Thursday, January 26, 2012

新春大吉


不知道我是怪獸還是隱形人,我家早更的保安員平時眼尾也不看我一眼,但每逢大年初一,他總會站在電梯大堂主動跟我打招呼。今年我學乖了,特別給他預留了一封加上記號的紅包。

今天開工大吉,朝早坐上比亡命小巴一樣快的隧道巴士,不用二十分鐘就從彩虹去到灣仔,時間充裕得還可以到茶餐廳吃一份豐富的早餐。雖然很多人都會在過年後多放一兩天假,但我就很享受這個時候上班暢通無阻的路面。

舊的皮鞋穿了好幾年,鞋底已經磨蝕了很多,今天就趁新晶頭換過新皮鞋上班。除了感覺有點緊和有點硬之外,穿上新皮鞋後整個人還高了一點,因為鞋底還是厚厚的。到洗手間照鏡,還要微微把腰縮起來哩!

早上請教不太稔熟的同組同事一些電腦問題,解決好後就在大庭廣眾前跟他說“ok 喇,唔該晒 Peter (假名)!”這個時候我才醒起他其實不是叫 Peter,而是我想了好一會才記起的 Johnny (同樣是假名)。天啊!那一刻我真的想找個地洞躲起來。

一年伊始,我再次恭祝大家財源廣進、路路暢通、步步高陞,當然還要醒醒目目!

10 comments:

supageti said...

典解紅包要加上記號?饀係咪麥當當 Q 旁呀?:P

最尾果段係畀你自己嫁嘛?^^

largeheadboy said...

意粉︰因為畀樓下看更封利是得十蚊,其他就廿蚊。麥當當 Q 旁咁矜貴,緊係自己要喇。
最尾果段大家都啱駛喇~

l.minor said...

新春大吉~ 身體健康呀!

naruto said...

比過期大家樂茶餐coupon啦

叫錯人名,老人痴呆喎

卡臣 said...

我諗(peter)也記不起你乜名

Cat said...

其實除左你之外係咪無人發覺你叫錯名架?

largeheadboy said...

l.minor︰謝謝!我都祝你身體健康,成年都笑口常開!

naruto︰唉,尋日真係發現有張 $50 mrs field 嘅 coupon 過咗期,好肉赤呀!
都唔算老人痴呆,係我跟本唔記得佢個名~

卡臣︰你呢句又真係喎,其實呢度應該好多人講唔出我個名~

cat︰應該有架,瘀爆喇呢次~

佛爺 said...

點解張照片影佐兩對鞋?咁既構圖,第五張相應該係條底褲,放係中間果度,嘻嘻!

紅米奇 said...

可能當場有另一個PETER話唔洗客氣^^
我樓下管理處就醒目, 平時得一個人, 但初一至初三就3人一組企係到, 見到呢D佈陣實有點反感, 最後我地待初四回覆正常一人一更才比我認識的管理員

開工大吉呀,全年大大小小事件都順順利利

largeheadboy said...

佛爺︰兩對鞋一新一舊,做個對照嘛。至於底底,呢啲係私密野,唔係隨時公開架~

紅米奇︰好彩無咋,真係失禮呀!
我都唔鍾意一大棚人喺度等收利是。早幾日返娘家,樓下有兩個管理員,一個我鐘意一個我唔鐘意,我第一時間沒有畀利是,之後再出街見到唔鐘意嗰個唔喺度就那那聲畀咗我鐘意嗰個。
你同 M 君都笑口常開,萬事如意呀!