Friday, March 02, 2007

悲哀

悲哀,是你是巴士上唯一沒座位的乘客。
悲哀,是你揭開了杯麵才發覺沒有熱水。
悲哀,是你買了股票之後出現股災。
悲哀,是你放假仍如常七時便紮醒。
悲哀,是你發現抽水馬桶沒有水。
悲哀,是你站在櫃員機前忘記了提款卡密碼。
悲哀,是你一而再再而三忘了在限期前找卡數。
悲哀,是你難得去年不用交稅今年卻有得退稅。
悲哀,是你上了巴士才發覺八達通沒有餘額。
悲哀,是你心愛的唱片跳線。
悲哀,是你買了的唱片推出了第二版。
悲哀,是你要下載的檔案進度停留在 99.8% 。
悲哀,是你回到公司才發覺西褲褲管卡在襪子裏。
悲哀,是你事不關己但對號入座。
悲哀,是你輸不起。
悲哀,是你不懂珍惜你所擁有的。
悲哀,是你有太多東西放不低。
悲哀,是你不聽老人言。
悲哀,是你所花心血沒有人欣賞。
悲哀,是你力有不隸但又不自量力。
悲哀,是你一錯再錯。
悲哀,是你有太多東西值得悲哀。
悲哀,是你不覺得有什麼值得悲哀。



悲哀,是你沒有選擇。

21 comments:

貝拉 said...

仲咩今日咁悲哀呀?

largeheadboy said...

就係因為今朝放假都七點鐘便醒了 >_<

Wordy said...

嘿嘿,那你中過多少個?

lau2tang said...

我本來都好悲哀,因為今個農曆新年「又」唔記得找卡數,點知最後都畀我講甩咗,本來以為只是豁免了利息費用,點知連逾期手續費也一併豁免,這一刻,簡直開心到飛起!

Wordy said...

劉劉鄧,你咁好記性都會唔記得交卡數?雖然我用左十年信用卡只係衰過兩次,但係都好想知道你有乜方法打甩佢。

maymay said...

悲哀,是你一錯再錯~
十年前輸過一鑊甘嘅之後,都話左唔再買股票架啦,唉,歷史又重演喇!

大頭:尋日下午四時多到佐敦辦點事,於佐敦地鐵月台真係聞到好香嘅煨蕃薯味呀!

pik said...

有d似尷尬多啲噃~

supageti said...

依 d 係日常生活經常發生既事,唔算係好悲哀,至多只係「氣頂」!

大頭仔 said...

wordy︰嘩,我中晒咁濟喇!

劉鄧︰我在農曆假期間也忘了找卡數,我都費事打去申請豁免了,因為佢一定話︰先生,你幾個月前已經豁免一次了,今次唔可以……就當係畀個教訓叫自己下次一定唔可以唔記得吧 >_<

maymay︰你今次好甘咩?升得返架!我諗。
我都話佐敦站勁煨番薯味架喇!不過之前冇咗一排,可能係檔主放年假去。

pik︰我寫時也覺得有些是尷尬多啲,就當那些是日常生活的悲哀吧。

意粉︰hehe ,誇張啲嘛,咁先至吸引到讀者嘛!你話咁樣悲唔悲哀?

supageti said...

呵呵,咁又真係幾悲哀!

Wordy said...

那個中得最多?是「回到公司才發覺西褲褲管卡在襪子裏」嗎?

讀者要來便來,不用刻意吸引。這樣的讀者才是您要的讀者嘛。

小彭 said...

咦, 我都中唔少喎!

我的公司經常出現: 抽水馬桶沒有水! 這是很不安的!

maymay said...

都幾甘架~對我黎講!
唯有又放埋一、二角等運到囉!

lau2tang said...

我個借口是無收到張月結單!其實我也找不到那張月結單!
今次唔打甩佢唔得!因為跟著那一期剛交了稅,逾期利息要連這一筆款項一起計算,好傷!

大頭仔 said...

意粉︰鬼叫呢度人流咁低咩,所以未谷吓收視囉!

wordy︰從前間中出現“西褲褲管卡在襪子裏”,但通常在樓下已被發覺。現在小心多了!

小彭︰公司無廁所水實在是很大鑊的事,簡直係末日咁濟!

maymay︰等多陣喇,橫豎不趕住用。十年八載之後可能就咁發咗達架!

劉鄧︰呢個藉口未用過喎,我通常話自己唔喺香港 ^o^

二月魚魚 said...

悲哀,是某人硬啃你點了但放假沒吃的早餐﹗

大頭仔 said...

唔係呀,又出事?
禮拜四我冇叫蘭姐預備早餐畀我架!
弊!

lau2tang said...

悲哀咗好多日喇,轉吓得唔得呢?

supageti said...

放假都唔 update 下
我地就真係悲哀嘞 >_<

路人甲 said...

今日就真係唔慌唔悲哀嘞,股市好似食左瀉葯咁,跌得好甘、好甘、好甘呀!!!

我唔係好受得住剌激架咋(賭仔姓賴),唔該你寫個新主題緩和下氣氛先啦!

大頭仔 said...

劉鄧︰好喇,轉頭搵啲嘢嚟沖喜吓喇就!

意粉︰放假就乜都懶架啦 ^t^

路人甲︰係喇,跌到吖!好彩上個禮拜見唔對路走咗,唔係仲甘!為咗個市好,即刻做啲嘢先 ^c^