Sunday, May 31, 2009

一週間

近來去得最多的餐廳就是尖沙咀的意粉屋,除了是因為有信用卡優惠之外,就是每次光顧總是能夠佔據靠窗的座位。我喜歡一面吃東西一面看街景。


下了將近一星期的雨,這天回到家看見窗外燈火璀爛,就立即找來相機。類似的相片,不經不覺已有很多張存放在電腦硬盤中。


這天心血來潮,比平日早了近半個小時出門,然後七點半就坐在公司樓下的珈琲店溫習日語。不知道是珈琲太熱還是商場的空調因為太早還沒有完全開放,焗了半個小時後我就跑回公司嘆冷氣。


每個星期總有兩三天利用午飯時間跟同事打羽毛球或是乒乓球,之前多數買些沙律和三文治做午餐,可是近來大家都開始生厭了,轉投份量大兼款式更多的飯盒。這天的午飯,是早上買回來的吉野家牛肉飯。


今年的端午節雖然已經過了,但現時雪櫃裏還有幾隻糭子尚待處理。除了友人送來的,還有姊姊親手造和弟弟從上海帶回來的。


有時收到這樣的一個短訊,的確可以叫人紅了眼睛。


雖然吃了不太滿意的一餐,還遇上有“甴曱”味的蝦球,但能夠跟大家相聚數個小時,已經是一件樂事。


鬱悶了幾天,這個下午總算可以出來喘喘氣,九龍公園的紅鶴也終於等到太陽出來曬一曬牠們的羽毛。


這樣就一個星期了,這樣又一個月了。六月不知道會是怎樣,但願一切都是美好的。

20 comments:

lau2tang said...

我同Winnie都好鍾意幫襯呢間意粉屋~
我仲以為係萊少個SMS令你紅了眼添~^b^

largeheadboy said...

其實我去開中間道 HMV 附近嗰間意粉屋多啲,嗰間我覺得坐得舒服啲~
萊少個 SMS 我睇唔到呀,部手機話我沒有什麼什麼所需的設定所以我 delete 咗喇!邊個可以 email 畀過我呀?

Ellen老師 said...

有糊食未得啦~~

naruto said...

D天氣一時夏天一時秋天,好煩

karvitz said...

大角咀呢間野我上次食蝦球無事,但都算唔錯,個魚湯都叫清淡。希望我無認錯喇!

largeheadboy said...

ellen︰除咗食糊,我仲想要好多好多~
我今次終於有糊食,可能係無你喺度克住我啊!:p

naruto︰不過好快就會全部都夏天,到時仲煩呀!>_<

karvitz︰其實大家都未食過甴曱,又會知道甴曱乜嘢味嘅~
依間應該就係你去過嗰間,個魚湯真係淡咗啲,完全唔收貨啊!

maymay said...

萊少個短訊我都睇唔到喎~~

supageti said...

好溫馨吖 ~ 個短訊 ~~

lau2tang said...

下次出來俾你地睇番個短訊~

歐巴桑 said...

希望在明天嘛^o^

rempei said...

個短訊係話多謝大家的心意與及輸錢俾佢,哈哈~~(講笑啫~~)

ROY said...

已補番e-mail給皆樣~
大頭果日係大贏家, 不過今次收歛左無話請大家任叫X......

Ellen老師 said...

大頭都算係大贏家,唔係化~~你地點做野呀!

largeheadboy said...

maymay︰睇唔到係正常個喎,要生滋至睇得到架~ :p

意粉︰仲有啲仲肉麻仲骨痺嗰啲無 post 出嚟咋!^t^

劉鄧︰你個電話唔好好似上次咁壞就得喇~

歐巴桑︰六月一日,so far so good。希望大家六月都過得快快樂樂!^o^

薯嘜︰係都係你輸啫~ :p

roy︰我要睇 movie 啊!
我個人不嬲都好低調沉實架,諗返起嗰日實在太失儀喇~ ^d^

老師︰下次你嚟可能我就無得贏架喇,畀我儲返啲彈藥先喇~

maymay said...

其實要多謝萊少萊嫂招呼我地就真!

largeheadboy said...

maymay︰係呀,主人家仲要專登落去買砵仔糕,差啲仲去買埋杯琲添呀~ :p

小彭 said...

我無去大角咀店好耐lu... 尋日去左荃灣店, 叫左田雞米線加魚鮫加芫茜, 啖湯甜到不得了呀!

largeheadboy said...

小彭︰乜原來佢地有分店咁厲害架?不過我地嗰日個湯底淡而無味呀!

小彭 said...

呢間可以叫做分店, 係阿細佬自己出黎開架, 大佬就做荃灣店. 阿細佬走左後, 荃灣店個湯係差左d, 不過家下又ok.

largeheadboy said...

小彭︰嘩,呢啲豪門恩怨你都知咁厲害嘅~ ^t^