Wednesday, September 27, 2006

秋日

整個早上困在不見天日的房間默默工作,疲倦得差點連眼睛也不能張開。旁邊的同事問我這天是否很倦,我笑着回答還算可以。昨晚已在午夜前上床,為什麼現在還是倦容滿臉,還給同事一眼看穿?

午飯時間原本要赴乒乓球約,但這天實在太忙,又或者是沒有心情,便暫停一個星期。不知道腰圍會否因而暴漲 0.3 公分?

沒有什麼胃口,午飯時只買了一件心愛的杏仁牛角包,希望能令提不起勁的我回復丁點兒生氣,但不知何故這天覺得這牛角包太甜太膩。



午後的陽光實在太好,不應白白浪費,便向香港公園走,想好好吸收一下紫外光,也要為自己充充電。



時近中秋,公園內張掛了很多燈籠,節日氣氛蠻濃烈。



短短十多分鐘,便碰上兩對拍婚紗照的新人。很明顯,這天是他們的大好日子,心裡也暗暗為他們祝福。可是不知何故,這天對我來說是很糟透的一天。



站在瀑布前,大風將水珠吹到我臉上,感覺很好,也盼望能一併洗去我莫名的憂愁。



黃昏下班時間車水馬龍,人們都匆忙回家去。這天竟然不太想回家。



明天,可會是今天的重演?

51 comments:

Wordy said...

0.3 公分誰會察覺得到?那個牛角包也不只 0.3 公分呢,兄台。

怎麼了,壓力大,所以心情麻麻?快睡吧!

supageti said...

對,午休應該出去走走,整天孵在辦公室,會發瘋的!

大頭仔也傷春悲秋起來了...

好好睡一覺,明天又是新的一天。

largeheadboy said...

wordy︰弊傢伙,加上牛角包,相信腰圍再胖多 0.5 公分!其實壓力不大,只是感到有些累。

意粉︰對,是悲秋啊!大頭也是凡人,可有喜惡哀樂。今日也要再去晒晒太陽。

Wordy said...

一直以為你是個快樂的凡人呢。

天氣再涼一點,午休就會到等鰂魚涌公園走走,還有爬 18 層樓梯(每次才四五分鐘,我懶怕熱,很久沒走,肚腩大大)。

lau2tang said...

是工作上遇上難題吧?所以才情緒低落?
真羡慕你午餐可以食這麼少!我起碼要食一碗粉加一碟菜!

largeheadboy said...

劉鄧︰其實昨日早上吃了一條蕉和一個蘋果!
也不是太跟工作有關吧,可能呢幾日超級大糧尾!

wordy︰多出去走走人也健康些。鰂魚涌公園環境很好啊,可以望海!話時話,唔覺你有大肚腩喎,你都掩飾得很好啊!

貝拉 said...

但牛角包都幾肥wor, 午餐我還是喜愛吃米粉加1碟菜, 不過下午就好快肚餓...

小胖熊 said...

大頭,番埋聽日就係十一黃金周,趁此好好休息,义足電,下周再博過啦。你咁鍾意去旅行,去轉澳門或大陸,又大把題材可以寫 blog 了。

Wordy said...

「唔覺你有大肚腩喎,你都掩飾得很好啊」

咁既野你都講得出口,估唔到你咁口花花。

largeheadboy said...

貝拉︰我依家都食緊米粉,不過係好肥既星洲炒米。

小胖熊︰有人歡喜有人愁,還在擔心黎緊的假期有冇得放。

wordy︰喂,大叔,呢 d 都叫口花花?呢 d 擺到明係“寸”啦,仲要係“明寸”!^p^

supageti said...

呵呵,大頭仔恢復狀態喇!

貝拉 said...

我今日lunch食左碗冬菇菜米,希望可以捱到今晚食飯....

lau2tang said...

超級大糧尾?過了今天便見曙光啦!明天你銀行戶口便滿瀉!

Wordy said...

我係大叔,你咪老 _(配詞完句)?

咁我個肚腩同人比又確係細左少少既

supageti said...

好尖銳啊!

largeheadboy said...

意粉︰我食咗好多餐麵包喇呢幾日!

