Wednesday, April 18, 2012

第十二回︰輕井澤と東京

一心以為現在新開張的旅館提供的早餐應該不會差到哪裏,而且回到東京後不用再趕時間可以輕輕鬆鬆吃過早餐才出門,所以在預訂相鉄フレッサイン東京京橋時選擇了連早餐的方案。


早餐的場所是旅館地下的小餐廳。如果是免費的話,這頓早餐算是非常超值,不過每人 800 円,我期望得到更好的。事實上,訂房網站上用家對這家旅館各個方面都留下不錯的評語,唯獨朝食一項得分卻很低。


不過這家旅館地點好、房間也舒適,價錢合理的話我一定會再住。


趁手上的 JR Pass 還有效,想過去越谷的 AEON LakeTown、大宮的鐵道博物館,又或者輕井澤的星野溫泉。最後我們決定到輕井澤,不過不是去浸溫泉,而是純粹到 outlet 血拼去 。


很可愛的信州散步熊 アルクマ,我們又見面了!


十二月中,輕井澤已經下過初雪,不過降雪量絕對不足以鋪滿整個山頭讓來滑雪的人滑個痛快。事實上,輕井澤這個滑雪場向來都非常依賴人造雪。


路邊偶有少量積雪,也有指示牌提醒大家小心滑倒,但還是有人傻乎乎的給滑倒了,呵呵!


接着的四個鐘頭,可謂日月無光,就算外面下着大雪我們也不管了。


舊輕井澤銀座那邊?Sorry,沒有時間重遊啊!


快日落了,也是時候離去。坐在新幹線上,看着太陽在富士山旁邊慢慢降下,又挑起我的離愁別緒。


昨天沒有吃到東京駅一番街六厘舍,更加激發起非吃不可的決心。從新幹線月台走下來,才是五點幾吧,圍着店外的人龍已經要分開兩批。


這張相是之後補拍的,一開始的時候我們就排在這條樓梯的盡頭。


我們抽着一袋袋戰利品,我就想與其兩個人在這裏排隊,不如兵分兩路,我先跑回旅館放下所有東西,留下團友一個人繼續排,即使我回來大概也未輪到我們,而且也可以省下時間之後可以即時再出動。好,就這樣決定吧!


天,怎麼要橫過馬路時總是遇上紅燈呢?


說遠不遠但說近也不近,即使急步返往旅館也花了不少時間。這一刻氣溫十度也不到,但回到六厘舍時我已經香汗淋漓。這個時候我還要做出一件超級難為情的事,就是捐過圍欄跟團友會合。換句話說,就是插.隊!


我們後面的一對男女雖然在我們開始排隊後不久就來到,理應知道我們兩個人是一伙的(對對對,這不是借口),但那男的還是即時說了ダメ(“不”的意思)。碰巧拉麵店的服務員出來點算人數時看到我的惡行,就走過來跟我說不可以插隊,我聲淚俱下地說我們是一組的,但他當然不容許我在光天化日之下插隊。情急智生,我只好說我剛上廁所回來,事實上我也真的有上過廁所,只不過廁所是在八分鐘路程之外的旅館吧!可能他看到我滿頭大汗,最後還是放過了我,還替我向排在後面怒火沖天的人解釋。皆さん、ごめんなさい。

我知道日本人很守規矩不會插隊,但我實在是逼不得已,各位也不要以身試法啊!


幾經波折,六厘舍這碗沾麵終於端到我的面前。


沒有點附玉子的,因為這幾天已經吃過太多雞蛋;也沒有點大盛的,因為正常份量的已經很大。把粗粗的麵條浸進濃郁的魚介湯底然後放進口裏,我明白到為什麼六厘舍外面一整天都排着人龍。


吃完麵,再請服務員把湯加到濃濃的麵汁裏去,然後一併喝掉,大滿足啊!


越夜當然越精彩,之後我們又坐上新幹線,這次是從東京到上野。


下一站來到 Tokyo Midtown 的芝生広場,看去年也看過的 Christmas Illumination


Tokyo Midtown 已經連續第五年舉辦這個燈光匯演,今年的匯演更首次分作兩個不同部分,第一章 Space Journey 已經在十二月初完結,現在輪到第二章 Birth。


從流星墜落大地伊始到冰河時期然後萬物重生一切欣欣向榮,都在 Flare、Nature、Ice Age 和 Earth 這幾幕短短幾分鐘之間展現在大家眼前。


有興趣的,不妨看看有心人拍下的 video,感受一下現場的氣氛。


雖則還有一個禮拜才聖誕,但聖誕的氣氛很濃烈啊!


這次旅程最後一晚,怎樣也想多走一些地方。一不做二不休,各位觀眾,東京鐵塔です。


返回旅館之前,再快閃一轉池袋和新宿,我始終是一隻沒有腳的雀仔。

22 comments:

紅米奇 said...

