平常來尖沙咀香港科學館參觀的人應該不會太多，不過這天免費入場，四處都人頭湧湧。這裏令我覺得有點像倫敦的 Natural History Museum ，都是有很多互動展品讓你認識人體構造和各種科學原理，不過當然人家的規模大得多層次也高得多。看着小朋友在場內東奔西跑試玩各項不同展品，我還是覺得這裏更像我們的冒險樂園。
香港科學館對面的香港歷史博物館我興趣較大，剛開始不久的《摩登都會：滬港社會風貌》展出香港和上海兩地近百年以來衣食住行的不同環節，很適合大家懷舊一番。
常設展覽《香港故事》原來也很值得一看，基本上它就是一本介紹香港的歷史書，展現香港過去百多年的發展。我夠膽代表全香港的市民說，這裏的一景一物，全部都是大家集體回憶的一部分。
小時候家裏也有個一模一樣的衣櫃，年紀小小兼輩份不高的我，當然不能擁有自己的抽屜。我們一家六口平均佔據兩張碌架床，而我就在我的碌架床上層築起我的小世界。很可惜，很多美好的回憶現在都只能在博物館裏尋回。
原本想再走去太空館，不過誤以為閉館時間也是七點，於是就找了個地方吃晚飯去。出乎意料之外，花了一整個下午參觀了兩個博物館，還覺得有點意猶未盡。不過，不知道要等到哪天我又會心血來潮，走進另一個博物館尋寶去？
11 comments:
碌架床真是很有懷舊特色, 小時候的碌架床很簡單, 不像現在這麼多的款式
我小時都是瞓上格架, 覺得個feel好D ...hahaha
老師有全年pass幾時去都得！
付十元八塊去逛香港美術館或博物館，是支持藝術創作呀！老友！
紅米奇︰係喇，以前邊有Ｌ形碌架床同埋子母床架~
瞓樓上好呀，成個書架書枱都整到出嚟。細個仲唔知驚，成日玩從上架跳下來，依家唔敢 LU~
老師︰有時見到啲展覽嘅設備好差都會影響我睇展覽的興趣，例如介紹的文字有錯呀，好求其呀，塊玻璃污糟呀。我地啲展覽就係有呢啲問題，不過嗰日去歷史博物館感覺又好好喎，或許以後可以去多啲。
住市區既年頭時不時會去大會堂同埋藝術館，又會買全年 Pass，搬左入新界之後，通常有專題展覽先出去睇，其他博物館真係好少去，一來興趣不大，二來質素真係好麻麻。
我都瞓過帆布床架，不過其實一d都唔舒服呢！
我今次都有去啤酒博物館啊~^^
帆布床無訓過, 尼龍床就有.
晌香港真係唔會的起心去博物館, 只有去旅行時先扮晒野去行下.
意粉︰我都有諗過買全年 pass，不過又係拖下拖下就無買。
總覺得我地啲展覽唔係太認真認真，從好多小節中就可以見到，好唔順眼架！:p
maymay︰我未瞓過帆布床，尼龍床就瞓過，一早一晚要開要收~
啤酒博物館正啊！唔知我仲有無機會再去呢？
小彭︰係喇，話畀人聽去過 miho 美術館點都勁過話去完三棟屋博物館吖，幾膚淺呀我地~ ^t^
對博物館既興趣不大，就算去都多抱著到此一遊既態度...
我細個屋企都係咁上下格局, 不過我訓尼龍床, 帆布床係高檔o野
小時侯要跟妹妹"孖鋪"
到十幾歲的時候才分到一格床
那時候已經覺得好滿足啦^^
roy︰我就睇展覽內容，有興趣啱 feel 嘅至會去睇囉。
galaxy︰我地呢啲屋邨仔個個背景都差不多，我諗屋企擺設都唔差得幾遠。
帆布床高檔嘢嚟架？唔怪得知我細個都係瞓尼龍床喇~ :p
歐巴桑︰話時話，我一直都無自己嘅房，要到咗幾廿歲搬咗出嚟住先至有自己嘅地盤咋~
Post a Comment