Sunday, May 14, 2006

高超道



看見今日風和日麗,不算太過濕熱,仍適合在炎夏之前到戶外走走,十二時怱怱換上短褲,乘地鐵到藍田站,希望重訪兒時舊居高超道。

穿過藍田一幢又一幢高高的建築物,仿如隔世,昔日舊式的藍田邨已變成面目模糊的 X 田邨、X 田苑,密密麻麻。走到從前是盡頭路但現已直通藍田的碧雲道,很快便到了兒時經常造訪的水塘山公園。以前很大的公園現在縮小了很多,四周盡是令人喘不過氣的高樓,但不變的是遊人依然稀疏。



地上還有在曬太陽的lizard!



沿衛奕信徑向東走,盡管太陽很兇,但風很大,很乾燥,不太覺得辛苦。經過墳地,不到一小時便到達炮台山。在頂峰上看著大海,很舒服。





沒有帶水,口乾得很。之後下山走到油塘休息一會,再重遊鯉魚門。小時經常使用的碼頭仍在,只是附近多了另一幢礙眼的高樓。村內正有粵曲表演,很熱鬧。



看見屋旁的出水口長了一株長春花,生命力之強令人驚嘆。只是,在一切都是去舊迎新的世代裡,再強壯的花一天也會在我們的手中枯死。



晚上回家吃飯慶祝母親節。媽媽剛出院,一家人聚首一堂真是一件快事!

15 comments:

supageti said...

我以前住油塘,o個頭變晒樣咯!

要多陪陪父母親啊!

largeheadboy said...

我都知你細個時住油塘呀!
我很疼我的父母,但只恨自己缺乏耐性。

supageti said...

以前一家六口迫o係油塘間一百呎屋仔, 大家都性格火爆, 成日開火,好彩一家人無隔夜仇,依家唔同埋一齊住, 相處容易左好多,多 d 番去食飯兩老已經好開心 ~

Anonymous said...

我以前都係住油塘的 ! 屋企比supageti仲多人, 係七個人迫o係間一百呎屋仔到, 成日開火難免了, 屋企人緊係咁啦 ! 家庭樂嘛, 唔通客客氣氣咁見外嗎。

largeheadboy said...

小時候父母都要上班,日間只得我們四姊弟在家中,打架嘈交係經常事。依家諗返那段在高超道住的日子,確很懷念。

Anonymous said...

Hello~My name is Alan LAM~你又係住高超道邨架?我又係呀!你好懷念高超道呀!我哋正準備整一個網頁係有關高超道邨同小學架!現在我哋暫時會在兩個討論區內交談住先,遲下高超道邨網頁整好後,就會刊於該兩討論區內通知大家!所以請你密切留意討論區之動向!
網頁名稱:德興茶餐廳
http://www7.discuss.com.hk/viewthread.php?tid=6151805&extra=page%3D1&page=1
普澤小學
http://www9.discuss.com.hk/viewthread.php?tid=5740112&extra=page%3D1
希望可以係網頁討論區見到你及請通知昔日街坊好友一齊參與呀!Thank you very much~~

Anonymous said...

Hello~My name is Alan LAM~你又係住高超道邨架?我又係呀!你好懷念高超道呀!我哋正準備整一個網頁係有關高超道邨同小學架!現在我哋暫時會在兩個討論區內交談住先,遲下高超道邨網頁整好後,就會刊於該兩討論區內通知大家!所以請你密切留意討論區之動向!
網頁名稱:德興茶餐廳
http://www7.discuss.com.hk/viewthread.php?tid=6151805&extra=page%3D1&page=1
普澤小學
http://www9.discuss.com.hk/viewthread.php?tid=5740112&extra=page%3D1
希望可以係網頁討論區見到你及請通知昔日街坊好友一齊參與呀!Thank you very much~~

largeheadboy said...

alan 你好!
discuss.com 講普澤小學的 thread 我也有到過,仲找到一張有我份的畢業相添!
謝謝你的通知,我會留意啊!

Anonymous said...

Hello~~Largeheadboy~~多謝你嘅瀏覽同參與,你係未普澤舊生呢?第幾屆呀?~~

largeheadboy said...

係呀,我地幾姊弟都係普澤畢業架!我就 81 年畢業(好老餅添!)

Anonymous said...

係呀!你81年畢業架!上午定下午班呀?我仲有同小學老師聯絡架!師兄!請問你仲有無果本畢業同學錄係度呀?因我正籌備緊一個網頁,內裡有一主題係有關普澤小學架!現正搜集緊畢業同學錄!而你嗰屆正好還未搜集度,唔知你或你啲同學仲有無保存住呢?聽你所講你仲有姊弟係讀普澤嘅,唔知仲有無同學錄係度呢?我現在還未搜集度由第一至七及九屆嘅同學錄,唔知你可否幫幫手呢?可以嘅話,我留電郵俾你詳談呀!《alanlam1212@hotmail.com》其實老師們已替我四處尋找架喇!希望可以好快收到你嘅電郵呀!呢個網頁亦得到普澤學校嘅校長、各師生支持架!真係好期待你可以幫幫手去找找及有無都回覆我電郵呀!…大家都係普澤學生唔該晒你先…

largeheadboy said...

我上午班的。不知道我還有沒有本同學錄在家,我搬家多次,可能已經散失了。不過我都會返去搵搵,又或者問吓家人。
你好熱心啊!期待你的網頁!

Anonymous said...

Thank you 師兄~~~~希望好快收到你嘅好消息呀!咁你有無同 d 同學仔聯絡呀?唔知佢哋有無呢?麻煩你幫手問吓打聽吓呀!~~師兄你讀上午班架!我都係喎!你有無印象影過普澤十週年校刊呀?唔知有無影到你呢?我有一本呀!hahahaaa~~~可能見到師兄你呢?我仍有同Miss Yim 聯絡架!遲下有聚會預埋你呀!你可否send 過 e-mail 俾我,方便聯絡呀,可以嘛?.....網頁完成一定通知你!~~靜待回覆!Thank you very much~~(仲有~~師兄你好厲害呀!你去過咁多地方吃盡咁多美食!好羨慕你呀!)

Anonymous said...

你好!!高超道網已經響2008-02-25正式啟用喇!
你有時間就黎睇下啦~~
網址:http://kochiuroadestate.163.to/

by Alan Lam

largeheadboy said...

謝謝你通知!
即刻過去睇下先!

我已經跟小學的同學失晒聯絡喇,我都想知道大家嘅近況。我很懶,校刊還沒有找,希望遲下有好消息通知你喇!
我個 email 就係我個名 + @gmail.com。