Monday, February 02, 2009

怎樣做?

我是個很懶散的人,即使對着自以為很有興趣的日語,我都可以只顧着嬉戲而不肯花太多時間溫習。正因為這樣,到了現在我還未搞好最基本的五十音。剛過去的周末,我就幾乎為了這個星期的日語考試而想到輟學。最後,為了不想浪費這幾個月來的功夫(雖然不是很多),也不想丟下被我拉下水跟我一起報讀的書友仔,這天下班後我還是乖乖躲進我的私家自修室,溫習了接近兩個小時。


這幾天喉嚨很不舒服,痛得連說話也有困難。昨天晚上睡在床上,我想我應該咳了足足一個小時最後因為太攰才能夠勉強入睡。晚上乘車回家,我在想或者應該要去看看醫生好了。很幸運,我剛好趕及醫務所關門前做了今天最後一位病人。


這兩個星期我一直為應不應該在二月再訪日本而煩惱,即使住宿已經訂妥了,我還是拿不定主意,因為我覺得才剛剛回來不久又再次出發真的有點過分。雖然上星期已經訂了機票,但今天我還在猶疑,我會不會太過衝動呢?明天就是出票的最後限期了,然後今天早上,我收到 priceline 送上的現金券。


打開家門,傳來一陣陣水仙花香。在年初八的這天,這盆水仙花終於盛開了。

38 comments:

maymay said...

睇左醫生,咁就乖仔嘞,記得飲多d水呀~
水仙都開得唔錯喎,不過個盆就......
生日梗係要外遊慶祝下啦,仲駛諗嘅~^^

Ellen老師 said...

元宵情人節不如放天燈啦!
so goooooooooooooooood 嘻嘻~~

largeheadboy said...

maymay︰好,飲多啲水~
我尋晚又係咳咗個幾鐘至瞓得着,咁今日攞病假,橫掂醫生都畀咗假我。
個玻璃盆 ok 架,有啲 design 架!^t^
我呢一刻仲係心大心細,雖則四晚住宿已經定好晒~

老師︰我怕嗰邊冇天燈玩啩~

Ellen老師 said...

叫你改地方呀!老友~~~

小彭 said...

五十音未攪好我就覺得好正常呀! 頭3句我都完全中晒啦, 真係好彩無繼續讀咋, 不過最基礎日語我自己認為係有需要識囉!

咦, 即係出左票囉呵~

ROY said...

我今日都上左priceline check野......

rempei said...

咦!萊少終於出手了!

大頭,好奇怪,我自所謂"修讀"日文以來,最用功及最讀得入腦的時間,都是下午收工在咖啡室的時候,在家裏反而不能集中精神!

largeheadboy said...

老師︰返唔到轉頭喇我!

小彭︰我今日成日攤咗喺屋企,一啲書都冇溫過呀,聽日大大鑊了。唔係呀,你都叫做仲係讀緊呀~
今日出咗喇終於(細細聲)。

roy︰check 乜嘢呀?我張現金券原來用唔到,你有需要就攞去用喇~

largeheadboy said...

薯嘜︰我都係呀,屋企完全唔會溫到書架!所以我今日冇返工冇得去自修室 hea 就真係連本書都冇揭過。
你自己都要密切留意行情喇!

歐巴桑 said...

上星期讀到發癲咁滯!
魔鬼先生上課時常常說交了學費學不懂就等於浪費時間和$$
所以辛苦都要加油捱埋佢呀!
千其唔好學大叔
最初係佢逼歐巴桑陪讀
點知佢果然衰到又半途而廢.....

小頭 said...

保重身體呀,希望你快點康復。

紅米奇 said...

係咪食得好野多所以喉嚨痛
呢轉去邊樹呢? 要大大聲講播 ^^

largeheadboy said...

歐巴桑︰我地個先生都係咁同我地講,成日話每個禮拜即使有上堂都仲係唔夠,仲要得閒自己溫習至得。我就係嗰啲上完堂唔想再理嘢嘅學生,所以跟得好辛苦。
大叔原來放棄咗喇,咁由得佢喇,逼唔嚟架~ ^t^

小頭︰有心喇!今日叫好咗好多喇。其實今日我冇諗過攞病假架,係尋晚咳到瞓唔到搞到個人冇晒精神我至放咋。希望一陣好快瞓着喇~

largeheadboy said...

紅米奇︰我諗係冷親啩,我有幾多好嘢食吖~
呢轉?應該會去鎌倉同埋江丿島打個轉,其餘時間就會在東京 hea 吓(都係唔好咁大聲呀)~
今次去五日,搭凌晨機,驚瞓唔到冇精神呀!

