Wednesday, May 11, 2011

辦公室奇趣錄

有天吃過飯想補充一些珈琲因,就走到星巴克買了一杯 latte。坐電梯回辦公室時,遇上一位當時他認得我但我不太認得他的同事。他跟我說在星巴克買珈琲挺奢侈,自己就每天午飯回來沖一杯即溶珈琲提提神。


(內有不雅照片,慎入!)

於是乎,我跟他交換珈琲,他給了我一包據稱跟焦糖珈琲味道很相似的三合一珈琲,而我就轉贈給他一包快將到期的 mont blanc latte。

要數世界上我最害怕的東西,小強即使三甲不入也肯定位處五強之內。發夢也想不到現在每天上班,我竟然要與小強為鄰。


沒有放到很大,因為實在很恐怖。看到嗎?隔壁的同事的 partition 上,竟然有一隻不知在什麼世紀之前給壓扁了的小強。同事都不介意與這乾屍相陪,那我就唯有每天默默地跟牠打個招呼吧。

公司附近有一家涼果店,任選糖果才是 28 塊錢一磅,花心的我每次總是每款也盡量挑一些。第一次光顧時,挑了一大袋滿以為應該至少有一磅,過磅時才發覺原來只要 11 塊錢。到了第二次,更只花了九塊錢就抽了一大包糖果離開。


結果現在每天清潔工人替我清理廢紙箱,總會發覺給我扔棄得最多的,並不是什麼廢紙膠紙告示貼,而是一張又一張糖果包裝紙。

別人囤積鹽和奶粉,我就囤積白砂糖。不知就裏的人來到我的工作間,一定以為我經營茶水蛋治公仔麵,因為我的枱面上永遠有幾十包白砂糖。


每天早上買奶茶,總會付上兩包白砂糖,不過我實在用不上這麼多,一包白砂糖通常可以分作五天用。近來多了吃麥片,相信囤積白砂糖的情況應該可以暫時紓緩一下。

沒有必要,我盡量不想光顧公司的洗手間,因為環境和衞生狀況跟外面的公廁沒有太多分別。這種事情,怎可能發生!


上個月,完成了來到這裏的第一份大 project。我想這個大 project 我應該要起碼多做九次,也即是說未來日子我會繼續在這個地方遇上更多其他有趣的事。

18 comments:

歐巴桑 said...

大project是洗洗手間嗎~~:-p

largeheadboy said...

歐巴桑︰我地個洗手間好得人驚,洗廁所確係天大工程啊!

supageti said...

唔用得咁多糖就唔好攞嘛 ~~

Ellen老師 said...

又糖紙,又沙糖,無小強就怪,米老鼠遲早都有啦!

naruto said...

你呢D咪就係唔環保囉,攞左又唔用,又多包裝;樹精嚟搵你呀

l.minor said...

如果我知道阿姐差唔多時間清理垃圾筒,我就會掟d糖紙係自己個垃圾筒,否則就出去算,免得有小強

你買涼果/糖,太源街同交加街都有兩三檔,得閒過去睇下,可能平d,我見都幾多人買

TY said...

個廁所果然肉酸....
唔係食咁多糖呀!!! 糖尿呀!

largeheadboy said...

意粉︰你有所不知喇,間麵包鋪超好生意,做到唔停手,所以一早已經放晒啲砂糖入膠袋,買完就即走唔係就會畀人趕架喇~

老師︰咁我隔離養米奇,我就養米妮,之後就可以將公司變做迪迪尼!

naruto︰冤枉呀,我好環保架,儲得咁上下我就將砂糖轉贈畀之前 office 沖茶嘅阿姐架~

l.minor︰無用架,即自己咁做但係其他人唔係咁做,小強都係會出現架,我公司周圍都係小強屋呀~
太源街交加街遠咗啲喎,好熱架行過去~

TY︰個廁所仲有啲再核突嘅野添呀,唉~
知道,依家好間唔中發晒呆至攞一兩粒出嚟食下,我怕肥多過糖尿啊 :p

galaxy said...

在你那邊用海報遮住那「乾屍」,個廁所都ok, 快用完快離去囉。

largeheadboy said...

galaxy︰其實我同隔離位隔咗一條通道,所以塊 partition 我唔搞得架~
當然喇,我還學懂走進洗手間後忍着不吸氣。

小彭 said...

嘩, v8呀, 好掛住~

largeheadboy said...

歐巴桑︰我覆咗你架喇之前,不過啲留言唔見晒,睇下遲啲會唔會游返出嚟~

小彭︰(未覆過)V8 嘅雞尾包熱辣辣超讚呀!

灣仔之友 said...

V8 嘅雞尾包熱辣辣超讚呀!
>> 真的? 我都愛吃雞尾包哦, 但是V8真的從沒幫襯過. 我行開過頭多數會去M&S買包o架.

largeheadboy said...

灣仔之友︰佢地個雞尾包係圓形唔係長條形,方便攜帶啊!不過太多人排喇朝早。M&S 啲包可以嗎?搵日試下先~

ROY said...

要晌度坐幾多年先再調呀?

largeheadboy said...

roy︰正常就坐多四五年喇,不過如果禮拜五中咗六合彩,就…… :p

Anonymous said...

原來真係要firefox至睇到。
你公司污糟0既!蘭子

largeheadboy said...

蘭子︰遲下可能要裝晒 chrome 架喇,自己裝唔駛煩啲電腦人呀~ :p
公司污污糟糟,襯晒我喇!

(咦,之前唔見咗嘅留言返晒嚟喇~)