Thursday, October 19, 2006

回復正常

晚上十時半下機,十一時半已經平安回到家裏。結論有兩個︰一定要提早 call 定車;一定要再坐 ANA 。

一覺醒來,刷牙洗臉,追車趕船,上班工作,一切一切,都會回復正常,我想應該是的。

謝謝大家關心,陪伴我度過四天一個人的旅行。

旅行,始終應該是兩個人的事。



這雙小熊購自人形町的街邊小檔,檔主更多送我一個小松子,謝謝!

34 comments:

Wordy said...

未坐過機場的,次次都係機鐵到九龍站再駁的,唔駛等車一樣一小時內到家。下次有機會或者要試下機場的。

那你下次就兩個人去吧。

Anonymous said...

Welcome Home ~

為什麼旅行應該是兩個人的事?一至 N 個人也可以很好玩啊!

lau2tang said...

Welcome home !

小熊好cutie,加埋小松子更雙得益彰!

小妹 said...

大頭終於返來...憂鬱的大頭就留在東京好了! ^^我可是很想很想單獨去一次旅行呢, 但家人的阻力很難突破...

Wordy said...

年初去北海道之前也擔心過好一段日子,包括天氣、交通、人事、工作,當然還有孤獨的感覺,但結果卻有點出乎意料。

我討厭喜歡孤獨,不然也不會找吃伴。但從日本回來,發現原來孤獨沒我想像的那麼可怕。也算是一堂課吧。


大頭放左假去申請工銀嗎?

Wordy said...

痛苦…該是「我討厭孤獨」 :D

Anonymous said...

一個人去旅行雖然會有些不便,但可獨處數天,任由自己發揮,不用遷就關注別人,感覺很好啊!我很想有機會再去啊!

Wordy,申請新股,今次可以用 EIPO,也可以在 ebanking 申請,不用親自去的。

大頭吟 said...

雖然話則我有大把假,但有時都要檢點些啊。^c^
對我而言,一個人旅行太苦了,我也是個害怕寂寞的人。如再要一個人出發(希望不會),我只會選擇東京,始終是個比較熟悉的地方,正如訂房也一定要選東橫 inn ,隻身在外,不想連床也是陌生的。
小妹,要是你不怕獨處,趁可以定必試試一個人出埠,體驗會不同的,been there, done that。
憂鬱的大頭應該仲係上野街頭行緊街,有機會見到佢唔該比十零廿萬佢,佢應該無乜錢剩。
11:31 上 eipo,原來 11:30 已經收工,太遲了。
十月的東京其實很舒服。

Anonymous said...

你怕獨處?搵小強o黎陪你啦!哈哈!

lau2tang said...

講到我都好想獨自出遊!
我的目標是明年八月初,由名古屋一路上,金澤、白川鄉、高山、平湯溫泉、上高地、松本、諏訪,然後由東京走!嘩!想吓都開心!哈哈!

Anonymous said...

中部o個邊我最想補番去妻籠同馬籠唧 ~

lau2tang said...

喺喎!意粉你可以搵次由名古屋入,妻籠、馬籠、伊勢、鳥羽,熊野古道,再落和歌山打個轉先返轉頭由大阪走,咁就perfect啦!

Anonymous said...

唔錯喎,可以諗諗。^^

大頭吟 said...

小強陪唔到我架,我會走架!

喂喂,兩位,呢度唔係 ec2japan ,傾行程去那邊啦唔該!不過話時話,呢兩條線都幾好喎,不如下年一齊去啦!

lau2tang said...

大頭,
ec2japan那邊時常out of work,英雄無用武之地嘛!
一條上山,一條下海,你喜歡哪一條線多些呢?話時話,你又話去歐洲?

Anonymous said...

ec2 攪到我都無晒心機 ~~

一齊去?你係想同我定同劉鄧去先?哈哈!

Roy said...

大頭仔返黎喇~~有乜正手信先~~

我都唔太喜歡一個人去旅行,所以今年既京阪紅葉之類應該去唔成...........

大頭吟 said...

應該會歐遊吧,我諗,要看下年有什麼平機票。我是叫劉鄧跟意粉一齊去呀!

roy 少︰沒有買很多手信,一個人可買的始終有限。唔好咁快下定論,你隨時又會快閃走一轉哩!

lau2tang said...

去歐洲的洗費會超貴!單單是住宿已所費不菲!

Anonymous said...

一早估到你會咁答!^^

Roy 少先唔會好似你咁出人意表!

Roy said...

今年唔覺有好筍既歐遊機票,想當年5千幾蚊2張BA來回倫敦機票真係超吸引......

咁我又唔會話100%去唔成既,不過近排搬屋駛左幾千蚊,尋日又用3千蚊抽工行,所餘無幾lu.....>_<

大頭仔 said...

劉鄧︰連去了多次日本,是時候回歸歐洲了。錢?無就搵囉!

意粉︰咁聰明?

roy 少︰抽工行即係有錢賺啦!

Wordy said...

錢?無就搵囉!

我搵唔到播,你係邊度搵架?

比你聰明的人該…(點寫先得體呢)…是有的。

歐洲也想去,但一定要有伴才去,預算和挑戰比日本大得多。

Anonymous said...

大頭:我的確係幾聰明!(實情係:傻網主有幾多度板斧吖?)

wordy:嗯 …(點寫先得體呢)… 大頭咁醒目,自有搵錢o既辦法。

歐洲總要去一次,不如約埋一齊去(不限人數)啦。 

Wordy said...

意粉:

你頭頂又生角喇!

largeheadboy said...

wordy︰我的錢在金鐘搵,你的在鰂魚涌搵。你這一刻又搵緊錢囉!我的聰明已在年少時耗盡了。歐洲一個人去太太苦了。

意粉︰尋日銀行人又找我買基金,希望賺到的錢夠去轉歐洲。老實說,呢幾次日遊都叫做唔駛錢。歐洲是要去好多好多次,我去了四次,但都只是到過六七個國家。

Wordy said...

每次去旅行,我都要辛苦存錢。我是辛苦命,各方面都是。

倒有興趣一睹「聰明的大頭」是怎麼樣的?

Anonymous said...

呢幾次日遊都叫做唔駛錢?你係咪真係咁叻呀?唔多似喎,呵呵 ~

大頭仔 said...

我小時候確是神童啊,可惜沒有得到悉心裁培。我那個銀行人幫我投資嘛,我唔識架,當然他們食水很深。這個世界不嬲都是富者越富!

Wordy said...

意粉:
我好鬼得你d 回應 :)

大頭:
要有本金先有人氹落搭。我要拚命 (literally) 儲本金呀!

largeheadboy said...

wordy︰冇問題,大有大做小有小做。有冇做吓啲理財呀?例如你每月供 $2000 過我,一年後我會連本帶利比返 $20000 過你架!
意粉有時都會跌眼鏡的。

Wordy said...

咪當我係係舊樓樓梯底買字花果 d 受騙市民先得架,大耳窿大頭。

Anonymous said...

哦 ~ 原來大頭 d 錢係咁樣搵番黎既 ~

largeheadboy said...

喂,投資不嬲都有風險,價格可升可跌架!