Thursday, August 20, 2009

2009 夏休み day 5

雨下了一整夜,叫人睡得不太安穩。吃過很簡單的早餐,我們又展開另一回上高地健行,這次的目的地是大正池。


似乎我們都是招風雨的一群,這個早上雨繼續下,乾了一半的鞋子又再次濕透。雨水同時又帶來大量沙泥,昨天還清澈見底的梓川這天難看極了。


我相信在陽光下走這一段路一定叫人心曠神怡,可是我們始終與美景無緣。


經過一個多小時,終於來到鼎鼎大名的大正池。不過在連日雨水洗刷下,再加上一地泥濘,大正池給我的感覺就像一塊廢棄的工地,跟照片看的完全兩樣,不禁令人失望。


既然雨下過沒完沒了,風景也不是叫人那麼讚嘆,倒不如早點返回旅館取回行李,繼續餘下的行程。在旅館大堂整理過濕透的衣物,然後到郵便局把明信片寄出,我們就告別這個號稱日本阿爾卑斯的國立公園。


在沢渡取回戰車,我們再次向松本市進發。途中我們又在昨天也到過的道の駅風穴の里休息一會,順道幹掉旅館送上的便當,然後忍不住又多吃一片清甜的波田町西瓜。


再次回到松本市,因為要去看松本城。去年櫻花盛放的季節我也曾路過此地,可是這次舊地重遊,沒有櫻花和藍天白雲的襯托,松本城明顯失色不少。


經過松本市的觀光案內所,緊貼經濟脈搏的團友不忘上網查閱香港股市的走勢。


大概在香港股市收市前,恆生指數又不知上升了幾多百點之際,我們來到長野市。


雖然長野市在 1988 年舉辦過冬季奧運會,又有新幹線連接,但在車站附近可以逛的地方不算太多,晚飯前的自由活動時間怎樣填也填不滿。逛過車站逛過書店逛過百貨公司還剩下不少時間,唯有帶件人氣甜品回旅館慢慢享用吧。


我們在長野市投宿的 Comfort Hotel 雖然舊了一點,而且離車站要徒步三分,但就勝在房租相宜,還提供無線上網服務。


這天我們的早餐和午餐都吃得普普通通,所以晚上就來到車站對面的坐.和民大吃大喝一頓,好好補償一下。


吃飽了,又要立即趕回旅館爭奪洗衣機的使用權。

16 comments:

Ellen老師 said...

緊貼經濟脈搏~~~~哈哈!

joeyee said...

個菠蘿好有趣!

小彭 said...

無櫻花的松本城我都要呀, 差一個印花咋我! 即係咁, 松本除左松本城仲有無其他野架呢?

Ellen老師 said...

睇怕無乜啦!

largeheadboy said...

老師︰你都唔弱吖,你都即刻 check email 同外界保持聯絡吖~ :p

joeyee︰個菠蘿係沖繩架,好甜好多汁,混埋入去杯 sour 度完全唔覺有酒味。

小彭︰唔,應該都有松本牛啩,邊度都話自己啲牛肉出名架喇,去喇去喇~

maymay said...

我見到櫻桃呀!

lau2tang said...

我係代人出手啫~
睇番的相,感覺好遙遠!
松本近郊應該有好多嘢睇嘅,例如wasabi農場同美之原美術館。

スパゲティ said...

松本市入面都有好多景點,不過睇怕帥哥已經忘記晒 lu ~~~

小彭 said...

近幾次去完旅行返黎無幾耐, 都已經覺得係年代久遠嘅事.
松本點都會去, 去唔到我會喊架, 又或者唔肯上機返黎, 不過個80年代東京之旅, 要不日上映喇!

ROY said...

旅行落雨真伙好掃興...
松本市除左個城同間小學,好似無乜其他景點囉......

naruto said...

AIYA,
我一路以為係舊年架㖭,哈哈

去旅行有太陽加幾粒星架

小妹 said...

這一個上高地, 見一次鄧你地可惜一次.

largeheadboy said...

maymay︰嗰啲邊係車厘子呀,只係啲細細粒嘅野果,成日都咁為食架~

劉鄧︰咁又係,唔係嗰陣時我點知xxx升咗幾多呀~ :p
係呀,真係好似好耐之前嘅事咁囉,印象仲有啲模糊添。

意粉︰我記得架,松本仲有 parco、無印、midori。松本我大大話話去過兩次架!^t^

小彭︰就係因為咁,我地要 keep 住過去,要成日都有啱啱返嚟嘅感覺至得~
80 年代東京之旅,我隨時行得架喇,仲一定要喺雷門大燈籠下面影合照添呀!

roy︰落住雨的確好影響心情,所以我點都寧願做蕉好過做雞......係落湯雞呀~ ^t^
唔,都話仲有 parco、無印、midori,應該可以消磨到三四個鐘~

naruto︰今年啱啱新鮮滾熱辣架,雖則話係早兩年都有大把人信。
除咗加幾粒星,仲要還神添啊!:p

小妹︰的確好可惜啊~
我又諗當年你去白川鄉遇唔到落雪,都係好可惜啊。世事永遠好難盡如人意。

lau2tang said...

咁快又一年~

rempei said...

也許最佳到日本旅遊的日子還是秋高氣爽或初雪時期,算吧!也是一項難忘的體驗!

largeheadboy said...

劉鄧︰有心~
真係唔經唔覺話咁快又一年。

薯嘜︰咦,換句話說,即係要開始準備出發囉喎又~
我都好想飛,好想睇紅葉啊!