Wednesday, April 01, 2009

大頭仔攝影教室

看見小妹的攝影教室搞得那麼成功,桃李滿天下,我決定有樣學樣也開辦第一課大頭仔攝影教室。

去年尖沙咀海港城為日本年輕攝影師本城直季辦了一個名為《小‧惑星》的小型展覽,我就是在那時候才認識什麼是移軸鏡攝影(tilt-shift photography)。


移軸鏡攝影是利用移軸鏡頭,調整影像透視關係或全區域聚焦,糾正被攝物的透視變形和實現被攝體的全區域聚焦,使畫面中近處和遠處的被攝體都能結成清晰的影像。唔,大家天資都那麼聰敏,一定明白我在說什麼吧?不明白的,就看看本城直季幾幅大作從中領會一下吧!




在移軸鏡頭下,原本實實在在的東西突然變得不真實起來,令人不禁懷疑究竟相中的景物會不會只是像真度非常高的手製模型呢?

大師級的作品看過了,也來看看花了我不少時間和心血的劣作吧!









嘿,想不到原來我也這樣厲害吧!其實要掌握移軸鏡攝影的技巧一點也不難,有興趣的不妨到這裏切磋切磋,或許有一天你也能夠成為大攝影師啊!

19 comments:

意粉 said...

呵 ~ 呵 ~ 呵 ~

maymay said...

我都識啦,用手指响鏡頭度加個指模咪得囉,想邊度矇就邊度矇啦,hehe~~

naruto said...

好似得咁喎!講得教室,你要講點做至得架

galaxy said...

掂呀, 呀大師 !
真係好似模型相。

紅米奇 said...

高手再現, 你天資好高呀,
簡直是網上一級大師啊, 好強呀 XD

Ellen老師 said...

尋晚得閒就讀下日文啦!篇文作掂未呀?

娜娜 said...

要唔要買番一百幾廿萬器材架 ......

ROY said...

之前睇過介紹用類似photoshop既software都執到~
咁唔係攝影教室,係電腦執相教室喎...:P

lau2tang said...

大頭大師,
本城直季大師啲作品,移軸極都可以好清楚見到個subject,而大頭大師嘅,我越睇就越覺得頭暈呢,乜解究呢?大師可否指點一下迷津?

歐巴桑 said...

好高深呀!

largeheadboy said...

意粉︰你都覺得我好犀利啊呵~^t^

maymay︰唔好教壞細路呀,用手指鏡掂頭會有指紋留低架!

naruto︰其實我有教大家點做架,不個條 link 嘅顏色唔係咁清楚。大家見最後一段“這裏”呢兩隻字 embed 咗條 link 嗎?

galaxy︰我覺得幾好玩呀,出嚟嘅效果好有趣。最緊要係好易整吖嘛~ :p

紅米奇︰你果然有眼光呀!我畀咗好多心機架,得閒又或者無聊時你都可以整嚟玩下架!

ellen︰尋晚有溫咗一陣書架,仲作好埋篇文添,下個禮拜輪到我講喇,要背熟佢先~

娜娜︰人地就要我就唔駛囉~
其實出咗嚟嘅效果都唔差得幾遠啫~ ^g^

roy︰哈哈!呢個咪其實就係執相教室囉,其實我邊有咁厲害咁有閒情吖~

劉鄧︰唔駛錢整出嚟嘅係咁上下架喇,不過我睇返自己嗰啲都好正吖~ :p

歐巴桑︰嗰段介紹嗰啲字睇得明嗰啲人就真係好強勁啊!^o^

naruto said...

車,原來有幫手,呵

不過幾好玩,攞D相玩下先

小妹 said...

咦? 我成日以為自已異似自學攝影成功架?! 點解我完全看不明那段介紹架...

largeheadboy said...

naruto︰你估我真係咁勁咩~ :p

小妹︰我諗正常人都唔會點明嗰段字講乜~
影相講實踐架嘛,影得好背後有什麼道理都唔緊要囉~

小彭 said...

都唔知你講咩~

rempei said...

原來大師跟業餘者的作品真是有這麼大的分別!
大頭,多謝你告訴我啊!

largeheadboy said...

小彭︰我自己都唔知自己講緊乜架~ :p

rempei︰如果我有大師級水準,我一早就開個人攝影展喇,仲要去六本木山森美術館搞喎~ ^t^

意粉 said...

睇見個標題就知你大隻趕啦 ~~~ 呵呵 ~~~

largeheadboy said...

意粉︰唔係呀,我都有教大家怎樣“整”一張近似大師的作品吖~