Wednesday, February 28, 2007

中國堀起

昨日內地股市急跌,除了令香港以至亞洲地區的股票市場應聲下跌,更觸發歐美股市急瀉。美國道瓊斯指數更一度急挫五百點,是 911 襲擊以來最大單日跌幅。



從前,通常只有歐美市場的波動才會觸發全球股災,但這次卻是因為內地股市首先下跌,然後引發全球股市出現恐慌性拋售,實屬少見。

內地經濟近年迅速增長,逐漸成為一個舉足輕重的經濟體系,一舉一動都掀動着全球脈搏。很多國家除了視中國是一個重要市場,也是一個威脅。

日本自民黨政調會長中川昭一早前便發表言論,指中國在不斷擴軍的情況下,日本在二十年內將可能淪為中國的另一個省。姑勿論這番言論是否危言聳聽,或另有目的,但中國越見強大確是不爭的事實。

從前,香港人一直自命比內地優勝。這天,風水輪流轉了。

我不熟悉股市,也不了解國際政治形勢。說了這麼多,主要是因為這次弊傢伙,我走唔切。

24 comments:

lau2tang said...

今早在教員室打了個轉,聽到其他人在討論昨天的跌市,最後的結論是叫人儲定錢,執平貨!我也認為如此!

supageti said...

過年前已沽了些貨
我都覺得自己好叻

劉鄧:入不入貨要看市勢,不可單看股價

Wordy said...

有買股票的請多多留言,我旁聽。

不曉得是否跟中國堀起有關,也可能是大範圍借勢調整。

股市如不測風雲,又像大家要收好毛衣、外套,天文台預測下星期氣溫回降至 14 度呢。

Anonymous said...

昨天是我假期後的第一個工作天(我的假期是年廿九至年初九),整天忙得不可開交;早上十時許手持其中兩隻股票還創出新高,滿心歡喜埋首工作之際,一直無暇視察業務(股票),至臨近收市上網一看~點解?點解會跌成咁?總之股票呢家野,一日未賣,都未肯定你係賺定蝕。

老闆從北海道帶來兩盒六花亭曲奇餅給我,好好味呢!

Anonymous said...

大頭:細路仔學乜人買股票呢!哪哪~咁就燒焦喇!

wordy:你又有冇買番兩手玩下咁呢?

largeheadboy said...

劉鄧︰今朝仲跌得好甘!
好,執平貨,呢家野我呢 d 師奶最強 ^t^

意粉︰咁你未可以過肥年囉!

wordy︰是近來升了太多吧?總要跌一跌調整一下。
14 度?又可以打下邊爐 lu !

maymay︰放咁耐假呀?
買股票最緊要輸得起,好彩我仲輸得起!^t^
你老闆對你真好。是那提子餅嗎?流口水中……

supageti said...

maymay:大頭唔係細路仔,佢就黎退休嫁喇。

大頭:同你咁上下_囉。

Anonymous said...

大頭:maymay很幸運,有一個超級好的老闆。

除了提子餅,還有新發壳的一款夾心酥餅(有點像拿破侖),好鬆化、好好味!

意粉:退休?真係想大佢個頭呢!老婆都未娶,有排佢捱呀!

Anonymous said...

自踏入社會工作後, 沾手股票市場, 無錢又學人玩, 差點連吃飯錢也輸掉... 怕怕了!

lau2tang said...

我呢「停」師奶邊識睇市勢吖!
只識得有閒錢就低買高沽,如果隻股唔升就放埋一、二角等運到囉!

Anonymous said...

劉鄧:我都係好似你咁,隻股唔升就放埋一、二角,但係等左十年d運都未到囉!唉!

Anonymous said...

大頭仔: 唔駛驚, 我陪你, 我都有d無走到.

Wordy said...

maymay:
細路仔冇錢買股票,等大 d 先喇。而家旁聽,學得黎啱架喇。

大頭:
轉涼,我淨係諗到有機會著新衫咋。

Anonymous said...

意粉︰經過今日股票大跌,相信又要等多十年才可以退休 >_<
仲有,都係你__啲!

maymay︰那提子餅很好吃,可惜賞味期限太短,不能大量入貨。六花亭的東西實在太好味!

小彭︰我都唔識玩架,淨係識得抽新股,啲股票仲一張張收埋喺屋企 ^u^

劉鄧︰其實我地呢“停”師奶可能一直幫緊銀行同股票行打工!

貝拉︰唔緊要,希望在明天!我地始終有日會見家鄉的 ^o^

wordy︰你成日咁多新衫着嘅!都轉季咯,着返啲舊嘅算吧喇!

lau2tang said...

春裝出籠喇,轉季緊喺著新衫啦!

Anonymous said...

記得在出發前的一星期,我也放了手頭上唯一的一隻中資股,因怕自己忙到看不緊它.

怎知它的價位一直在飛升,到我回港後又創新高.甚至過了前兩日的跌市,價位仍是高過我的放位...股仔好難玩哦,真係!

Anonymous said...

大頭有無抽'果汁'呀? ^.^

我仲有兩隻網股晌手! 係抽番黎架!

Anonymous said...

劉鄧︰我嘅春裝即係秋裝,也就是我舊年的春裝 ^t^

小妹︰你那隻是什麼?我又要入 ^r^
我有一隻中資股,買咁耐跌咁耐 >_<

小彭︰“果汁”要抽十手至有一手,我梗係無喇。有就發喇!網股?好驚喎!

supageti said...

講起股票,原來位位都是行家。^o^

Wordy said...

劉劉鄧、大頭:
係一件冷衫,年廿九睇到,考慮左 15 分鐘,忍唔住買左。
今年只拿了少量冬衣應節,其實冇乜換過季。真正冬天衫係北京同日本著哂喇。

各位:
睇黎我唔係香港人 ^_^

largeheadboy said...

意粉︰股票呢家嘢我唔敢認行家,我係“羊太”!

wordy︰香港經濟就靠你喇!^p^
你唔係香港人,你係九龍人。

Anonymous said...

大頭,
隻股是我那全職股民的朋友介紹的, e+已過了入手的水位啦, 唔想累你做接貴貨的那個哦.

Wordy said...

大頭,咪講笑喇,靠我?香港沉沒 lu!

Anonymous said...

小妹︰咁又係,唔係你財丫嘛 ^u^

wordy︰香港沉沒遲早架喇 ^t^