Thursday, February 01, 2007

2 月 30 日

這期興吃薄餅,還要是在網上訂購和用某某信用卡結帳,因為我貪圖那免費雞翼和兩張小食贈券。

昨晚回家後又即時上網訂薄餅,才發覺贈送的雞翼改為番茄煙肉串,有點失望,但薄餅仍是要繼續吃的。一面看軟硬演唱會一面等薄餅,等了足足一個小時薄餅終於送上。

點了 $123 的套餐,包括大批、菠菜雞肉意粉和兩客南瓜湯。另加一客香蒜肉絲意粉,因為要花超過 $130 才能獲得那免費的番茄煙肉串。



香蒜肉絲意粉是從前至愛,但現在難吃極了。

看看送上的兩張小食贈券,有效日期是今年的 2 月 30 日前。什麼?以為只有恐怖電影才有 2 月 30 日這一天,怎麼現實世界也如此恐怖,今個月要多捱兩天才能發薪?



好吧,即管趁趁熱鬧,也將 30 號加進這個月吧!

12 comments:

Anonymous said...

2月30日,太離譜喇!!!

之前都試過收過d客既cheque係date 4月31日....... -_-

largeheadboy said...

萊少︰那個客明顯係想走數喎 ^t^

lau2tang said...

我如果想偷懶唔煮飯,好多時都會叫呢個套餐!不過次次都食唔哂!
我唔鍾意個南瓜湯,太稠,好似食糊咁!都喺忌廉湯多啲!

Anonymous said...

看 heading 還以為大頭真的傻了呢!呵呵!

largeheadboy said...

劉鄧︰乜可以轉忌廉湯架?以為只可以揀佢或者汽水添。我地都食唔晒架,可以留返盒意粉今日食 ^t^

意粉︰我對二月好敏感架,就算傻都一定仲會記得二月一定無 30 號 ^p^

lau2tang said...

個餐喺唔可以轉湯嘅!只不過以前個餐單是忌廉湯啫!
點解對二月敏感?難道是你的大日子?

Anonymous said...

大頭師奶, 你係咪有舖儲/用coupon的習慣架? ^.^

我遇上合適的, 當然會用, 但唔會為左用而去食囉!

Anonymous said...

劉鄧︰由細到大我都對二月有特別感情架,因為二月有情人節吖嘛 ^c^

掃貨狂小彭︰仲以為你有大量 coupon 唔要想捐贈比我添!我都會儲,但當然唔會人地出豉油我出雞咁蠢啦,我呢 d 主婦在呢方面好精明架 ^w^

lau2tang said...

大頭仔,
你又呃鬼食豆腐喇!
早十幾年前都唔興情人節嘅!

Anonymous said...

我走在潮流先鋒嘛

不愧大家都係五仔呀下 ^b^

Anonymous said...

我以前也很喜歡香蒜肉絲意粉的,很難想像現在為何可以搞到咁難吃!

largeheadboy said...

不知怎的,現在的香蒜肉絲意粉只有糊糊的味道,沒有從前的香口。