Tuesday, March 23, 2010

肥的瘦不了

為了打破“肥的瘦不了,瘦的肥不了”這個定律,今晚在娘家吃過飯後我就趕忙回家換上短褲波鞋,然後戴上耳機,在這個球場喪跑了四個圈。


其實昨天我已經計劃來這裏跑步,可是礙於空氣質素太差,為免在球場上壯烈地猝死,還是到了今天才展開我的修身大計。

這陣子,幾乎每個碰上我的人都說我住得好食得好,連帶臉漲了身型也大了一個碼。其實不用他們多說我自己也有自知之明,因為褲子實在越來越緊,把我的大肚子完全暴露在大家眼前,怎麼掩飾也掩飾不了。同事說跑步對減肥最有效,況且住處附近就有一個挺像樣的運動場,就不要浪費了它吧!

太久沒有跑步跑了兩個圈我已經氣喘如牛,但沒有理由這樣快就放棄回家做宅男吧!於是我再拼命多跑兩個圈,然後再慢慢多走兩個圈,出了一身汗之餘,彷彿身心也輕了一圈。


為了自己為了市容,我想我會繼續跑下去的。

22 comments:

Artman said...

咦, 我今晚都去完呢度跑喎, 不過我係跑10-11pm, 我估你應該走左喇. 空氣唔算太差, 有些涼風, 跑得幾舒服.

naruto said...

原來同樓上係鄰居喎

你都跑,我無藉口啦!

largeheadboy said...

artman︰我印象你住香港嗰邊個喎~
我好早,八點半已經跑完返屋企喇。係呀,空氣都唔錯,趁夏天濕濕熱熱之前要落力啲跑至得。

naruto︰係喇,你又跑喇,不過今朝對腳仔軟晒,無力追巴士~ :p

小頭 said...

跑步好易傷膝頭哥,大頭哥 keep fit 之餘也要小心呀。祝有志者事竟成。

lau2tang said...

既然肥的瘦不了,仲跑黎做乜?
咁多餘既嘢,你應該唔會做架?

maymay said...

"為了市容",呢下至愇大啊!^o^

樓上此言差矣,佢專做多餘架啦不嬲都~^o^

Anonymous said...

呢輪空氣咁差,不如改為跑室內的機啦!
保護個肺要緊呀!
蘭子

supageti said...

我可以 imagine 一個氣羅氣喘既帥哥係幾咁無型囉 ~~~ :P

largeheadboy said...

小頭︰我都知對膝頭唔好,不過我又唔曉游水喎,最有效嘅可能就得跑步。放心,我好求其架咋,應該好輕 can~

劉鄧︰所以今晚咪無跑囉!

maymay︰咁我駛唔駛唔好再出街做電車男算呀?

蘭子︰我呢啲新 x 坑,可能跑多一兩次就唔跑架喇~ :p

意粉︰成身大汗仲帥呀你都唔知......嘩,嘔呀!

Rempei said...

你好幾好吖,起碼肯跑一次..........

歐巴桑 said...

我朝朝都堅持跑步.....到巴士總站趕上車o架:-P

Artman said...

其實我weekend先係香港人, weekday係九龍人.
俾心機啦, 不過講真如果真係為左減肥, 4個圈係唔夠架, 起碼都30分鐘啦. 加油.

largeheadboy said...

薯嘜︰你都跑吓喇!我知你幾多吋腰架~ :p

歐巴桑︰要持之以恆呀!禮拜日放假都記住要一朝早追巴士呀!

artman︰oic~
我都知四個圈好唔夠,啱啱先開始出汗無耐,但係真係頂唔順唔夠氣,或者等我跑順咗可以跑多一個圈喇~

supageti said...

R 每次都跑 8 至 10 個圈,加油啦,後生仔 ~~~

largeheadboy said...

意粉︰8 至 10 個圈巧厲害喎!我前晚跑完對腳到依家仲軟軟下,唔再後生喇~

光.軍 said...

跑完步再過對面游埋水, 應該會減得重多喎 :P

largeheadboy said...

光.軍︰咁又唔駛咁激,咁搞法唔猝死都一定抽根呀!哈哈!

ROY said...

買番部wii晌屋企做運動啦~

largeheadboy said...

roy︰都係好提議,不過等裝修之後喇~

lau2tang said...

大頭,
你見到萊少個身型就知道wii有無用啦。

紅米奇 said...

又咁橋, 我都打算賞櫻返港後去球場跑圈呀, 強調係『打算』, 實行與否同實行幾耐好難講 XD

largeheadboy said...

劉鄧︰咦,又係喎,咁又可以慳返~

紅米奇︰係喎,又就快出發囉喎!咁食法,返到嚟係一定要去跑圈呀你!