
要不是要趕電車,我想我可以待在這裏一整天,感受一朵朵櫻花慢慢落到頭上。

松本市的另一個重要文化財全日本最古老的小學舊開智學校離松本城不遠,趁還有時間,就趕快前去參觀這所現在已經再沒有學生上課的校舍。
乘普通列車到達上諏訪,我們先把行李鎖好,然後就乘的士前去網友 Roy 以前也曾到過的諏訪湖いちご園採草莓去。不到十分鐘的車程,就花了二千多円,實在很昂貴,不過這倒省下我們不少時間。第一次在日本坐的士,當然要很大鄉里地拍照惠存。

諏訪湖いちご園的入園料 1,200 円,可以讓你在半小時內任摘草莓,可是這裏的草莓不是很甜,在溫室內更覺得有點微溫,我還是比較喜歡冷凍了的果物。不過,對於第一次嘗這玩意的我們來說,還是十分興奮,不停把一顆一顆草莓摘下來。

肚子滿載新鮮的草莓後,我們就沿諏訪湖湖畔走回車站。這段路我們走了個多小時,但沿途風光不錯,還有不少滿開的櫻花伴我們同行。

離上諏訪駅不遠處的間欠泉號稱日本第一大天然噴泉,每天定時定候會噴出泉水,據說可以高達 50 米。可是這天間欠泉似乎不在狀態,噴出來的泉水才只有一個人的高度。當大家還在期待會有更厲害的爆發時,噴泉已經回復平靜了。

午飯到了一家小店吃蕎麦麵,整家店子除了我們之外就沒有其他客人。

即使還有不到十分鐘就要登上電車,但我們還是要一嘗上諏訪駅有名的足湯。

在黃昏前回到名古屋,我們先到松坂屋的蓬萊軒吃鰻魚飯,希望避過晚飯的人潮高峰時間。原味、混上芥末和紫菜絲,以及加上煎茶當作茶漬飯的三種不同吃法,我們都認為第二種最好吃。最後我們追加燒鰻魚玉子,很滿足的離開。

每次來名古屋總是來去匆匆,這次也沒有例外,不過這次倒逛了榮和 oasis 21。

走到名古屋駅高島屋百貨上面的餐廳層,重遊兩年前光顧過的マーノ・マッジョ(mano magio)。喜歡這家餐廳,完全是因為可以坐在十三樓的陽台,居高臨下欣賞名古屋的景色。

這樣來結束行程的最後一晚,確是最理想不過。
24 comments:
咦?幾時去嫁?都唔記得左 lu ~~~
又黎!@_@
淋晒紅油果d係咪布甸黎架?
我頭痕緊同你去名古屋邊度消磨一個下午!
好吖~~下個月你又可以再訪松本了,係咪好興奮呢~~~所以忍唔住要趕緊出埋呢篇遊記回味!
五天精華遊無左好耐啦呢個節目, 得番1872遊花園, 真係襯晒你啦, 帶我地遊花園~
你件玉子燒d鰻魚又真係... 所以我堅持去本店係啱嘅!
唔... 去noritake啦食個tea囉~
意粉︰幾時去唔緊要囉,係想畀自己有番啲回憶吧~
maymay︰仲有得嚟架~ :p
嗰啲係焦糖嚟架,成日都掛住紅油!
呢個係布甸雪糕,超好吃又食極都有,好得架!
劉鄧︰一係我一個人留喺東京囉~
新帥哥︰你想我點答你好呢?松本幾好架,又有松本城又有山又有水,都好值得重遊架喺呢個炎炎夏日~
小彭︰所以我呢個五天精華遊都就快摺架喇,有得睇就快啲睇喇~
本店唔知喺邊吖嘛,而且我仲邊有時間慢慢搵啫,總之又蝕咗喇!
咦,去 high tea 都好喎,我又可以跟團長落名古屋喇~ ^t^
個年4月中去諏訪, 搵粒櫻花睇下都無......
d士多啤梨有兩款個喎, 係咪呢? 原來之後行成個幾鐘出返去...
嘩嘩!D士多berry好似幾靚咁喎.照片中o既食客個樣好滿足喎.好似幫自己間《士多啤啤放題》賣廣告咁喎!呵呵 :D~ Yummy Yummy 摘完可以即刻造埋果醬就好o勒!
roy︰咁我真係好好彩呀,櫻花仲開得好靚~
無人同我地講話士多啤梨有兩款呀,得嗰半個鐘,我地一味係咁食,唔理得咁多喇~
行出去其實 ok 架,有條好企理嘅行人路。
光.軍︰咁試過親手摘士多啤梨,真係好開心架,仲開心過自己做老闆啊!^t^
名古屋一次都未去過
親手摘士多啤梨開心過自己做老闆, 唔係掛
真係咁堅咩, 係日本得多幾次的士就慣=香港百幾蚊打的 ^^
紅米奇︰雖然我去過三次名古屋(就快會第四次),但係我都無乜點仔細發掘呢個地方,真係慚愧~
我地摘完食飽飽就走,老闆要花好多時間同心血至種得返啲我地食咗嘅士多啤梨出嚟架嘛。
係喇,咁等我得閒又過去搭下的士先~ :p
晌日本都搭過好幾次的士,俾香港好係大行李唔收錢~
你唔係諗住留晌東京咩?呵呵~
roy︰咁大早我地抽埋個喼上車喇!^t^
名古屋都係名城吖嘛,點唔順路都要去一去嘅~ :p
元祖帥哥內心似乎有莫大怨氣咁喎~~~
請準備睇我下一篇講松本的遊記吧,可以updated吓~~嘻嘻~~
名古屋好吖!又有鰻魚、又有豬扒!
幾唔順都要到此一遊啦~
rempei︰傻喇,有得去仲點會有怨氣呢?你呀,要介紹啲新嘢畀我至好呀!
劉鄧︰仲有手羽先地雷也味噌烏冬,真係就算幾唔順都要再到此一遊~
你動L左未?
lala︰你呢個唔係 IQ 題呵?畀多啲指示 L 係咩吖~
去名古屋發掘多d好野番黎話我知呀~~
maymay︰乜你唔係去日光同埋光豬島咩?
名古屋呀, 大頭仔, 外買件手羽先丫吾該!
我個奧飛驒可能又要寫到年尾...無所謂啦, 留個回憶啫...
joeyee︰手羽先呀,無問題吖,不過要蛋喎~ :p
係喇,我都係想留返個回憶畀自己,所以我會努力搞掂埋餘下的一日。你都要加油呀!
動L都唔知!你試下用Yahoo搜查.
lala︰哈哈哈!痴線架!乜依家又多咗呢個字呀,勁 out 呀我!:p
Post a Comment