Monday, September 28, 2009

迷迷糊糊的96個小時

星期五起床時發覺全身乏力,不知道是感冒來襲還是前一晚打了三個小時羽毛球元氣大傷的關係,結果這天告了病假,看過醫生後就攤在沙發上看電視。晚上到和民吃過飯後到文化中心看表演,跟大部分觀眾一起昏睡了兩個小時。


星期六到娘家吃過午飯後就匆匆跑回家繼續睡,雖然睡了沒有一個小時,但總算回復了一點精神。黃昏的時候跳上擠迫的單層巴士到大角咀,參加一頓很熱鬧的中秋飯聚。回家前還冒着被擲漒水的危險,到旺角走了一轉。

星期日慕名前去同事韓籍太太推介的韓雅林吃午飯,然後避過國慶遊行的人潮,沿駱克道從銅鑼灣一路走到中環,順道看看不日展開的家居裝修所需要的各樣潔具。晚上又回娘家,終於跟回歸香港的弟弟見面。


星期一一切看似回復正常,在辦公室清理過積壓的電郵後,發覺開始發燒了。午飯吃過飯盒,就伏在枱上睡了一會。下班後跟沒見三天的醫生見面,我相信隨後的96個小時,我會繼續迷迷糊糊過下去。

19 comments:

Ellen老師 said...

未周圍去傳播細菌啦!
咁聽晚不用預你啦!

小彭 said...

東亞病夫運動會你大熱啦...
小心d呀! 唔好亂食野喇!

largeheadboy said...

老師︰醫生話我應該唔係豬流感呀,應該無乜菌架,況且我都要食飯架嘛,唔好掉低我呀~

小彭︰唉,攞硬金牌喇呢次,唔知有幾多錢分呢?
我無乜戒口囉,所以咳到我顛囉。唔得,要戒冷飲呀!

小頭 said...

小心身體,病就唔好周圍去啦,多 d 休息啦
就算係普通感冒都會有病毒傳播架...

maymay said...

唔該帶口罩~~

韓雅林巧唔巧吃?

largeheadboy said...

小頭︰有心呀!今日我無周圍去,暫時剩係落過樓下食早餐同埋買麵包,之後又大昏迷啊~ :p

maymay︰無口罩添!
韓雅林 ok 架,前菜好豐富食得好開心,我要嘅栗子牛肋骨煲好好味,最正嘅仲係有窗口大卡位~

光.軍 said...

美食當前PLUS親友相聚 相信有助提升您的提升低降力軀走病魔啊! take care :)

紅米奇 said...

你的活動一D都唔似病, 其實係咪懶人病發作, 想休息下係咪呢, 講真啦, 身體要緊, 唔係美食會遠離你架, 加油!戰勝病魔

歐巴桑 said...

保重呀!

naruto said...

醫生話我應該唔係豬流感呀,應該無乜菌架......>咩野常識嚟架?

Roy said...

奇怪,典解尋日晌公司睇唔到依篇blog既......?
尋晚有無勁咳呀又?

largeheadboy said...

光.軍︰美食實在很重要呀,尤其係我呢啲戒唔到口嘅人~

紅米奇︰咪大大聲踢爆我喇!細細聲話你知,尋日我又攞咗病假呀,成朝攤喺梳化度瞓啊~

歐巴桑︰有心~
今日仲係有啲攰,好彩聽日又有假放。

naruto︰你話我無常識定話呀醫生無常識呀?^t^

roy︰我篇篇都差唔多可能你以為係舊嘢囉~ :p
尋晚又繼續勁咳呀,喺張床咳咗成個鐘至瞓得着呀,真係唔應該食嗰舊流沙金球呀~ >_<

galaxy said...

係咪H1N1呀 ?

lau2tang said...

有無飲可樂煲薑呀~

Ellen老師 said...

有無返工呀?

maymay said...

把聲仲有冇沙呀?

largeheadboy said...

galaxy︰我諗唔會係啩,雖然有同事話九成九一定係喎~

劉鄧︰下晝至醒起,但係呀姐一時間又無薑喺手,結果無飲到呀。啱啱就飲咗杯綠茶 latte,唔知有無幫助呢?

老師︰今日梗有返工喇,不過禮拜五就~

maymay︰仲係沙呀,你好掛住我把性感嘅聲線咩?^t^

Ellen老師 said...

性感嘅聲線~~你做電話接線呀?

largeheadboy said...

哈囉,我係顏聯無,今晚你有乜心事要同大家分享呀~