Monday, June 08, 2009

Q旁

知慳識儉、應花得花、愛找着數、貪小便宜,很多時就因此因小失大如我者總喜歡從報章雜誌或網路上搜尋什麼餐廳食肆有哪些優惠,那管是平兩蚊、買一送一、加一蚊多一件,我都會一一剪存下來。有時候,要記着那家食店有優惠而優惠又到什麼時候完結,會叫我在夜半扎醒過來。

星期日中午出門後臨時決定到附近一家日式餐廳吃午飯,但走到門前才發覺身上沒有這家餐廳派到我們屋邨每一家每一戶的現金券。在炎熱天氣下沒有理由跑回家裏去吧?於是我厚着臉皮問侍應姐姐有沒有優惠券可以給我們。就這樣,我們花了 $34 就吃了炸魚拉麵和牛肉鍋定食。


近來常到珈琲室溫習的我最需要的不是什麼日語天書或者能力試必讀,而是珈琲買一送一優惠券。這個六月,相信我會走遍這家珈琲室全港九新界的分店。這天,雖然我們霸佔了最好的沙發座位整個下午,但我們總算有一點點良心,三個多小時下來還是用真金白銀買了兩杯珈琲。


不過,有時候有優惠券在手未必是件好事。因為有吃二百送一百的優惠券,溫習過後走到這家聲稱以燒排骨聞名的美式餐廳。這家餐廳價錢不算特別便宜,食物質素也是普普通通,難怪要派現金券招徠食客了。雞翼和燒排骨一丁點兒味道都沒有,最後唯有把吃不完的東西打包回家去。


經過地鐵的 $2 特惠站,雖然明知不會坐地鐵回家,但我還是拍一拍卡。是病態吧!

31 comments:

lau2tang said...

哈哈~
好寫實噃~
咁你有無儲易賞錢同八達通積分呢?

小彭 said...

咦, 我都係明知唔搭地鐵都要o都$2的人喎!
係喎, d地鐵積分要快d換左佢先, 到期喇!
八達通d分儲左都唔知點用好...

Ellen老師 said...

好彩~~尋日無去,唔想撞見你!

有人好似作病,就未飲ビ一ル啦!

lau2tang said...

小彭,
八達通的分可以係惠康買嘢時叫佢扣減,又或者幫襯足三兩時,叫收銀員將積分當現金用。

lau2tang said...

老師,
有人又作病?
怕且真係財多定喇!

supageti said...

一丁點兒味道都沒有的東西還打包回家去做甚麼呢?

maymay said...

師姐講左我想講嘅野~
原來張P記Q旁真係用得架!
自從張五折咭到左期,我都冇再去呢間美式餐廳lu~
作病唔好同我食飯呀吓~~~

naruto said...

拎呢份精神去讀日文,可能已經可畢業

largeheadboy said...

劉鄧︰我有易賞錢架,不過成日懶得攞出嚟畀佢 do,好似話買幾百萬至有十蚊架嘛。
講起八達通積分就想哭喇,早排張八達通壞咗,無晒啲分呀,我諗夠買一張日本機票架!>_<

小彭︰有時 do 咗以防不時之需架,試過諗住搭巴士,點知好塞車喎,無 do 就無得平兩蚊喇~
八達通啲分係咪可以都換到車飛架?

老師︰點解唔想見我呀?下次仲想叫埋你去 lunch 添,間 tony roma's 嘅 lunch 都係六七十蚊一份咋!食夠二百平一百呀!
好神奇地,見完你之後就乜病都無囉喎~

意粉︰食剩半份排骨,唔要好似好浪費咁,諗住呢幾日用南乳炆一炆佢囉~ ^t^

歐巴桑 said...

帥哥師奶勁呀^o^
我就成日擺到過哂期先醒起有Q旁啦!蝕呀:-p

largeheadboy said...

naruto︰哈哈!我啲精力就放晒喺呢啲唔應該放嘅地方!不過幾經辛苦,日文就快畢業喇應該~ ^t^

歐巴桑︰啲師奶就係咁至有多餘錢買餸加料咋!:p
我都成日有好多過期 Q 旁呀,又或者儲印仔“給”住落張單度但最後又唔見咗張單,好悲慘架!

largeheadboy said...

maymay︰差啲漏咗你添~
P 記 Q 旁堅架,要好好利用呀,實在太抵喇 ^t^
呢間唔係你嗰間呀,你嗰間好味啲架~
無事喇無事喇!

小頭 said...

呢間 tony roma 我去過呀,上次的燒排骨和焗薯都好味啊,見有 $200 減 $100 coupon 仲諗住番兜....