Ellen老師 said...

唔記得問~~今日識唔識呀?
看來欠了封【學業進步】的大利是喎!

largeheadboy said...

老師︰今晚至考試呀,都唔知點算好~~
利是係咪【學業進步】都冇所謂喇,總之係利是就得架喇~ ^t^

意粉 said...

老師:都係留番考試 Pass 至俾佢吧啦 ~

Anonymous said...

點呀,又考試又病,保重好喎。
早點休息啦!
蘭子

rempei said...

我有點擔心淺間火山爆發會否拖延一段時間!

紅米奇 said...

d package有幾so ar ? 鎌倉同埋江丿島都有另一番風味, 記得2年前去過就覺得是東京寧靜的一面

ROY said...

張coupon係咪要經你email落booking先用到架?

Ellen老師 said...

看來可以沒收封【學業進步】利是喎!

largeheadboy said...

意粉︰今次合格就一定冇問題啊!哈哈!^t^

蘭子︰好耐冇見喇!新年快樂呀!
啱啱考完試喇,原來都幾容易,好彩尋日冇溫習啫。喉嚨就好咗好多喇,仲有幾聲咳咁囉!
搵次約埋入大埔 kit 屋企吖,佢地又執過個天台嚟呀!係呀,你知道 ivan 上咗上海嗎?

薯嘜︰呢位施主心地唔係咁好喎!

紅米奇︰冇呀,我散買機票咋,priceline 做緊 $2,300,都 ok 喇,住就全部東橫 inn 囉~
我就係好想搭吓江丿島電車,同埋唔可以五日齋東京咁寡架嘛。不過我怕都仲係好凍。
你有遊記參考吧?

roy︰佢話一定要網上做 booking 至得喎,之後入埋個 code,同埋一定要三月底前用,不過出發日期就去到下年都得,所以你要用我諗我畀個 code 你就得。要就出聲喇!^t^

老師︰雖然我唔係咁用功,不過要合格應該冇問題架!^o^

意粉 said...

要攞張試卷黎驗證過先呀吓 ~

rempei said...

我當然唔希望有人受傷啦,但火山爆發確係唔會話停就停架嘛~~
特別佢為於長野、跟立山距離好近!

小彭 said...

你唔好去皇居鐵塔餃子城呀吓, 要等埋我o地.

Anonymous said...

我不知Ivan去了上海, 是公幹還是甚麼呢?
各位好嗎?過年都未去府上拜年,不過,有心唔怕遲,搵日約去大埔玩玩,補番數啦!
蘭子

largeheadboy said...

意粉︰冇問題吖!我對自己有信心~

薯嘜︰好似話淺間山的危險程度已經降低咗。唔駛驚喇,到時乜事都冇架喇。

小彭︰咁我就去咗雷門池袋汽車城先囉喎!^g^

蘭子︰ivan 返咗上海做嘢呀~
大家都好啊!等我同 kit 傾吓幾時先都好喎。

紅米奇 said...

真羞愧是一個又不詳盡又難尾的遊記
唔介意可到ec2 see see XD
http://www.ec2japan.com/phpBB2/viewtopic.php?f=7&t=26798&st=0&sk=t&sd=a&start=60

largeheadboy said...

紅米奇︰遊記爛尾係天經地道嘅事嚟架(因為我都有 n 咁多個爛尾中)!等我去抄考吓先,謝謝!^t^

Anonymous said...

係呢,你跟她研究下日期時間,不如用電郵跟我聯絡啦!
蘭子

小彭 said...

記得去池袋汽車城囉播!
雷門都唔好去住啦, 小心禽流感呀!

lau2tang said...

係啦~去check吓邊架車夠我地夢幻之旅坐啦~

largeheadboy said...

蘭子︰好的,等我地研究下先~ :p

小彭︰唔,如果雷門唔去得,咁就一定要去鎌倉影大佛喇!^t^

劉鄧︰你唔係已經 check 好晒嘅咩?下次可能照租 serena 都冇問題哩~~

lau2tang said...

都話唔再坐serena囉~

largeheadboy said...

劉鄧︰你有陰影咩?咁你仲有半年時間做 research 喎~ ^t^

小妹 said...

咁唔差在去埋台場啦, 呢排彩虹橋前有張心心椅, 坐上去影相好sweet sweet架!

largeheadboy said...

小妹︰係喎!仲要坐埋摩天輪添!^f^