又出埸喇, 乜跌得好痛咩, 個樣有D苦
學了日文的大頭可以係插隊事件中用得著呢, 如堅持要你再排的話, 怕你即刻暈低都唔定~

卡臣 said...

好睇啦今篇,有你出現吖嘛

Jackson said...

依隻雀係癲架, 幾日的行程可以一日做晒.

叫 JR 唔好再賣 Pass 比你.

TY said...

大頭先生既行程真係好緊密,比我應該會攰到爆!

naruto said...

沒有腳但有腩的雀仔

Cat said...

條隊咁長,咪要排成粒鐘?

largeheadboy said...

紅米奇︰抵死呀有人,見到雪就踩埋去 :p
如果要我地再排過,我一定走喇,時間好珍貴架喺日本,所以好彩無趕我地走咋。

卡臣︰應該係平時都好好睇,呢篇就特別精彩囉~

jackson︰本來諗住上晝去完大宮鐵路博物館之後下晝至去輕井澤,依家蝕晒喇!有張 pass 我就萬能,飛去邊都得~

TY︰我都攰架,尤其我年紀都有返咁上下,不過無計喇,我係一隻無腳嘅雀仔嘛~ ^^

Naruto︰咁降落嘅時候會擦損個肚腩喎!

cat︰有排咗成個鐘呀,不過我攞咗啲野返酒店唔駛食完麵之後至返去,呢度都慳咗半個鐘架。

l.minor said...

你嘅一日行程可以去好多地方,你係咪有48個鐘架?

插隊事件估唔到佢地會咁

outlet係咪真係好平呢?

佛爺 said...

你可能踏到冰,雪是不太滑的。

laulong said...

東京鐵塔,那年在等日子回港,在東京 hea 了七日,在鐵塔午後呆到夜晚,就是要看那夜景!

lau2tang said...

呢個遊記應該唔使爛尾喎~
好佩服你一日可以去咁多個地方。我嘗試好似你咁要衝、衝、衝,趕、趕、趕,但攰到要死!

Ellen老師 said...

咁趕....我1定唔会啦..

欣宜 said...

原來大頭哥真係帥哥一名

largeheadboy said...

l.minor︰無計,太少時間太多地方想去同埋要去。
咁我打尖我的確係唔啱,又或者我地後面對男女之前完全無留意過我地哩,下次唔敢喇~
outlet 平架,咁啱喺 adidas 遇到限時 time sale,仲有額外六折,我地咁就買咗三對鞋,然後喺 polo 買三件就有額外折扣,又掃,開頭我都諗唔到會買到咁多野。

佛爺︰你真係以為我滑倒呀?其實我專登行埋去扮"線"親架咋,條路咁闊。不過嗰啲應該都硬晒,滑滑地架都~

laulong︰等日子回港?莫非當期時流浪中?東京鐵塔我都覺得夜晚靚啲,我都係第一次咁接近佢咋。

劉鄧︰仲有一篇就收工,今次好叻呀 :p
其實我又無特登趕住去邊咁,係行完睇夠就去下一個地方,不過都好攰啊~

老師︰去咗咁多地方做咗咁多野,好開心架 ^^

欣宜︰哈哈,名不虛傳啊呵!

Ah ming said...

影東京鐵塔的話,個人認為是從六本木山影過去最靚!

ayclui said...

輕井澤嘅風景好靚o架, 我反而無興趣去"濕平", 仲有一篇收工, 好, 你收工我就開工寫遊記, 想睇就快手啦~

largeheadboy said...

Ah Ming︰係呀?咁我就下次咁樣影過去喇~ ^^

ayclui︰我都無諗過"濕"到咁耐,欲罷不能呀有啲鋪頭!
咁你要寫定喇,我一定無爛尾架呢次~

小彭 said...

好得呀呢日個行程, 我都好想學似你咁樣! 好耐無錯新幹線喇, 由東京搭去上野, 真係幾浮誇呀!

ADIDAS TIME SALE得9折咋, 所以我罷買囉今次!

l.minor said...

咁多折,羨慕死人囉~

largeheadboy said...

小彭︰好野,終於有人欣賞我嘅行程!咁樣至係旅行啊呵!^^
真係好浮誇架,不過喺上野落車其他乘客都好奇怪囉。
九折真係無乜 so 喎,六折先至有誠意嘛~

l.minor︰本來無諗過點買架,不過見佢有咁多折就即刻驚蝕底咁同人逼囉我。

ROY said...

未食過沾麵,睇個樣興趣唔大...
西九龍開左間食沾麵既,你幾時去試下?

largeheadboy said...

roy︰乜都試下嘛!
西九龍嗰間好多人排,又成日話賣晒,我無咁大意欲去試,同埋深水埗又有咁多好野食~