘢改唔到~
我唔擔保下次會唔會又錯番同一個錯誤架~
總之,有得住就算啦!唔好要求咁多啦~

maymay said...

你就好啦有好野食,我果餐溫泉旅館夕食真係唔想提呀~~>_<

小彭 said...

d馬騮好得人驚~

歐巴桑 said...

間康樂室好政府渡假營feel~~

largeheadboy said...

卡臣︰卓球唔同桌球,卓球喺日文係乒乓球。我都唔知點解啲浸溫泉地方好多時都有乒乓打,可能唔係咁佔地方啩~

TY︰長野好鄉下好寧靜,度假去住下行下真係好正。係喇,日本仲有好多好多地方想去或者重遊啊!

劉鄧︰咁名正先至言順吖嘛,人地明明都無拖無欠架嘛~

maymay︰咁大件事?你要求高咗啲咋啩?不過都好彩我冇去箱根,長野我覺得 c 服好多呀~

小彭︰係呀,佢地啤住你呀!

歐巴桑︰啲枱腳仲要唔平要用野整高佢呢度好搞笑~

joeyee said...

依家加左500yen呢.

largeheadboy said...

joeyee︰你都好留意行程喎!想住呢間?不如試下金具屋吖,又或者佢對面嘅古久屋吖,好似都有好多個湯浸架~

lau2tang said...

唔怪得我成日會記得加"欠"啦!
原來係潛意識你欠我好多咁解!

l.minor said...

雖然你話好鄉下,不過好舒服咁喎~

高炒鬆弛熊同猴子?無野睇嘅?

你又飲啤酒,飲到不省人事,哈哈!

laulong said...

寫得很有情味啊,春蘭の宿,好有情調的名字!

ayclui said...

我兩餐都係部屋食...果九條湯真係太原始啦...我頂唔順無浸到.

largeheadboy said...

劉鄧︰事實上我都真係欠咗你好多好多~

l.minor︰鄉郊生活對我地呢啲城市人點都有一定吸引力。
高炒鬆弛熊同馬騮無野睇?咁你想睇啲乜野呢?
唔知衰,第二日落返新宿又繼續飲過~

laulong︰我有個中學同學同呢間旅館個名一樣,我諗如果佢嚟呢度住一定好有感覺啫~

largeheadboy said...

ayclui︰部屋食要畀貴幾千円啊!
之前去過都係喺長野嘅野沢溫泉,都係有好多個湯任浸,但係唔似得呢度嗰啲咁細咁簡陋,所以都有去浸過兩三個。呢度我寧靜返旅館舒舒服服咁浸。城崎嗰啲更加唔駛講添喇~

lau2tang said...

哎呀!又唔好講得咁嚴重,都係啲飲飲食食嘢啫,我都無諗過要同你計。

lau2tang said...

咁凍ge日子,如果係城崎就好囉~

小彭 said...

好想浸個溫泉, 再食個拉麵, 再浸~

largeheadboy said...

劉鄧︰你年中畀我嘅分都唔少啊!
舊年呢個時候去城崎超大雪啊!咦,遊記仲未寫到添~

largeheadboy said...

小彭︰一係去啲室內暖水池浸下囉,然後出去食返串魚蛋燒賣,我諗都有七成似架~ :p

lau2tang said...

係啦!咁多個溫泉街,唔知點解,我就最鍾意城崎~

largeheadboy said...

劉鄧:咁就唔駛煩年尾就去城崎温泉喇,你呢度未見過落大雪吖嘛

lau2tang said...

年尾住城崎,好貴架喎!
係咪你津貼我先?
不如我約你去東京增上寺倒數吖?

小彭 said...

邊個室內暖水池有40度水溫先? 有咪約埋一齊囉, 之後燒賣魚蛋我嘅~

largeheadboy said...

劉鄧:有平有貴啫~
好呀,去放氣球應該都好好玩啊!

小彭:走去個出水位我諗可以整温泉蛋添呀!

Anonymous said...

我4月會去日本, 諗住揀渋温泉郷, 請問你由湯田中駅去渋温泉郷,係行去定搭巴士呢?需時幾耐?

largeheadboy said...

我地喺湯田中駅行過去渋温泉郷,行咗半個鐘頭左右,一路行一路睇風景,感覺好唔錯,不過條路有小小暗斜架~