Tuesday, April 27, 2010

開動了~

說了沒有六年但應該也有五年的家居大裝修終於要開始了!

早幾天確定了裝修師傅,然後今天早上搬運公司送來了三十個紙箱,下午繼而落實了未來兩個月的容身之所,一切快得已來不及後悔。煩惱的日子,或者會持續好一段時間,但為了將來美好的生活,怎樣也要犧牲一些。


リラックマ,這兩個月要屈就一下你了!

31 comments:

光.軍 said...

姨媽傢俬話: 小改變大改善, 三十個箱的宅急便... 你應該會係大大大改善o卦. 辛苦哂你同鬆弛熊喇!

naruto said...

咁你住响邊呀而家?

小彭 said...

ラックマ流緊兩滴淚, 好可憐~
有d熊仔想走路又未識行喎!

supageti said...

仲以為リラックマ終於開動了添 ~~~ :P

係咪搬入黎大埔呀?

largeheadboy said...

光.軍︰希望係大改善喇!真係好辛苦,依家開始 pack 箱,原來屋企實在有太多太多雜物~

naruto︰呢個禮拜仲未搬,下個禮拜就搬喇,會搬去紅磡~

小彭︰リラックマ係就係可憐啲,不過有好多 friend 陪佢喺個箱入面。同埋,依家識得行都冇用喇。

意粉︰大埔實在遠得濟喇對我嚟講,返工要成個幾鐘,依家會住紅磡,樓下就有巴士站,三四個字應該就返到公司~

Henry1966 said...

Hi 大頭哥哥, 請問你是否住 serviced apartment還是有一些地方可以有短期租約的呢?因為我也為此煩惱中,謝謝。

小頭 said...

要睇清楚問明白每項報價呀,買料要行多幾家比較。定期要去舊屋check 住進度,有問題要盡早出聲,否則米已成炊時無得改架。

紅磡都好似有紅茶館... 咁,你有望成為堂主飯堂的鑽石級會員喎。

Rempei said...

哦~~~被點破了~~你平日得罪咁多人,小心被人僕........

lau2tang said...

真係嗰間??
三十箱!?
我一家三口加埋都應該係呢個數咋喎~

largeheadboy said...

henry︰我租住的那家都叫自己做 service apartment,可以短租至一個月,不過其實無乜 service 可言,幸好最緊要佢話有得上網。上網搵下吖,其實平貴都有好多選擇。有需要可以貓我︰我個名 + gmail~

小頭︰我會架喇!希望一切都順順利利吖!我諗住在家安老以後都唔駛煩架喇~
紅茶館哩,位置唔係太好哩~
鑽石級會員唔易做架,我都係痴住堂主算喇。

ken san︰我咁多仇口,我都好警畀人伏架,所以唔好揚我個地步出嚟呀~

劉鄧︰係嗰間呀,希望做得好喇!唉,搞到好似要賭大細咁大件事~
我屋企都有一家大細架!今日執咗十箱幾箱,又掉咗幾廿轉唔要嘅野,但係仲未執衫同埋廚房喎。原來我屋企真係超多野,好彩呢兩日放假,唔係一定執唔切~

紅米奇 said...

2個月後咪又一間dream house, 諗諗佢整多D玻璃飾物櫃, 用黎比佢地都有show time

歐巴桑 said...

裝修重辛苦過搬屋呀!
但係見到整好後個靚樣一定會很開心

小彭 said...

紅磡!!! 以後咪唔可以街坊裝落街! 我成日由HH行去TKW個喎!

largeheadboy said...

紅米奇︰dream 唔 dream 依家都未知,希望企企理理就得架喇~
對我呢啲懶人嚟講,經驗所談,玻璃飾物櫃唔係咁啱我,因為我一定唔會好好執靚佢,所以全屋都應該會係密封的櫃~

歐巴桑︰呢兩日我已經筋疲力盡喇,之後我驚捱唔住呀!睇嚟要放長假喇~
咁講法,貴宅應該執得唔錯喎!

小彭︰唔好唔化妝添呀仲!不過我都唔認得你架喇!哈哈!你嗰度行去我嗰度好近架咋~

supageti said...

以後可以成日食時新漢堡啦 ~~~

suilan said...

估唔到還未及到府上拜候,已要翻新。新裝之後, 一定要去搞下派對啦!

Rempei said...

如果你肯請我去真串食返2餐勁既,我就唔揚開,否則~~你揾定幾個中南海保鑣啦~~p:

largeheadboy said...

意粉︰紅磡都有好多好野食,等我慢慢發掘下喇,我諗如果食足兩個月時新我會顛咗架喇。

蘭子︰依家你都可以上嚟坐下兼且幫手執下野架!搞掂之後食餐勁一定預埋你~

ken san︰你真係好鐘意真串......個老闆娘喎,佢認得我地架喇,算吧喇~

Henry1966 said...

你那三十箱東西是否放在serviced apartment還是放倉呢?

largeheadboy said...

henry︰我租住嗰度二百呎都無,邊有可能放到三十箱雜物連傢私,幸好姐姐有地方可以畀我暫時存放住,如果唔係就要租倉喇~

suilan said...

裝修緊點坐呢?真係要來研究下。

largeheadboy said...

蘭子︰坐地下囉!不過我唔得閒招呼你喎,今明兩天最後衝刺,趕住禮拜一清場呀~

小彭 said...

不如你去試下飯堂轉左彎o個間甜品店啦, 今日行過就諗起你... 仲有o個間韓國外賣店, 今日行過見都要排隊...

maymay said...

响大碌訂傢俬材料,記得寫清楚地址俾佢地送貨呀,
我亞哥寫左屋苑停車場,諗住佢地响果樹落貨方便d,典知佢地唔肯送上樓,最後講數加左幾舊水,仲要自己幫手搬埋一份!

largeheadboy said...

小彭︰飯堂轉左?係面對飯堂定係背住飯堂轉左?我諗我之後好多機會去韓國外賣店買外賣,你隨時 call 我食飯喇,不過唔好過十一點喎~

maymay︰謝謝提醒!遲下或者我都會上大碌呀揀料呀~
今日 pack 咗成日野,又抽咗三轉野返娘家,依家好攰呀!

ROY said...

我都有d掛住真串呀,去打去問下仲有無10蚊串啦~

largeheadboy said...

roy︰你過到去人地 happy hour 都完晒喇~

小彭 said...

o個間叫手作り咩咩咩呀!
搵晚食飽飯無事做call你去食啦!

largeheadboy said...

小彭︰手作り咩咩咩?即係上次同你經過有得賣 cheap cheap 雪糕嗰間呀?我行一陣就到架喇~

小彭 said...

係呀! cheap cheap 雪糕嗰間.
附近全部都係老人院喎...

largeheadboy said...

小彭︰老人院?咪即係我屋企~
咳呀我呢幾日!