作病的人 said...

老師,瞓醒一覺精神晒喇。

下次一定要去小肥羊

Anonymous said...

不好吃還帶走幹嗎呢?貪便宜也貪得過份病態了吧!
蘭子

lau2tang said...

我忽然諗起被我們遺棄了的溫泉蛋,燒排骨的下場應該會好似溫泉蛋咁~

薯mug said...

越睇您越似C9~~嘿嘿~~~

光.軍 said...

地鐵o個D 兩蚊優惠.我都例必咇一咇o架.搭唔搭都咇o左先 :P 哈哈哈..

ROY said...

咁你小心d話送你乜乜旅遊會藉, 話幫你整番好副眼鏡既著數喇~

Ellen老師 said...

仲有小心~~~你啱試著大碼衫

largeheadboy said...

小頭︰為咗平一百蚊,仲有 happy hour 買一送一,我應該會再去 tony roma's,不過就唔會叫燒排骨囉~

作病的人︰係,都係小肥羊開心啲盡情啲啊呵~

蘭子︰唔要舊排骨好似好浪費吖嘛,呢啲又點算貪便宜呢~ :p

劉鄧︰啲溫泉蛋留咗喺長岡嘅ホテル法華,舊排骨嘅下場應該無咁幸福~ :p

薯嘜︰我由始至終都係個師奶喇!哈哈!

光.軍︰我今晚都 do 咗,然後最後真係用咗慳到兩蚊,好開心啊!

roy︰乜係家有人會話幫你整番好副眼鏡咁着數嘅咩?有機會見識吓先~ ^t^

老師︰話時話,當年以為自己好有明星相我真係跟過上人地 office 話試鏡架,不過最後沒有下文之嘛~ ^v^

lau2tang said...

萊少&老師,
鍾意係街遊蕩ge帥哥又點會睇到七點半的星期日檔案呢~
帥哥,
有時間補吓習先啦,唔係著數搵唔到,俾人搵番轉頭呀!
http://mytv.tvb.com/news/sundayreport/28084

小彭 said...

好彩真係減到$2咋, 如果唔係蝕左$6喇!
我都即刻溫習左... o個間眼鏡舖好近我喎, 搵日去兜下先...

largeheadboy said...

劉鄧︰禮拜日晚的確通常躝緊街~
睇咗喇條片,真係好過分呀嗰啲人,完全無良心架!我呢啲師奶依家好精明架喇,唔會畀佢地呃架喇,除非佢地話暑假都有千幾蚊機票去日本喇!^c^

小彭︰會蝕六蚊咁誇張?同埋我地搭咗小巴落金鐘,又慳埋的士錢~
你試下同眼鏡鋪啲人講日文吖,我諗佢地呃多你幾千蚊呀!^t^

小彭 said...

我副眼鏡無螺絲架, 睇下點鬆... 同埋我打算11個月後就整爛家下個鏡片, 因為係一年有爛包換... 哈哈! (之前免費換過一次架喇!)

largeheadboy said...

小彭︰你都好奸喎,同間眼鏡鋪有得揮喎!
我尋晚去咗你講嗰間秘店呀,超平又超好味呀,佢地仲送咗碟壽司卷畀我地呀~

小頭 said...

小彭,咁好服務咁有信用又配得準,係邊間眼鏡店呀,要益下大家好喎...

我老公話:多幾個你這類人,正當眼鏡鋪好易執噃!

lala said...

請問:八達通要注意嘅係唔係只得八達通易賞錢(有冇有效期o架?)同友禮會?友禮會我有四千幾分,除左換機鐵飛,仲有咩好介紹?機鐵飛可唔可以換比人?

largeheadboy said...

小頭︰堂主要好慳錢至得架,佢仲有幾廿萬円培訓費未還返畀經理人呀!

lala︰應該係得呢兩樣嘢啩~
易賞錢係你嘅錢嚟架嘛,我諗唔會有限期啩。友禮會詳情就要睇睇呢度喇︰http://www.mtr.com.hk/mtrclub/

小彭 said...

除左有爛包換(transition除外), 仲有埋送貨服務, 又有會員服務, 真係幾好架! 彭彭堂貴為尊貴偶像派, 梗係去d尊貴ge地方啦~ (再講有人收廣告費架喇~)
經理人, 話時話, 我個幾百萬円ge糧都仲未出過喎~

largeheadboy said...

堂主︰合約寫明十年死約完咗之後至有糧出架嘛,乜你簽約嘅時候無睇清楚嘅咩?