貝拉︰你下晝定是餓到打鼓了。哈哈!

劉鄧︰其實今晚十二點後就過數,我 check 住架!

wordy︰麻煩比幾個選擇我丫,點解我諗親嘅都好似粗話來的?那個比你肚腩還大的是誰?講!

lau2tang said...

大頭仔,
基本上我們的糧期和你的睇齊,同事中如有等錢用的,我也會著他踏正午夜十二時到提款機提款!

supageti said...

意粉提供:

A. 伯
B. 餅
C. 野
D. 柴
E. 以上全部

哈哈哈哈哈哈哈哈 )))))))))))

largeheadboy said...

我要柴丫唔該

曾幾何時,真有想過午夜落街!噢,對下六合彩先!

supageti said...

係咪咁手緊呀?

Wordy said...

大頭:

何解你會想到粗話?意粉提供的幾個選擇比我原來所想的更刁鑽呢。
我本來想說「老爺」「老闆」「老師」「老輩」「老大」「老爹」「老兄」「老總」(無氣喇……)總之,就是好東西。不然,怎麼配得上你宇宙大王的身分?

小胖熊 said...

大頭仔,出左糧可以去 wet 啦。我就真係 "長期糧美",雖然出左糧,但一大缺已用黎供樓,今個月卡數又洗大左 (其實都無乜邊個月唔洗大),所以雖然剛出糧,就已經同29, 30日的日子差不多。

貝拉 said...

報告: 我尋日中午食咁少野,結果下午吃了4片餅乾, 之後做運動, 哈哈頂得住....

largeheadboy said...

意粉︰曾經何時我要借貸度日啊!幸好那時沒有邦民。

wordy︰請怪我詞藻有限,來來去去只想到粗話。“坑”都唔錯!

小胖熊︰我都有一大份糧去左層樓度,不過這幾年已沒有瘋狂刷卡了。

貝拉︰都估到你一定捱不到晚飯。

Wordy said...

都怪我形象太差,不然你怎麼只會聯想到那些字呢?

看你的樣子不可能瘋狂刷卡吧……?

二月魚魚 said...

也許大頭仔看中了一些東西,心思思想買,便覺得手頭緊吧﹗其實看上了也不一定要買,藉故走去看一番,樂趣更大﹗

小胖熊 said...

大頭當然不用再刷卡啦,以他今時今日薪高糧準,現兜兜俾 cash 啦梗係。

largeheadboy said...

wordy︰不要少看我,我曾經簽到無錢找卡數,差啲要著草。

二月魚魚︰確是有很多東西想買,但奈何人工有限!

小胖熊︰講真,有時比現金仲方便(又唔係無 ^j^)

lau2tang said...

我自從出了張Cathay 信用卡後就狂刷卡,一係就用八達通,銀包的現金好似洗來洗去都仲喺到!

largeheadboy said...

今日都見大古廣場做緊 cx 卡推廣
也申請好嗎?

Wordy said...

劉劉鄧:
你那張 Cathay 卡是哪一間聯營的?可以儲 Asia Miles 吧?我現在 AM 戶口連信用卡積分加起來有 42000 多了,但還想再多儲一點,希望在 2008 年飛遠一點。

大頭:
你最後都冇著草,不過 d 頭髮變左草?我明白供樓辛苦,但你有一個屬於自己的巢穴嘛,一失換一得。

largeheadboy said...

擁有自己的地方確是一大得著,至少沒有人會話我唔執屋,但也少吃了家庭飯菜

明天有時間看看張 cx 卡有乜贈品先。這個是 citibank ,乜仲有另外的聯營銀行嗎?

lau2tang said...

Wordy,
我那張是CitiBank,免首年年費,批卡後送5000 asiamiles. 一年簽滿十萬則次年免年費。
飛遠一點?想去哪兒呢?

Wordy said...

雖然送 5000 里蠻吸引,但十萬唔易簽。

未決定,就給自己一個夢吧。

今天下午又開會,幾乎肯定 2007 年不能放長假去旅行,甚至 2008 年上半年也很勉強,除非轉工吧。我認真的。

supageti said...

