Saturday, April 11, 2009

受難日

這幾天復活節假期出埠的出埠、留港消費的繼續以留港消費之名掩飾沒有機會出埠的痛苦,大家好像都沒有記起復活節的真正意義。復活節的第一天假期其實是耶穌受難日,是為了記念耶穌為了世人被釘上十字架。受難日這天,我身體某個部分也受了一些苦。

在炎夏來臨之前,難得這天天氣十分乾爽陽光也不太猛,就決定到郊外踏單車去。我想我有十多年沒有踏單車遊吐露港了,現在單車徑的設施比以前好了很多,沿途也有不少地方可以讓你停下來休息。


這天中場休息的節目,是去看鬆弛熊的展覽。幸好不是專程來探望鬆弛熊,因為除了那十呎高的巨型鬆弛熊之外,現場就沒有其他相關的東西值得好看。


我們從大埔出發,到了馬鞍山後就折返大埔,將近五個小時不停騎着單車,屁股在顛簸的路途上吃盡苦頭。在回程的路上,屁股更痛得要我不時停下來讓它喘喘氣。


雖然屁股受了些苦,這天還算是有點得着,就是食運相當不錯。踏單車前吃了很美味的東記豬扒麵和馳名大埔的亞婆豆腐花,然後在離開大埔之前又吃了魚片頭米粉。


晚上到了尖沙咀海港城以蛋包飯聞名的 niji bistro,吃了頓很愜意的一餐。在高貴的餐具下,大家的食慾不期然大增起來。


耶穌要過了三天才復活,希望三天後我的屁股也不會再痛吧!

9 comments:

紅米奇 said...

咁你要好好記住呢日是屁股受難日
亦是有口福的一日

maymay said...

我今日都有經過niji bistro喎,下次都要試試蛋包飯先~
聽朝仲痛呀老友,食定必你痛先啦,hehe~~

意粉 said...

一個二個趁我唔晌樹黎踩我地頭 ~~~

仲有三日痛啦起碼 ~ 呵呵 ~~~

largeheadboy said...

紅米奇︰咦係喎,屁股受難日呢個名又幾有紀念價值喎!^t^

maymay︰下次可以試吓呢間吖,你應該會喜歡的~
屁股痛唔駛食必理痛咁誇張呀?

意粉︰大埔我耐唔耐就入嚟行吓架喇,上個禮拜我都有嚟過你屋企附近添喇~
依家屁股仲有啲隱隱作痛呀陰功!

lau2tang said...

唔溫書走去玩,無人打你屁股,你就自己罰自己,你都算係咁囉~

rempei said...

大頭,我見相中的你似乎身型較前吹漲了,像想追過我般似的~~~

歐巴桑 said...

帥哥無得頂呀!
俾我已經certified啦:-p

意粉 said...

依期位位帥哥都係漲卜卜啦 ~~~

largeheadboy said...

劉鄧︰嚟緊呢個禮拜又小測呀,不過我諗我都係會留返禮拜二晚臨瞓至會揭一揭本書。

rempei︰我呢幾個月的確係肥咗呀,不過睇返幅相又好似幾 fit 吖~
我仲有好耐至追得到你喎!^t^

歐巴桑︰嘻,真係唔好睇少我呀,我今日又去咗行山呀,搞到一身臭汗。好攰呀我依家,小腰無晒力,踎低起身見頭暈呀~

意粉︰話時話又真係個個都肥仔喎!:p