Thursday, April 12, 2012

第十一回︰彥根と東京

計劃行程時,有想過離開加賀溫泉之後就返回金沢,然後繼續北上拐個大彎到滑雪勝地新潟県的越後湯沢,看看雪和逛逛那個超巨型的車站後才返回東京。後來發覺如果坐白鷺號列車南下到米原再轉東海道本線,坐一個站就可以去到滋賀県位於琵琶湖旁邊的彥根,除了可以到彥根城一遊,也可以一嘗有很名氣的近江牛。

就這樣,花了個半小時,我們從加賀溫泉來到彥根。


這天陽光雖然很好,但新一輪冷鋒應該剛好來到,走在街上寒風陣陣,冷得要命。


彥根隨處可見的不是彥根城,而是與彥根城也有點關係的彥根貓ひこにゃん


ひこにゃん其實是在 2007 年為了紀念彥根城築城 400 年而特別創作的吉祥物,不過牠實在太可愛,人氣非常旺盛,結果築城 400 年祭完結後ひこにゃん給保留下來,現在牠更成為彥根的新名物。


老實說,我對ひこにゃん的興趣比彥根城還要大,所以當知道ひこにゃん這天剛好不會在彥根城出巡,就把心一橫決定不去彥根城參觀,反正日本的天守閣每個都是差不多的樣子,況且我們在彥根只停留短短兩個鐘頭。


ひこにゃん的確很大人氣,周圍都是牠的蹤影。


至於彥根城,就離遠眺望好了。


本町夢京橋一帶的房子帶點江戶味道,是彥根另一個觀光熱點。當然,不少人來這裏都另有目的,就是為了日本三大和牛之一的近江牛。


這裏有不少吃近江牛的店子,不過價錢都不太便宜,幸好給我們發現了這家店子,套餐包括近江牛一口牛扒、近江牛漢堡扒、炸蝦和炸豬扒才賣 1,800 円,那就不作他選了。


吃過飯,走到彥根城下面的護城河旁邊,幾隻大概未吃飯的天鵝一直跟着我們,可惜要令牠們失望了。


這個時候還是光禿禿的樹,幾個月之後就應該開滿非常燦爛的櫻花。


這些紅葉,應該是這次旅行遇上的最後一堆了。


之前想過從這裏走到琵琶湖畔,不過沒有詳情研究路線,還是不要亂走。


回到彥根駅,發覺東海道本線出現延誤,應該不可能接上預訂了從米原到東京的新幹線。就這樣,我們在米原多出了接近一個鐘頭時間。不要以為米原有新幹線就會比彥根熱鬧繁盛,米原車站周邊十分冷清,幸好不遠處還有一間超市,可以讓我們消磨一點時間。


就在月台等候新幹線的時候,天空飄來點點雪粉。


以往遊東京,不是住在新宿就是池袋上野,這一次終於真真正正住在東京。我們住進的相鉄フレッサイン東京京橋離東京站八重洲口不遠,拖着行李走過來都算很方便。


相鉄フレッサイン東京京橋開業才半個月,房間很大也很新,幾乎還可以嗅到裝修的氣味。除了有衣櫃、沙發和電話充電線之外,床褥更用上 Sealy,難怪住在這裏的兩晚睡得那麼好了。


回到東京一切又是那麼熟悉。在綠色窗口預訂好明天往輕井澤的新幹線車票後,就坐中央線到新宿逛街去。


一心要在十點半之前回到東京駅一番街,希望一試東京超人氣拉麵店六厘舍,但原來六厘舍十點鐘就已經 last order,還一早就不再讓人排隊。


拉麵街其他店子都是有點來頭,鼎鼎大名的九段斑鳩半年前才光顧過他們的本店,那就不如到六厘舍隔壁也有不少人在排隊的塩専門ひるがお吧。


第一次吃東京近幾年很受歡迎的沾麵,覺得有點兒不習慣,因為感覺拉麵應該是熱騰騰的,但這碗就像我們撈麵的塩玉つけ麺不但麵過了冷河已經有點涼,就連有不少叉燒和貝柱在內的湯底也只有微溫。不過我們還是三扒兩撥就把整碗麵幹掉,除了是我們太餓之外,還因為這碗塩玉つけ麺也實在太好吃了。


這晚的宵夜,是我愛上了的 Lawson 明太子飯團。

29 comments:

紅米奇 said...

沾麵? 都是熱辣辣的拉麵好D
女性專用車卻影到全男班, 好野, 咁都比你捕捉到 ^^

largeheadboy said...

紅米奇︰都 ok 好味架,個湯好濃味,同埋唔會食到成身汗囉我呢啲大汗人。
咁你都留意到全男班!大家都好專心上網,唔駛擔心有痴漢喇~
係呀,呢篇要唔要 post 埋去你嗰度呀?^^

卡臣 said...

強力要求加返張有你嘅相,唔該

小妹 said...

Lawson 明太子飯團 (讚)
噢! 忘了這兒不是FB... :P

Cat said...

