Saturday, February 21, 2009

第一日︰東京,你好!

經過九小時工作和三小時日語課,在凌晨的航機上,大家都一臉倦容。這一刻我們最需要的,不是一份有魚有肉的飛機餐,而是毫無干擾的睡眠。看過日出看過富士山,我們再次踏足日本的國土。


羽田空港的國際航廈屬臨時設施,設備很簡陋,感覺就好像到了深圳或者是蛇口,幸好過關和取行李都很快,沒有什麼好投訴了。我們乘接駁巴士到第一航廈,買過京急羽田・ちか鉄共通パス,就乘坐京急線,跟一眾上班族向新宿進發。


我們原先計劃先到築地市場吃第一頓早餐,然後再到渋谷吃第二頓早餐,但這個安排好像瘋狂了一點,最後我們在新宿歌舞伎町東橫イン放下行李後,乘坐副都心線直接前去渋谷。貫通渋谷、新宿、池袋的副都心線去年六月才開通,從新宿歌舞伎町東橫イン走幾分鐘就可以到達都營大江戶線也有設站的東新宿站,十分方便。


已記不起上一次到渋谷是幾多年前的事。那時候,我們還會到那家規定要在半小時內吃滿七碟壽司的 100 円迴轉壽司店拼命。時移世易,這家壽司店現在已漲價到 120 円一皿了。


這次再來渋谷,其中一個目的也是來吃壽司,不過地點是附近 Mark City 的熱門行列店梅丘寿司の美登利。我們十時多來到已經看見有人在門外等候,反正開始營業前的這數十分鐘時間也去不了什麼地方,我們就坐在長櫈上等候入座,順便小休一會。


美登利以價廉物美見稱,即使放任大吃大喝也不會令荷包大出血。事實上,我們各點了一份特上壽司,另加一客巨型的穴子壽司,都已經要撐着肚皮了。坐在壽司枱前,欣賞着壽司師傅因應我們的速度把剛握好的壽司放到葉片上,又是一種樂趣。


渋谷是音樂發燒友的樂園,這裏有很巨型的 hmvtower records。我對這家 tower records 特別有感情,因為十一年前第一次來東京也曾到此一遊。


之前到東京,我們通常都是購買都營地下鐵的一日乘車券,但這天手持的乘車券除了可以乘坐都營地下鐵的四條路線之外,還可以利用東京地下鐵的十條路線,一下子感覺可以走遍整個東京。乘地下鐵半藏門線到一個站之外的表參道,在南青山找到跟插畫師奈良美智有點關係的 AtoZ Cafe。當其他人還在吃着蠻超值的午飯套餐時,肚子還有十多件壽司的我們只點了雪糕。


有想過盡用一日乘車券再到上野或者池袋,但我們決定先回新宿,因為西武新宿駅旁邊的風風亭逢星期一至星期四下午五時至六時入座,光顧燒肉放題就能夠以半價 525 円享用飲み放題。這樣蠻吸引的優惠我們又怎能錯過呢?雖然這天大家的戰鬥力已經所剩無幾。


我們都懷疑這裏的燒酎酒精含量偏高,再加上睡眠不足,一杯未盡我們都已經天旋地轉,到了中段更加要閉目養神,從來都沒有試過吃燒肉吃得這樣辛苦啊!最後我們在兩個小時時限完結前匆匆結帳,然後腳步浮浮地穿過歌舞伎町走回旅館去。我知道,這頓燒肉放題我們應該回不了本。


這一晚,我們沒有幹掉預留作宵夜的乳酪和草莓,因為我們足足昏迷了十二個小時。

32 comments:

ROY said...

張京急羽田・ちか鉄共通パス回唔回到本呀?
燒肉放題我地食會唔抵...

題外話中午12點到信濃大町,夠唔夠時間玩?

歐巴桑 said...

你哋好勁呀!
多年前試過一次玩搭這類零晨機然後得番半條人命後
以後都無試過咁進取呀^t^

紅米奇 said...

點解我搭咁多次去東京都未試過係飛機到見到富士山ge??? 下次留意下先
飲一杯腳浮浮行翻酒店, 會唔會經過歌舞伎町時有好多靚仔靚女想同你傾計而錯過左吖, 可惜可惜 XD

小妹 said...

