Sunday, November 09, 2008

クイズ(quiz)前的日曜日

上星期的日文班,先生說下課會有測驗,着懶散的我們用心溫習。為免自己太快跟不上逼不得已要中途退學,我決定這個星期日什麼都不做,只留在家中專心溫習。

早上未到八點就醒過來,剛好來得及錄影這個星期的 Japanese Hour。這個日本旅遊節目從前曾在亞視英文台播放過,幸好現在有線電視也看得到。今集介紹的伊香保溫泉鄉看來也很不錯啊!


把家裏堆積如山的廢紙拿去兩星期一次的廢物回收行動,三十公斤的廢紙從前可以換來一兩公斤白米或幾包公仔麵,不過隨着廢紙回收價格大跌,這次只得到蒸魚豉油一支。


體力勞動過後,肚子不期然餓起來,走到附近一家從未曾光顧過的食肆,吃了既便宜又很不錯的午飯。之後在商場逛了一會,訂購了一個小小的衣櫃,想不到也花上一千塊錢。


回到家裏,有點累,躺在沙發上不期然就睡着了。我不知道自己在這個微涼的下午睡了有多久,只知道醒過來的時候窗外面的夕陽很美很美。


時間不早了,匆匆換過衣服,趕往九龍灣吃一頓彌月酒。睡在媽媽懷裏的小寶寶很幸福,因為她可以快快樂樂地成長,不用為大人世界的瑣事煩惱。


晚上十時多,呆望着電腦熒幕,究竟今天要做的事完成了沒有?

49 comments:

紅米奇 said...

你屋企個view又唔錯喎, 我屋企望極都是樓, 沒有這麼大的天空呢, 睇晒內容都好似唔多提溫習日文 ge (閃) XD

supageti said...

你無溫書!!!!!(我又閃 ~~~ 哈)

娜娜 said...

Yes, you can!

(係you can pass the quiz, 而唔係you can quit呀吓.)

largeheadboy said...

紅米奇︰我屋企都唔差架,坐北向南又冬暖夏涼,有冇興趣上嚟睇下樓呀?^t^
有溫架,不過少少囉,做每件事嘅前前後後嘅寶貴時間係咁咦揭過下本書囉~~

意粉︰睇嚟今日開始要閉關喇我都,厭力好大添~

lala︰多謝你嘅鼓勵呀~
不過如果依家有叮噹嘅記憶麵包就好喇~

supageti said...

番左無耐啫,唔會好多野啩?

話時話,你究竟熟晒五十音未?

largeheadboy said...

意粉︰教咗三課書喇,好多生字要記,又有好多句式要記,總之係諗唔到有咁多嘢喇~
五十音哩,要諗一陣至認得佢叫乜名囉,同埋啲片仮名仲要努力啲先囉!唉~

maymay said...

個日落景真係好靚喎!

我最支持廢物回收行業,為左減輕佢地嘅成本,我次次都係敬辭回贈~

好耐都冇飲過喜酒喇,大頭哥幾時請我飲?

lau2tang said...

好囉,有人知道讀書辛苦囉,我終於搵到知音人了~

supageti said...

帥哥要加油呀,我雖然成日窒你,暗地裡好支持你嫁!

largeheadboy said...

maymay︰冇幾何喺屋企睇日落,在這種天氣下,很舒服。
係呀,恕我才疏學淺,乜嘢叫做敬辭回贈呀?我 google 過唔見有乜嘢喎~
嗱,就下次打波我請飲!^o^

劉鄧︰我不嬲都知道讀書辛苦架,尤其係要一路返工一路讀書嗰種。
唉,為乜呢?

意粉︰我知你對我好,我 feel 到架(流涕中)~
一陣我就會開始溫書架喇~

貝拉 said...

我最近好怕去飲喜宴,因為實在太夜開圍了,等到頸都長埋, 唔早D去又驚同D三唔識七的人一齊坐.

lau2tang said...

你講錯了~
係一路返工一路讀書,忡要打理家頭細務同煮一餐嗰種。

lau2tang said...

話時話,日曜日呢個日語應該未教到架喎,你識唔識讀架?

歐巴桑 said...

你的行為同大叔都幾似喎XDD
今個學期遇上魔鬼せんせい
每堂唔係quiz就默書(簡直像速記那種)
想死呀.....

小彭 said...

大頭分到ru同ro, 都好叻啦!

Ellen老師 said...

昨天1整天上日文課~~~~

supageti said...

唔知好嬲定好笑 ~~~ @_@

lala said...

魔鬼せんせい?唔通係 ......

分到ru同ro梗係叻啦 ......

largeheadboy said...

貝拉︰你講得好啱呀,太晏去霸唔到好位真係好愁啊!
好彩尋晚係滿月酒,只有一圍自己人,十點未夠就收工喇~ ^t^

劉鄧︰我夠要煮飯買餸咯~我會帶埋聽日飯盒,咁食完飯又可以再溫書。
上堂開始教第四課喇,教日曜日呀月曜日呀,快得好離譜啊,不過未溫到佢,完全唔識讀~ >_<

歐巴桑︰大叔同我呢啲都係天跌落嚟當被冚呀,人中人嚟架~ ^t^
其實啲せんせい教得咁快,一課講完又即刻開始第二課,有無理下我地嘅感受嘅啫?

小彭︰ru 讀嘅時候條脷卷多啲,咁最尾一筆咪了埋上去囉,我係咁樣記架!:p

老師︰上足一日堂?咁咪好辛苦囉,吸唔吸收到架?