個义電器又真係好方便喎。

影相個陣你朋友匿埋左?

點解女性車廂有男人?係咪即係分時段先係女性車廂?

largeheadboy said...

卡臣︰我有照顧一眾 fans 嘅要求都有放自己相架今次都,不過無之前咁大張咁驚嚇之嘛~

小妹︰Lawson 飯團係堂主介紹架,的確無介紹錯,下次去一定要再食呀!

cat︰聽講話依家啲新酒店好多都有呢類叉電器,的確非常方便呀!
我朋友無我咁鐘意出鋒頭,緊係匿埋喇~
女性車廂好似夜晚九點幾十點至實行,可能嗰個時候多啲痴漢卦~

l.minor said...

彥根貓好cute呀~好吸引,好想去

另外張magic相好靚

TY said...

好感動呀... 你繼續寫呀!!!! *讚*

彥根貓好可愛啊!!!!!!! 淨係呢個都值得去滋賀啦!

laulong said...

本町夢京橋一帶房子的那張照很有和諧之美!

ayclui said...

好感動呀... 你繼續寫呀!!!! *讚*X 2
東京...唔太啱我~

largeheadboy said...

l.minor︰彥根貓的確好可愛,我都忍唔住入咗佢啲貨返嚟~
估唔到滯留喺米原反而有機會遇上 magic hour。嗰陣時個畫面幾夢幻下架~

TY︰應該仲有兩篇就收工,今次唔會爛尾喇卦。
櫻花期彥根都會好靚,有機會絕對可以再嚟架。

laulong︰可唔可以再加埋落晒葉嘅樹又有蕭條嘅美呢?

ayclui︰要寫完至可以再出發嘛,我知道架喇~ :p
東京都有佢好嘅一面架,有好多好野我地都未發掘到。

佛爺 said...

largeheadboy:

你係咪識日文架?你在日本讀過書?

小彭 said...

彥根城櫻花真係唔錯架!

東京間酒店都幾好咁喎(即刻睇下先)... 日月曜日連泊plan幾抵喎!

暫時都未聽到有人話呢個飯團唔好食, 超鐘意呀~

maymay said...

等我都買呢隻飯團試下先~~

largeheadboy said...

佛爺︰你又提返起我嘅傷心事喇,我日文肥佬架~

小彭︰係咪睇你嘅遊記呢?我記得睇過彥根城櫻花的確係好靚架。
當東橫 inn 都要九千幾,我覺得呢間直頭可以用超值嚟形容呀。我就緊睇下可唔可以住禮拜日平啲~
飯團真係好介紹,要試埋唔同味呀~

maymay︰走嗰日諗過買上機食,不過最後忙得濟冇買。你一定要試呀!

ROY said...

無上彥根城唔係化下!國寶黎個播~

Jackson said...

我學你地去 Lawson 買飯團, 但係點解感覺好普通....

largeheadboy said...

roy︰我呢啲 cheap 友,要畀入場費就未必上去喇,同埋時間がありません嘛~

jackson︰我又覺得 ok 喎,仲 keep 到濕濕潤潤,呢樣好難得喇~

ROY said...

樓上位jackson
一來口味各有唔同啦我估,但最重要既係依版主黎講,俾舊X佢食都會話好味架XXD

largeheadboy said...

roy︰不過最衰絕絕絕大多數X都係臭架喇~ :p

Jackson said...

可能我喜歡脆的海苔

largeheadboy said...

jackson︰脆嘅紫菜的確可以加分,不過其實只要用日本米做嘅就 ok 架喇。好掛住東橫 inn 嘅飯團添~

joeyee said...

我就覺得呢.....
食乜野都吾好期望咁高,錦個感覺就好吾同,幾百yen你想點?
同埋都要有食運至得, 我嚮羽田買果個飯團紫菜係脆的, 但嚮成田買果個就吾得.

Jackson said...

我咪係用 100yen 價值去評價佢, 都係海苔分隔的包裝啱我多啲. 不過飯團我又真係好少食....
:P

largeheadboy said...

Joeyee︰咦,係喎,你隻 lawson
飯團同我嗰隻唔同 packing 嘅~

Jackson︰我公司嗰頭開咗間日式飯團店,依家食多咗,不過就越食越掛住日本嗰啲囉 ^^

lau2tang said...

大頭,
東橫Inn飯團??? @~@
鄉下的東橫Inn怕且會好啲,大城市個的,咪搞我!

largeheadboy said...

劉鄧︰東橫 inn 嘅飯團我不嬲都 ok 架,夾埋片醬蘿蔔食都唔知幾好味,不過好耐未住過佢喇~

ayclui said...

報告報告: 名古屋東橫Inn嘅早餐有大躍進呀~
有生果(橙&蕉),大根沙律,麵包,飯團,味噌汁,腸仔,炒蛋,咖啡,好鬼豐富O架~

largeheadboy said...

ayclui︰好豐富呀的確!不過無相無真相,快啲寫你個遊記 po 埋出嚟睇過喇 :p