好好彩呀你地~ 新正頭就見到fuji san一路保佑, 今年一定順風順水呀!

largeheadboy said...

roy︰畀你咁講張 pass 真係回唔到本喎!我地原本諗住食完燒肉再去池袋,點知真係頂唔順,如果去埋先回到本呀~
食放題開心好多喎!^_^
你唔會諗住去到信濃大町之後即刻上去雪の大谷呀?信濃大町我剩係路過,唔知有乜嘢玩。不如好似我咁上埋去大町溫泉鄉住一晚,浸下溫泉,呢度仲近扇沢多啲,第二朝可以早啲去到扇沢上室堂。

歐巴桑︰我地得五日,點都要搏命啲~
其實日頭個人仲好亢奮唔係覺得太攰,係夜咗就真係無晒精力喇,所以下次如果再搭凌晨機,一定要早啲返旅館休息。嗰日又好彩一瞓就瞓咗十二個鐘,如果唔係第二日都無精神啊!:p

紅米奇︰我都係第一次見到富士山咋,要坐右手邊至得喎。架機仲兜住佢飛咗好耐好耐至降落啊!
我地塊面紅到爆,我諗佢地都怕咗我地呀!^t^

小妹︰係喎,fuji san 係好嘢嚟個喎!咁我今年一定鴻運當頭,成日都有得去日本喇!hehe~

小彭 said...

右邊? 真係右邊?
FUJI SAN真係好勁, 唔係人人受得起架!
我都係好堅持要坐零晨機去東京(其實我坐過去seoul架啦), 點都好過坐夜車去札幌.

maymay said...

富士山張相好得呀!
士多啤梨咁畸形,一定好甜~
咁樣食法,低脂肪乳酪都幫你唔到啦!
如果好似今晚咁瞓唔著,我諗我搭淩晨機應該冇問題架~^^

rempei said...

我有野想發問啊
1. "京急羽田・ちか鉄共通パス"可否乘副都心線?
2. 地鉄那張票可否"不"同日用?
3.梅丘寿司の美登利那餐埋單幾多$?
唔該哂,帥哥!

largeheadboy said...

小彭︰係!係!名古屋大使,係我搞錯咗,左手邊至真~
唔係喎,夜車上札幌我仲瞓得多啲喎!最衰你呢期唔飛東京喇!

maymay︰點解瞓唔着架?尋日食得太飽?:p
呢隻枥木県士多啤梨真係好甜,不過個樣就古怪啲,兩粒癡埋變成一粒咁,三百幾 yen 仲有半價。
咦,你有潛質搭凌晨機喎!

薯嘜︰
1. 當然搭到副都心線,佢係東京地下鐵一份子嚟架嘛。
2. 一定要同一日用架!不過你第一日都即刻離開東京,唔駛買呢個喇~

3. 美登利呢餐 3,990yen,如果七算仲抵~

ROY said...

03年去涉谷美登利我地只點左1個特上set同2碟穴子~

又題外話...信濃大町去扇沢坐巴士40分鐘,其實想問番你上次去時,由信濃大町start到行完雪之大谷walk返番室堂駅,total幾耐時間?

largeheadboy said...

roy︰嘩!果然係日遊專家,我 03 年仲蒲緊涉谷那家 100 yen 的築地本店。

我係之前一日由信濃大町去咗大町溫泉鄉,第二日朝早七點幾由大町溫泉鄉出發,十二點左右已經行完雪之大谷,咪再買多張來回飛去弥陀ヶ原,之後四點幾就已經返到去信濃大町回程去松本。
其實雪之大谷就喺室堂駅外面,好近架咋~

maymay said...

失眠係我嘅更年期病徵呀~
我都鍾意奈良美智架,個樣好奀皮~^^

Ellen老師 said...

嗯~~東京呢!
看看跟它是否有緣相聚先!

ROY said...

繼續題外話...
而家plan去松本住一晚先,第二朝搭JR去信濃大町,然後一路去行埋雪之大谷walk就回頭,返信濃大町搭巴士直接回新宿。
有無印象信濃大町locker多唔多?及會唔會有收費放行李既地方?

lau2tang said...

Roy,
不如睇睇呢個遊記啦~
http://hk.myblog.yahoo.com/jw!PR7hjsuCHxsAR5QNNa3ZAQ--/
我見佢由富山寄行李到信濃大町,斷估佢取行李的地方都可以幫人寄存埋呱~

maymay said...

不如開個題目講立山黑部啦~~

小彭 said...