意粉︰我認真架!點個對我好我知架!^p^

lala︰分到 ru 同 ro 唔夠架,我又唔記得咗佢地嘅片仮名點寫喇~

supageti said...

咦 ~ 你榮升左做伯父牙?

largeheadboy said...

意粉︰伯父?哦,邊有咁快呢?hehe~

maymay said...

敬=恭敬
辭=推辭
回=回送
贈=贈品
簡單黎講,即係唔要贈品囉~

b女唔係細佬嘅,又應該唔係家姐嘅,咁即係.......

rempei said...

伊香保溫泉亦是我曾想過遊覽的目的地,看著您那超級大銀幕上的風景,遊日的意欲又像回復了過來!

光.軍 said...

換到D 白米同公仔麵都好D 喎.有D 淨係得漂白水薄過紙o既毛布仔咋..都唔知換o黎做乜?

largeheadboy said...

maymay︰真係有咁樣嘅叫法架?
睇吓乜嘢贈品喇,有啲唔可以唔要架,例如乜嘢乜嘢買二送一呀之類~
b 女咪係呀邊個個邊個個 b 女囉!:p

薯嘜︰哈哈,得閒諗下去邊,可以調劑下沉悶嘅日常生活啊~
伊香保好似早幾年 hit 過下,依家又好似少咗人講咁。

光.軍︰係喇,我都試過換到啲毛布仔同埋啲很差劣的廁紙返嚟,都唔知點好,都係米同埋公仔麵實際好多。依家好似要 40 公斤至有米換呀~

Ellen老師 said...

想唔想知~~~日曜日呀月曜日呀....點記得快D

交學費比我就話你知~~~hehe

largeheadboy said...

老師︰講咗畀我聽先喇
我聽日又測驗又問書呀
好忙呀~~

supageti said...

開夜車啦,帥哥 ~ 或者聽日文下晝請假鋤書(嘩,好耐無用依個 term)啦 ~

我就靠死記,唸下唸下咪熟囉,にち、げつ、か、すい、もく、きん、ど ..... 無記錯啩 ~~~

lala said...

記生字都有好多方法,我記ru同ro嘅方法係:

ル,ホテル個ル(,仲可以記埋ホ同テ).
ロ,トロ個ロ(,仲可以記埋ト).

largeheadboy said...

意粉︰我寧願唔合格都要瞓覺呀,雖則我依家仲係好眼瞓。
唔放得假呀,老細去咗開會,要看檔呀~
星期幾呢啲唔溫住喇,溫咗啲こねは,そねは,あねは先喇~

lala︰我就係靠見過嗰啲字記五十音,うにか呀にい呀バス呀,不過點都仲係要慢慢諗下佢地點讀,唔可以即時講得出囉~

小彭 said...

個RU字片仮名我真係諗左好耐都記唔記!
ホテル, 完全醒唔起. 我只係記住トロ.

largeheadboy said...

小彭︰啲片仮名好難記呀我覺得,如果唔係有ホテル我都未必記得到個ル。係,記埋テレビ先~

Ellen老師 said...

仲有ビ一ル呀!

supageti said...

過左關嗱?咁輕鬆 ~

Ellen老師 said...

大頭叔求學不是求分數啦!

supageti said...

我驚佢兩樣都唔求囉,老師 ~~

largeheadboy said...

老師︰你成日掛住ビ一ル呀!^t^
求學點會唔求分數吖,啲細路默書唔合格然後咁同你講,你會點吖?

意粉︰個測驗其實好容易,因為我都話易就真係好易囉,淨係啲片仮名唔熟囉~
我其實兩樣都唔係好求,我淨係財同埋兩餐安飽咋~~ ^p^

supageti said...

啲片仮名唔係咁常用,的確係難記少少,多啲 Quiz 都好,可以迫自己勤力溫書。

largeheadboy said...

真係呀,有啲 quiz 真係迫到我溫書呀,如果唔係我仲未識寫ラジオ,カメア呀~
不過又唔好測得咁密喎!^t^

supageti said...

カメラ呀,帥哥 ~~

naruto said...

屋企向西喎!同我一樣

Ellen老師 said...

大頭叔~~~

細路默書唔合格~~~我覺得係家長問題,同埋細路懶攞!

largeheadboy said...

意粉︰係喇,我呢幾日不停溫書預備測驗,但係一過咗測驗就乜都唔記得架喇!依家你提咗我,我以後一定唔會再搞錯カメラ架喇~ ^t^

naruto︰好彩我又唔算正西喎,所以下晝都唔算曬得好厲害。

老師︰我覺得最主要係細路嘅問題,好講佢地自己肯唔肯用功上唔上心,家長反而係其次。

Ellen老師 said...

家長有責任同細路溫書,家長有責任唔比細路打機同街玩....

largeheadboy said...

老師︰可能細個我地好獨立,乜都係靠自己,溫書做功課爸爸媽媽都無理我地,所以我點都係覺得讀書得唔得主要都係靠啲細路本身~~

lala said...

三天學會平假名的方法

http://blog.roodo.com/dcalfine/archives/4504621.html

largeheadboy said...

lala︰謝謝你啊!其實我都有記下啲仮名嘅字源,不過你都係要對住個字諗返佢個來源至記起佢嘅讀音,又慢咗啲。可能係仲未睇得慣,好多字仲未可以即刻讀到出嚟~

lala said...

你下個月都去實習啦,一於食多幾餐洋食,真係學得好快o架!

largeheadboy said...

lala︰係喇,好緊張呀!第一次識多少少日文去日本,唔知會點嘅呢?可能會呆望住啲日文字,之後好開心咁讀到佢出嚟,但係最後又唔知佢講乜~~ ^O^