不可以放長假,收買人命乎?換了是我一定轉工。

小胖熊 said...

wordy, 以你的寫作才華,做作家都得啦,無謂再待在那裏一星期返足七日,每日十一小時,咁同做7-11都無乜分別。

Wordy said...

意粉:
不是不可以放長假,只是我太認真,似乎我已經慣壞了那班壞人(上司、老闆)。
要轉工不難,但有很多考慮,我的處境正是「塞在瓶頸中一顆大肉丸」。

小胖熊:
我寫的東西賣不了錢,有人看或喜歡看已經很滿足了。
我想我現在每週平均工作 70 小時吧。
我覺得在不同時期自己的生活總有一兩個地方是反社會潮流的。例如:以前在電視台工作,薪水總是比恆指低;現在香港倡行「五天工作」,我就「七天加班」。這可以叫做「命途多舛」嗎?(哈哈哈)

supageti said...

工作認真是當然,但我的態度是:work hard and play harder。

工作幾乎佔據了所有時間,難怪你咁憂慮。

70 小時?好似o係我生命中還未試過!依家大概係你o既一半左右。

lau2tang said...

Wordy,
張卡我都未必簽到十萬,到時覺得有用我會繳付年費,否則便剪了它!

Wordy said...

五年半前剛進這公司,一週工作不過 40 小時,現在已經增加了 75%,薪水當然拍馬追不上了。以前在電視台,工作時數更長,大概 90 小時。我的工作生涯聽來有點可怕吧?以前常常怨不公平。現在氣都快斷,怨什麼怨 :)

劉劉鄧:
也想過你這方案,積分是一元一分?

lau2tang said...

一元一分,八分免費換一里。

largeheadboy said...

白金卡送 7,500 里呀!本身都有張 citibank 卡,都有三萬幾分,靚女小姐說可以 12 分換 1 里,都唔錯丫,反正啲積分唔係換百 x 券都唔知點用。

我都返 70 個鐘啦....................呢個禮拜 ^c^

以後唔敢食肉丸!

lau2tang said...

果然薪高糧準!白金卡有兩款,送7,500里那一張要年薪$350,000!
大多數的信用卡都是12分換1里,有些銀行還要額外收手續費,所以要留意有關條款,做個精明的消費者。

Wordy said...

怎麼網主不回應了?(笑笑笑)你昨天不是已經吃了肉丸了嗎?

我簽 AE 一元有三分,即可四元換一里,但換里數有手續費,最多不超過 180 元。

送 5000 其實也頗吸引,買 CX package 去北海道也只有不足 5300 里。但是這卡一申請就送里數,還是須於某時限內簽滿若干數額才行?

largeheadboy said...

劉鄧︰我無呀,我呢啲活在貧困線邊緣嘅只係搏大霧睇吓批唔批咋。我有問手續費,靚女小姐話遲啲覆我喎。

wordy︰昨日下午在不知情下吃了肉丸,難怪這天早上________ (請自行填上)
尋日申請又忘了問要簽多少錢喎,會唔會唔駛簽都有咁 so ?

lau2tang said...

申請一經批核,飛行里數會在四至六個星期內存入戶口。而簽賬換里數是費用全免的!

Wordy said...

劉劉鄧:
聽來確實吸引,但我又不想分散簽賬,逛街時有機會看到推廣才去問。

大頭:
你平日會跟朋友、同事說這些嗎?(俾你激死的苦笑)

largeheadboy said...

劉鄧︰咁即係唔駛簽都有幾千里呀?

wordy︰那天放假回公司上班,老細話唔該晒我,我就笑住話我諗住返嚟上網吧架咋!

Wordy said...

冇黎正經。

講起老細,前排佢同個女同事番上海開會,我托女同事買一本書,但買不到。天曉得老闆一回來就把書送到我手上。對住某 d 人,我唔識搞氣氛,冷冷地說:「唔刻哂。」死,呢個星期要用佢食晏添。

largeheadboy said...

你的老細對你也不錯啊!他留鬍子就可能是想跟你 get back to friendly terms 哩!
希望呢餐飯順順利利啦!

Wordy said...

隨緣喇。