我只係覺得右邊有d怪姐, 因為日光日白我都係要劃左邊位, 就係為左睇下同fuji san有無緣。如果cx飛羽田, 我第一時間去支持下~

個次夜車我以為劃到nobi nobi好叻咁, 點知貼住個車底訓唔到。 零晨機我未起飛就訓左, 但竟然被空姐叫醒食宵夜, 真係被佢吹脹... 我d團友好好彩無被叫醒, 因為我同空姐講佢地唔食。

largeheadboy said...

maymay︰唔,都話應該係見完我地個人好開心瞓唔着覺啫~
我以前一直以為奈良美智係女仔嚟架!我好想去金沢那個美術館,好多奈良美智嘅作品睇架!

老師︰東京怎會跟它沒有緣呢?仲有成兩個月至復活節,中間可以有好多可能性嘅!^t^

roy︰我都唔知信濃大町有冇 locker 之類呀!我諗不如一係住埋喺信濃大町,咁啲行李咪可以返嚟嘅時候攞囉。又或者宅急便返新宿囉~

嘩!好彩我打錯驗證碼,突然見到多咗三個留言,可以覆埋先~ ^t^

劉鄧︰係喇,我諗信濃大町係登山起點站,點都有地方放行李嘅。萊少可以搏一搏喎!:p

maymay︰係喇,人地講緊東京架嘛好好地~

小彭︰舊年 cx 係咪都飛過羽田架好似?係喇,cx 有得飛羽田就發喇,我好想儲多啲 asia miles 呀~
你咁得意嘅,同空姐話團友唔食餐又冇話埋自己嘅?我開頭都諗住唔食架,但係食落又突然好肚餓喎~

Ellen老師 said...

睇嚟~~大家誓要征服立山黑部喎!
老師要唔要加把嘴呢下?

largeheadboy said...

老師︰我覺得你直頭要身體力行自己都去埋一份呀!^t^

lau2tang said...

坐JAL飛羽田都可以儲Asia Miles架~
所以,我唔知你點解會坐ANA?

ROY said...

之前(2005年)有問過日航,答話只可以儲番落JAL Mileage Bank喎...

搭凌晨機可以要求唔叫醒你食早餐架,d空姐會貼張label晌座位前面~

lau2tang said...

我零五年尾就係坐日航飛大阪,我都成功將的飛行里數存了入asia miles,只是你check-in時,俾個no.地勤人員就得。

lau2tang said...

可以再睇睇呢個資料:-
http://www.asiamiles.com/am/zh/earn/airlines/detail?refID=b836e38c54bfa110VgnVCM1000000ad21c39RCRD

largeheadboy said...

劉鄧︰我當時有問莫小姐如果搭 jal 可唔可以儲 mileage,佢話佢地做緊嗰隻特價飛 ($2,350)唔得喎。我地 ana 平 $50 反而可以儲七成,不過我冇入會呀~

roy︰啲空姐都好醒目架!見人瞓到隻豬咁唔派餐畀佢地架!我呢啲眼光光等開飯嘅當然就照畀喇~ ^t^

ROY said...

"由 2007 年 4 月 1 日起,日航集團更成為「寰宇一家」聯盟成員。"

會唔會係依日先開始呀?
個次晌機場check in時, 我直頭拎埋張asia miles咭出黎,但個地勤姐姐話只可以儲番落jal mileage bank播。

紅米奇 said...

乜可以儲落asia miles架, 蝕左tim, 唔知可唔可以後補入翻呢? 希望可以補翻1月果次的miles啦
我同樣同小彭一樣, 堅持搭零晨機, 多好多時間玩的

largeheadboy said...

roy︰咁你呢次可以儲 mileage 嗎?

紅米奇︰係咪半年定三個月內都可以 claim 得番架?
凌晨機的確時間好用啲,我諗以後去東京我都係搭佢喇!儲 mileage 就留返飛大阪喇~

lau2tang said...

點解我記得咁清楚,因為呢次坐JAL係我第一次claim asiamiles,又係呢幾年唯一一次坐JAL,我仲記得我係經莫小姐買機票,個機票係L class。
萊少你05年那次是否坐加班包機,會唔會包機係W or S class,所以無得儲asia miles。

ROY said...

劉鄧,
可能係咁啦~

大頭,
其實我儲黎都無乜用,得個二、三千分...

小彭 said...

係個空姐叫醒左個坐路邊的熟睡中的乘客, 而個被吵醒的好心乘客就叫阿空姐唔使叫醒其他幾位熟睡中的乘客. 而被吵醒的好心乘客就眼光光睇住其他肚餓的乘客食野.

largeheadboy said...

劉鄧︰咦,話時話,我都仲未坐過 jal 添!有機會要坐吓先~

roy︰所以我今轉 ana 我都唔諗住儲喇~

小彭︰咁被吵醒嘅乘客咪可以繼續食宵夜囉。:p